ପାହାଡ଼ କାଟି ଜମିକୁ ଜଳସେଚନ ସୁବିଧା କଲେ ଚାଷୀ

ନବରଙ୍ଗପୁର,୨୯ା୧୨(ବି.ପ୍ର.): ପ୍ରଶାସନ ଦ୍ୱାରା ଯାହା ସମ୍ଭବ ହୋଇ ପାରିଲାନି ତାହା ଚାଷୀ ନିଜ ଉଦ୍ୟମରେ ସମ୍ଭବ କରି ଦେଖାଇଛନ୍ତି। ବାରମ୍ବାର ଦାବି ପରେ ମଧ୍ୟ ମୃତ୍ତିକା ସଂରକ୍ଷଣ ବିଭାଗ ପକ୍ଷରୁ ଜମିକୁ ଜଳସେଚନର ସୁବିଧା ହୋଇପାରି ନ ଥିବାବେଳେ ୧୦ ଚାଷୀ ପରିବାରର ସଦସ୍ୟ ନିଜ ଖର୍ଚ୍ଚ ଏବଂ ଅକ୍ଳାନ୍ତ ପରିଶ୍ରମରେ ଜମିକୁ ଜଳଯୋଗାଣର ସୁବିଧା କରିପାରିଛନ୍ତି। ପାହାଡ଼ର ପଥର କାଟି ଓ ଜଙ୍ଗଲ ରାସ୍ତାରୁ ଲଟାବୁଦା ସଫା କରି ଝରଣା ପାଣି ୨ କି.ମି. ଦୂର ଚାଷଜମିକୁ ମଡ଼ାଇବାରେ ସଫଳ ହୋଇଛନ୍ତି। ନବରଙ୍ଗପୁର ଜିଲା ପାପଡ଼ାହାଣ୍ଡି ବ୍ଲକ ମାଝିଗୁଡ଼ା ପଞ୍ଚାୟତ ଅନ୍ତର୍ଗତ ଲଦି ଓ ଟିର୍ଲିଗୁଡ଼ା ଗ୍ରାମରେ ଏଭଳି ଘଟଣା ଘଟିଛି। ଏବେ ଉକ୍ତ ଝରଣା ଜଳ ସାହାଯ୍ୟରେ ଚାଷୀ ବେଶ ଲାଭବାନ ହେଉଛନ୍ତି। ଅନ୍ୟପକ୍ଷରେ ପ୍ରଶାସନ ଏବଂ ବିଭାଗର ଅପାରଗତା ପଦାରେ ପଡ଼ିଛି।

ଜଳସେଚନର ସୁବିଧା ପାଇଁ ଚାଷୀମାନେ ବାରମ୍ବାର ପ୍ରଶାସନର ଦ୍ୱାରସ୍ଥ ହୋଇଛନ୍ତି। ସାହାଯ୍ୟ ପାଇଁ ଗୁହାରି କରି ଥକିଯିବା ପରେ ଶେଷରେ ନିଜେ ପାହାଡ଼ ପଥର କାଟି ଏବଂ ଜଙ୍ଗଲରୁ ଲଟାବୁଦା ସଫା କରି ୨୫ ଏକର ଚାଷଜମିକୁ ଝରଣା ପାଣି ଯୋଗାଇବାରେ ସଫଳ ହୋଇଛନ୍ତି। ଅନୁର୍ବର ଜମିକୁ ଶସ୍ୟଶ୍ୟାମଳା କରିଛନ୍ତି। ସୂଚନାଯୋଗ୍ୟ, ପାପଡ଼ାହାଣ୍ଡି ବ୍ଲକ ମାଝିଗୁଡ଼ା ପଞ୍ଚାୟତ ଅନ୍ତର୍ଗତ ଲଦି ଭାଲୁଝର ଗଦଗଦା ପାହାଡ଼ କୋରଡ଼ରୁ ବର୍ଷସାରା ଝରଣା ଝରୁଛି। ସେଇ ପାଣିକୁ ମୃତ୍ତିକା ସଂରକ୍ଷଣ ବିଭାଗ ପକ୍ଷରୁ ଏକ ଛୋଟ ଚେକଡ୍ୟାମ୍‌ କରି ଚାଷଜମିକୁ ଯୋଗାଇବା ପାଇଁ ପ୍ରତିଶ୍ରୁତି ଦେଇଥିଲା। ଏଥିପାଇଁ ପ୍ରକଳ୍ପ କାମ ମଧ୍ୟ ଆରମ୍ଭ ହୋଇଥିଲା। ହେଲେ ଅଧା ରାସ୍ତା ପର୍ଯ୍ୟନ୍ତ ପାଣି ଆଣି ଛାଡ଼ି ଦେଇଥିଲେ। ଅନ୍ୟପଟେ ଜଙ୍ଗଲ ପାହାଡ଼ ପାଦଦେଶରେ ଥିବା ଜମିକୁ ପାଣି ଆସୁ ନ ଥିବାରୁ ଜମି ପଡ଼ିଆ ଭଳି ଶୁଖିଲା ପଡ଼ିଥିଲା। ଚାଷ ନିମନ୍ତେ ଗ୍ରାମବାସୀ ଜଳସେଚନ ପାଇଁ କୃଷି ବିଭାଗ ସହ ବିଭିନ୍ନ ବିଭାଗକୁ ଜଣାଇଥିଲେ। ବିଭାଗୀୟ କତ୍ତୃପକ୍ଷ ବୋରୱେଲ ଖୋଳିବାକୁ କହିଥିଲେ। ହେଲେ ଗୋଟିଏ ବୋରୱେଲ ପିଛା ୨୦ ହଜାର ଟଙ୍କା ଉଠା ଜଳସେଚନ ବିଭାଗରେ ଜମା କରିବାକୁ ପଡ଼ିବ ବୋଲି ଶୁଣି ଚାଷୀମାନେ ଭାଙ୍ଗି ପଡ଼ିଥିଲେ। ସେମାନେ ବୋରୱେଲ ଖୋଲିବା ପାଇଁ ଟଙ୍କା ଯୋଗାଡ଼ କରିପାରି ନ ଥିଲେ। ତେଣୁ ଗ୍ରାମର ଚାଷୀ ଏକତ୍ରିତ ହୋଇ ଗାଁ ପାଖରେ ଥିବା ପାହାଡ଼ ଉପରୁ ଝରଣା ପାଣିକୁ ଜମିକୁ ଆଣିବା ପାଇଁ ନିଷ୍ପତ୍ତି ନେଇଥିଲେ। ଉକ୍ତ ଝରଣା ଜଳକୁ ବ୍ୟବହାର ଉପଯୋଗୀ କରିବା ନିମନ୍ତେ ପାହାଡ଼ କାଟି ଏକ ପ୍ଲାଷ୍ଟିକ ପାଇପ୍‌କୁ ଝରଣା କୂଳରେ ଲଗାଇ ପ୍ରାୟ ୨ କି.ମି. ନାଳ ତିଆରି କରି ଚାଷଜମିକୁ ପାଣି ଆଣିବାରେ ସଫଳ ହୋଇଥିଲେ। ଏହି ପାଣିକୁ ସିମେଣ୍ଟ ଡ୍ରେନ୍‌, ନାଳ ଓ କିଛି ପାଇପ୍‌ ସାହାଯ୍ୟରେ ପ୍ରାୟ ୨ କି.ମି. ପର୍ଯ୍ୟନ୍ତ ଆଣି ଗ୍ରାମବାସୀ ପରିବା ଚାଷ କରୁଛନ୍ତି। ଏଥିପାଇଁ ପ୍ରାୟ ୫୦ ହଜାର ଟଙ୍କା ଖର୍ଚ୍ଚ ହୋଇଥିବା ଚାଷୀ ପ୍ରକାଶ କରିଛନ୍ତି। ପାହାଡ଼ ତଳେ ନିଜ ଜମି ଥିବାରୁ ୧୦ ଟି ଚାଷୀ ପରିବାର ପ୍ରାୟ ୨୫ ଏକର ଜମିରେ ଝରଣା ପାଣିରେ ପରିବା ଚାଷ କରି ବେଶ ଲାଭବାନ ହେଉଛନ୍ତି। ଆଦିବାସୀ ଅଧ୍ୟୁଷିତ ଅଞ୍ଚଳରେ ନିଜସ୍ବ ଜ୍ଞାନକୌଶଳକୁ ବ୍ୟବହାର କରି ବହିଯାଉଥିବା ଜଳକୁ ବ୍ୟବହାର ଉପଯୋଗୀ କରିବାରେ ଚାଷୀ ସଫଳ ହୋଇଛନ୍ତି। ଏହା ଅନ୍ୟମାନଙ୍କୁ ମଧ୍ୟ ପ୍ରେରିତ କରିବ ବୋଲି ବୁଦ୍ଧିଜୀବୀ ମତପ୍ରକାଶ କରିଛନ୍ତି। ପାପଡ଼ାହାଣ୍ଡି ବ୍ଲକ ମାଝିଗୁଡ଼ା ପଞ୍ଚାୟତ ଅନ୍ତର୍ଗତ ଗିର୍ଲିଗୁଡ଼ା ଗ୍ରାମର ତୁଳାରାମ ହରିଜନ, ଈଶ୍ୱର ଚନ୍ଦ୍ର ଟାକ୍ରି, କମଳଲୋଚନ ଗୌଡ଼, ଦୟା ଜାନି, ଶାନ୍ତିକୁମର ହରିଜନ, ଭଦର ଜାନୀ, ସମାରୁ ଗୌଡ଼, ଭୁବନ ଗୌଡ଼ ସହ ଲଦି ଗ୍ରାମର ଅଜୟ ଟାକ୍ରି, ସିଦ୍ଧି ପ୍ରକାଶ ଗରଡ଼ା ପ୍ରମୁଖ ଝରଣା ପାଣିରୁ ଲାଭବାନ ହେଉଛନ୍ତି। ଏବେ ସେମାନେ ନିଜ ଜମି ପାଖକୁ ପାଣି ଆଣି ବିଭିନ୍ନ ପରିବା ଯଥା କୋବି, ବାଇଗଣ, ମଟର, ଟମାଟ, କଞ୍ଚାଲଙ୍କା ଆଦି ଚାଷ କରି ଲାଭବାନ ହେଉଛନ୍ତି। ଏବେ ପରିବା ଦର ଭଲ ନ ଥିଲେ ମଧ୍ୟ ମାସିକ ୫ ହଜାରରୁ ୭ ହଜାର ଟଙ୍କା ଲାଭ ମିଳୁଥିବା ଚାଷୀମାନେ ପ୍ରକାଶ କରିଛନ୍ତି। ଆଗକୁ ଖରାଟିଆ ଚାଷ କରିବାକୁ ଇଚ୍ଛା ପ୍ରକାଶ କରିଛନ୍ତି ଚାଷୀ। ପ୍ରଶାସନ ଦୃଷ୍ଟିଦେଇ ଉକ୍ତ ଗ୍ରାମ ଗୁଡ଼ିକରେ ଜଳସେଚନର ସୁବିଧା କଲେ ଚାଷୀକୂଳ ଉପକୃତ ହେବେ ବୋଲି ମତପ୍ରକାଶ ପାଇଛି।


Enter your email to get our daily news in your inbox.

All Right Reserved By Dharitri.Com

ଟିକାକେନ୍ଦ୍ରରେ ଅସମ୍ଭାଳ ଭିଡ଼:ଗର୍ଜିଲେ ଲୋକେ

ଦିଗପହଣ୍ଡି,୧୪।୯(ଡି.ଏନ.ଏ): କରୋନା ବିରୋଧରେ ଚାଲିଥିବା ଟିକାକରଣ ଅଭିଯାନକୁ ୨୦୦ ଦିନ ବିତିଯାଇଥିଲେ ମଧ୍ୟ ଦିଗପହଣ୍ଡି ସହରରେ ଲୋକଙ୍କୁ ମିଳୁନି କରୋନା ଟିକା। ଗତ ଜାନୁୟାରୀ ୧୬ରୁ...

ସ୍କୁଲ୍‌, କଲେଜ ଆଗରେ ମୁକୁଳା ଟ୍ରାନ୍ସଫର୍ମର

ସାରସକଣା/ ଗୋପବନ୍ଧୁ ନଗର,୨୯ା୧୧(ଡି.ଏନ.ଏ.):ମୟୂରଭଞ୍ଜ ଜିଲା ସାରସକଣା ବ୍ଲକ୍‌ର ବିଭିନ୍ନ ସ୍ଥାନରେ ବିଦ୍ୟୁତ୍‌ ଟ୍ରାନ୍ସଫର୍ମର ମୁକୁଳା ହୋଇପଡ଼ିଛି। ବିଷେତଃ ଏହା ସ୍କୁଲ୍‌ ପରିସର ଓ କଲେଜ ଆଗରେ...

କାଳରେ ଲୀନ ଅପେକ୍ଷାରେ ସାଧନାସ୍ଥଳ

ପାଲଲହଡା,୨୧ା୮ ପ୍ରାୟ ୭୦ ବର୍ଷ ତଳେ ପାଲଲହଡା ଗଡଜାତ (ବର୍ତ୍ତମାନର ଅନୁଗୋଳ ଜିଲା ପାଲଲହଡ଼ା ବ୍ଲକ)ରେ କଳାର ବିକାଶ ପାଇଁ ଗଠନ ହୋଇଥିଲା ଏକ ଅସ୍ଥାୟୀ...

ଜିଲାପାଳ ଡାକିଲେ ବୈଠକ: ଗଞ୍ଜାମରେ ସ୍ବଳ୍ପ ବୃଷ୍ଟି, ଆଶଙ୍କାରେ ଚାଷୀ

ଛତ୍ରପୁର,୧୯ା୭(ଡି.ଏନ.ଏ)- ଗଞ୍ଜାମ ଜିଲାରେ ସ୍ବଳ୍ପ ବୃଷ୍ଟି ଯୋଗୁ ଚାଷକାର୍ଯ୍ୟ ବ୍ୟାହତ ହୋଇଛି। ପରିସ୍ଥିତିର ମୁକାବିଲା କରିବା ପାଇଁ ଜିଲାପାଳ ବିଜୟ ଅମୃତା କୁଲାଙ୍ଗେ କୃଷି ବିଭାଗ...

ଗଞ୍ଜାମ ଜିଲାକୁ ଭୋଜି ଖାଇବାକୁ ଯାଇ ଦମ୍ପତି କରୋନା ଆକ୍ରାନ୍ତ: ପିଣ୍ଡିକି ଗ୍ରାମକୁ କଣ୍ଟେନମେଣ୍ଟ ଜୋନ ଘୋଷଣା

ଆର.ଉଦୟଗିରି,୬।୭(ଡି.ଏନ୍‌.ଏ.): ଗଜପତି ଜିଲାର ମୋହନା ବ୍ଲକ ପିଣ୍ଡିକି ଗ୍ରାମର ଏକ ଦମ୍ପତି କରୋନା ଆକ୍ରାନ୍ତ ହୋଇଛନ୍ତି। ଏହା ପରେ ଗ୍ରାମକୁ ୭ ଦିନ ଲାଗି କଣ୍ଟେନମେଣ୍ଟ...

ପ୍ରାର୍ଥୀ ହେବାରୁ ଧାନଗଦା ଜାଳିଦେଲେ

ତିଗିରିଆ, ୨୩।୧ (ଡି.ଏନ୍‌.ଏ.): ତିଗିରିଆ ଥାନା ଅନ୍ତର୍ଗତ ଅଚଳକୋଟ ପଞ୍ଚାୟତରେ ସରପଞ୍ଚ ପଦବୀରେ ନାମାଙ୍କନପତ୍ର ଦାଖଲ ପରେ ରାଜନୈତିକ ଆକ୍ରୋଶ ଦେଖିବାକୁ ମିଳିଛି। ଏହି ପଞ୍ଚାୟତ...

ଅନିଶ୍ଚିତତାରେ ପିଡିଏସ୍‌ ସାମଗ୍ରୀ ବଣ୍ଟନ

ସମ୍ବଲପୁର, ୨୬।୩ (ବ୍ୟୁରୋ): କରୋନା କଟକଣା ଓ ଲକ୍‌ ଡାଉନ୍‌ ଘୋଷଣା ପରେ ରାଜ୍ୟ ସରକାର ୩ମାସର ଆଗୁଆ ପିଡିଏସ୍‌ ସାମଗ୍ରୀ ବଣ୍ଟନ କରିବା ପାଇଁ...

ହାଇଜେନିକ୍‌ ମାଛ ବଜାରରେ ରହୁନି ସ୍ବଚ୍ଛତା

ବ୍ରହ୍ମପୁର ଅଫିସ,୨୬।୬: ବ୍ରହ୍ମପୁର ସହରବାସୀଙ୍କୁ ସ୍ବଚ୍ଛତା ବାତାବରଣ ମଧ୍ୟରେ ଆମିଷ ଦ୍ରବ୍ୟ ଯୋଗାଇବା ଲକ୍ଷ୍ୟରେ ବ୍ରହ୍ମପୁର ମହାନଗର ନିଗମ (ବିଏମ୍‌ସି) ପକ୍ଷରୁ ମର୍ଦ୍ଦରାଜ ଭେଣ୍ଡିଂ ଜୋନ ପରିସରରେ...

Advertisement
Archives

Model This Week