Posted inଜାତୀୟ

ବିଦାହେବେ ଅପାରଗ, ଦୁର୍ନୀତିଗ୍ରସ୍ତ ବାବୁ

ନୂଆଦିଲ୍ଲୀ,୩୦ା୮- ଅପାରଗ ଓ ଦୁର୍ନୀତିଗ୍ରସ୍ତ ବାବୁମାନେ ଆଉ ଅଧିକ ସମୟ ଚାକିରିରେ ରହିପାରିବେ ନାହିଁ। ୫୦ରୁ ୫୫ ବର୍ଷ ବୟସ ହୋଇଥିବା ଓ ୩୦ ବର୍ଷ ଚାକିରି କରିସାରିଥିବା ଭାରତୀୟ ପ୍ରଶାସନିକ ସେବା (ଆଇଏଏସ୍‌), ଭାରତୀୟ ପୋଲିସ ସେବା (ଆଇପିଏସ୍‌) ଏବଂ ଅନ୍ୟ ଅଫିସରଙ୍କୁ ଆଗୁଆ ଅବସର ଦେବା ପାଇଁ କେନ୍ଦ୍ର ସରକାର ଯୋଜନା କରିଛନ୍ତି। ସାଧୁତାକୁ ନେଇ ସନ୍ଦେହରେ ଥିବା ଏଭଳି ଅଧିକାରୀମାନଙ୍କ ସର୍ଭିସ୍‌ ବୁକ୍‌ ରେକର୍ଡ ଆଧାରରେ ତାଲିକା ପ୍ରସ୍ତୁତ କରିବା ଲାଗି ସବୁ ମନ୍ତ୍ରଣାଳୟକୁ ନିର୍ଦ୍ଦେଶ ଦିଆଯାଇଛି।
ସରକାରୀ ଚାକିରି ପାଇଁ ଅବସର ବୟସ ହେଉଛି ୫୮ ବର୍ଷ। ତେବେ ଚାକିରିରେ ଥାଇ କାମ କରିପାରୁ ନ ଥିବା ଓ ଦୁର୍ନୀତି କରୁଥିବା ଅଫିସରମାନଙ୍କୁ ହଟାଇବା ପାଇଁ ପ୍ରସ୍ତୁତି ଆରମ୍ଭ ହୋଇଛି। କାର୍ମିକ ଓ ତାଲିମ ମନ୍ତ୍ରଣାଳୟ ପକ୍ଷରୁ ଏନେଇ ଅଗଷ୍ଟ ୨୮ରେ ଏକ ନିର୍ଦ୍ଦେଶନାମା ଜାରି କରାଯାଇଛି। ଏଥିରେ କୁହାଯାଇଛି ଯେ, ଜନସ୍ବାର୍ଥ ଦୃଷ୍ଟିରୁ କେଉଁମାନଙ୍କୁ ଆଗୁଆ ଅବସର ଦିଆଯିବ ସେମାନଙ୍କୁ ଚିହ୍ନଟ କରିବା ଲାଗି ସମସ୍ତ ମନ୍ତ୍ରଣାଳୟ ଓ ସରକାରୀ ବିଭାଗ ପ୍ରତି ୩ ମାସରେ (ଜାନୁୟାରୀ-ମାର୍ଚ୍ଚ, ଏପ୍ରିଲ-ଜୁନ, ଜୁଲାଇ-ସେପ୍ଟେମ୍ବର ଓ ଅକ୍ଟୋବର-ଡିସେମ୍ବର) ଅଧିକାରୀମାନଙ୍କ ପ୍ରଦର୍ଶନକୁ ନେଇ ସମୀକ୍ଷା କରିବେ।
ସେଣ୍ଟ୍ରାଲ ସିଭିଲ ସର୍ଭିସେସ୍‌ (ପେନ୍‌ସନ) ରୁଲ୍ସ,୧୯୭୨ ଅଧୀନ ଫଣ୍ଡାମେଣ୍ଟାଲ ରୁଲ(ଏଫ୍‌ଆର୍‌) ୫୬(ଜେ) ଏବଂ ୫୬ (ଆଇ) ଅନୁସାରେ ଜନସ୍ବାର୍ଥ ଦୃଷ୍ଟିରୁ ଆବଶ୍ୟକ ହେଲେ ଜଣେ ସରକାରୀ କର୍ମଚାରୀଙ୍କୁ ଅବସର ପ୍ରଦାନ ପାଇଁ ଉପଯୁକ୍ତ କର୍ତ୍ତୃପକ୍ଷଙ୍କୁ ‘ସମ୍ପୂର୍ଣ୍ଣ ଅଧିକାର’ ଦେଇଥାଏ। ଏହି ନିୟମ ଅନୁସାରେ କର୍ମଚାରୀଙ୍କ ପ୍ରଦର୍ଶନ ସମୀକ୍ଷା କରାଯାଇଥାଏ। ନିର୍ଦ୍ଦେଶନାମାରେ କୁହାଯାଇଛି ଯେ, ଏହି ନିୟମାନୁସାରେ ସରକାରୀ କର୍ମଚାରୀଙ୍କ ଆଗୁଆ ଅବସର ଏକ ଦଣ୍ଡ ନୁହେଁ। ସେଣ୍ଟ୍ରାଲ ସିଭିଲ ସର୍ଭିସେସ୍‌ (କ୍ଲାସିଫିକେଶନ, କଣ୍ଟ୍ରୋଲ ଆଣ୍ଡ ଅପିଲ) ରୁଲ୍ସ, ୧୯୬୫ରେ ଥିବା ‘ବାଧ୍ୟତାମୂଳକ ଅବସର’ଠାରୁ ଏହା ଭିନ୍ନ ବୋଲି ଶୁକ୍ରବାର ଜାରି କରାଯାଇଥିବା ନିର୍ଦ୍ଦେଶନାମାରେ ସ୍ପଷ୍ଟ କରାଯାଇଛି।
୫୦/୫୫ ବର୍ଷରେ ଉପନୀତ କିମ୍ବା ୩୦ ବର୍ଷ ଚାକିରି କରିସାରିଥିବା ଜଣେ ସରକାରୀ ଚାକିରିଆଙ୍କୁ ସରକାର କୌଣସି ସମୟରେ ଆଗୁଆ ଅବସର ଦେଇପାରିବେ। ସମ୍ପୃକ୍ତ ଅଧିକାରୀ ଚାକିରିରେ ରହିବେ ନା ତାଙ୍କୁ ଅବସର ଦିଆଯିବ ତାହା ତାଙ୍କର ପ୍ରଦର୍ଶନ ଆଧାରରେ ସ୍ଥିର କରାଯିବ। ପୂର୍ବରୁ ରହିଥିବା ନିୟମାବଳୀରେ ଅଧିକ ସ୍ପଷ୍ଟତା ଆଣିବା ଓ ସମାନ ଭାବେ କାର୍ଯ୍ୟକାରୀ କରିବା ଲାଗି ସଦ୍ୟ ନିର୍ଦ୍ଦେଶନାମା ଜାରି କରାଯାଇଛି। କେନ୍ଦ୍ର ସରକାରଙ୍କ ସମସ୍ତ ବିଭାଗର ସଚିବମାନଙ୍କୁ ଏ ସମ୍ପର୍କିତ ପତ୍ର ପଠାଯାଇଛି।
ଏଫ୍‌ଆର୍‌ ୫୬(ଜେ) ଅନୁସାରେ ଗ୍ରୁପ୍‌ ଏ ଏବଂ ବି ବର୍ଗର ଅଫିସରଙ୍କ ସମୀକ୍ଷା କରାଯାଇ ପାରିବ ଯଦି ସେ ୫୦ ବର୍ଷରେ ଉପନୀତ ହୋଇସାରିଥିବେ (୩୫ ବର୍ଷ ବୟସ ପୂର୍ବରୁ ଚାକିରିରେ ଯୋଗଦେଇଥିଲେ) କିମ୍ବା ତାଙ୍କୁ ୫୫ ବର୍ଷ ହୋଇଥିବ (ଯଦି ସେ ୩୫ ବର୍ଷ ବୟସ ପରେ ଚାକିରି କରିଥିବେ)। ଏଫ୍‌ଆର୍‌ ୫୬(ଆଇ) ଅନୁସାରେ ପେନ୍‌ସନ ରୁଲ୍ସରେ ଆସୁ ନ ଥିବା ଗ୍ରୁପ୍‌ ସି ସେବା ବା ପଦବୀର ଜଣେ ସରକାରୀ କର୍ମଚାରୀ ୩୦ ବର୍ଷ ଚାକିରିରେ ରହିସାରିଥିଲେ ତାଙ୍କୁ ଅବସର ଦେବା ପାଇଁ ଉପଯୁକ୍ତ କର୍ତ୍ତୃପକ୍ଷଙ୍କ ନିରଙ୍କୁଶ ଅଧିକାର ରହିଛି। ତେବେ ଏଥିପାଇଁ ସମ୍ପୃକ୍ତ କର୍ମଚାରୀଙ୍କୁ ୩ ମାସିଆ ଲିଖିତ ନୋଟିସ କିମ୍ବା ନୋଟିସ ବଦଳରେ ୩ ମାସର ଦରମା ଓ ଭତ୍ତା ଦିଆଯିବ ଜରୁରୀ। ସୂତ୍ରରୁ ମିଳିଥିବା ସୂଚନାନୁସାରେ ମନ୍ତ୍ରଣାଳୟ ପକ୍ଷରୁ ଅଧିକାରୀଙ୍କ ତାଲିକା ପ୍ରସ୍ତୁତ କରି ଆଗକୁ ଗଠନ ହେବାକୁ ଥିବା ରିଭ୍ୟୁ ଆଣ୍ଡ ରିପ୍ରେଜେଣ୍ଟେଶନ କମିଟି ନିକଟକୁ ପଠାଯିବ। କେଉଁ ଅଫିସରମାନଙ୍କୁ ଚାକିରି ଅବଧି ଥାଉ ଥାଉ ଅବସର ଦିଆଯିବ ତାହା ଉକ୍ତ କମିଟି ନିଷ୍ପତ୍ତି ନେବ ବୋଲି ଜଣାପଡ଼ିଛି।


Enter your email to get our daily news in your inbox.

All Right Reserved By Dharitri.Com

ରାଗିଛନ୍ତି ପାଇଲଟ୍‌: ମନାଇବା ପାଇଁ ଫୋନ୍‌ କଲେ ପ୍ରିୟଙ୍କା

ନୂଆଦିଲ୍ଲୀ,୧୧।୬: ରାଜସ୍ଥାନର ପୂର୍ବତନ ଉପମୁଖ୍ୟମନ୍ତ୍ରୀ ତଥା କଂଗ୍ରେସ ନେତା ସଚିନ ପାଇଲଟ ଗତ କିଛି ଦିନ ହେବା ଦଳୀୟ କାର୍ଯ୍ୟରେ ଅସନ୍ତୋଷ ପ୍ରକାଶ କରିଛନ୍ତି। ଦଳର...

ଅଫିସରେ ପ୍ଲାଷ୍ଟିକ୍‌ ବ୍ୟବହାର ହେଉଥିବାରୁ ଜିଲାପାଳ ନିଜ ଉପରେ ଲଗାଇଲେ ୫ ହଜାର ଟଙ୍କା ଜରିମାନା

ପୁଣେ,୧୦।୧୦:ମହାରାଷ୍ଟ୍ରର ବିଡ୍‌ ଜିଲାପାଳ ଆସ୍ତିକ ପାଣ୍ଡେ ଏକ ନିଆରା କାର୍ଯ୍ୟ ପାଇଁ ଚର୍ଚ୍ଚାର ପରିସରକୁ ଆସିଛନ୍ତି। ନିଜ ଅଫିସରେ ପ୍ଲାଷ୍ଟିକ ବ୍ୟବହାର ହେବାରୁ ଏଥିପାଇଁ ନିଜକୁ...

ବଜେଟ ପୂର୍ବରୁ କାହିଁକି ହୁଏ ‘ହାଲଓ୍ବା ରଶମ’

ନୂଆଦିଲ୍ଲୀ,୨୦।୧: ଚଳିତ ବର୍ଷ ଫେବୃୟାରୀ ୧ରେ ଦେଶର ବଜେଟ ଉପସ୍ଥାପନ ହେବ। ୨୦୨୦-୨୧ର ସାଧାରଣ ବଜେଟକୁ ଅର୍ଥମନ୍ତ୍ରୀ ନିର୍ମଳା ସୀତାରାମନ ନିଜର ପେଡ଼ି ଖୋଲି ଉପସ୍ଥାପନ...

ଲକ୍‌ଡାଉନ୍‌ ସମୟରେ ଫସଲ ଅମଳ କରିପାରିବେ ଚାଷୀ: କେନ୍ଦ୍ର ସରକାର

ନୂଆଦିଲ୍ଲୀ,୨୮।୩: କରୋନା ଭାଇରସ୍‌ ଯୋଗୁ ସାରା ଦେଶରେ ୨୧ ଦିନ ଯାଏଁ କେନ୍ଦ୍ର ସରକାର ଲକ୍‌ଡାଉନ୍‌ ଘୋଷଣା କରିଛନ୍ତି। ଲୋକମାନେ ବାହାରକୁ ବାହାରି ପାରୁ ନ...

ଭାରତରେ ଆତଙ୍କବାଦୀ ଅନୁପ୍ରବେଶ ପାଇଁ ପାକିସ୍ତାନ-ଚାଇନା ମିଳିତ ଷଡ଼ଯନ୍ତ୍ରର ପର୍ଦ୍ଦାଫାଶ୍‌…

ଶ୍ରୀନଗର,୧।୧୨: ଜମ୍ମୁ-କଶ୍ମୀରର ଏଲ୍‌ଓସି ବାଟେ ଭାରତରେ ଆତଙ୍କବାଦୀ ଅନୁପ୍ରବେଶ ପାଇଁ ପାକିସ୍ତାନ ଉଦ୍ୟମ ଜାରି ରଖିଛି। ତେବେ ଏବେ ପାକିସ୍ତାନ ସହିତ ଏନେଇ ଚାଇନା ହାତ...

କରୋନା ମହାମାରୀ ଯୋଗୁ ଦେଶବ୍ୟାପୀ ଟୋଲ୍‌ ଆଦାୟ ବନ୍ଦ

ନୂଆଦିଲ୍ଲୀ,୨୬।୩: କରୋନା ସଂକ୍ରମଣ ଯୋଗୁ ଭାରତରେ ଅଚଳାବସ୍ଥା ସୃଷ୍ଟି ହୋଇଛି। ଭାରତ ସରକାର ଲୋକଙ୍କ ସୁରକ୍ଷା ଦୃଷ୍ଟିରୁ ୨୧ ଦିନିଆ ଲକ୍‌ ଡାଉନ୍‌ ଘୋଷଣା କରିଛନ୍ତି।...

ଚିନ୍ତାଧାରା ସଚ୍ଚୋଟ ହେଲେ କାର୍ଯ୍ୟରେ ସ୍ବଚ୍ଛତା ବଜାୟ ରହିବ…

ନୂଆଦିଲ୍ଲୀ,୧୧।୧୨: ଭାଜପା ସରକାର କେବଳ ଶିଳାନ୍ୟାସ କରେ ନାହିଁ। ପ୍ରତିଟି କାର୍ଯ୍ୟକୁ ସମ୍ପୂର୍ଣ୍ଣ କରିବା ସରକାରଙ୍କ ମୁଖ୍ୟ ଲକ୍ଷ୍ୟ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର...

ଉନ୍ନାଓ ପୀଡ଼ିତାଙ୍କ ଘରେ ପହଞ୍ଚିଲେ ପ୍ରିୟଙ୍କା

ଉନ୍ନାଓ,୭।୧୨: ଉତ୍ତରପ୍ରଦେଶ ଉନ୍ନାଓରେ ଜୀବନ୍ତ ଜଳାଇଦେଇଥିବା ବଳାତ୍କାର ପୀଡ଼ିତାଙ୍କ ଶୁକ୍ରବାର ବିଳମ୍ବିତ ରାତିରେ ମୃତ୍ୟୁ ହୋଇଛି। ଏହାପରେ ସାରା ଦେଶରେ ଶୋକପ୍ରକାଶ ପାଇବା ସହ ଜନତାଙ୍କ...

Advertisement
Archives

Model This Week