ପୂର୍ବତଟ ରେଳପଥ ପକ୍ଷରୁ ବିଭିନ୍ନ ଷ୍ଟେଶନରେ ପରୀକ୍ଷାମୂଳକ ଟ୍ରେନ୍‌ ରହଣି
7:46 amAugust 20, 2023August 20, 2023 / 08

ଭୁବନେଶ୍ୱର,୨୦।୮(ଅଭିଜିତ ଦାସ):ଯାତ୍ରୀଙ୍କ ଚାହିଦା ଓ ସୁବିଧାକୁ ଦୃଷ୍ଟିରେ ରଖି ପୂର୍ବତଟ ରେଳପଥ ପକ୍ଷରୁ ବିଭିନ୍ନ ଷ୍ଟେଶନରେ ପରୀକ୍ଷାମୂଳକ ଭାବେ ଟ୍ରେନ୍‌ଗୁଡିକର ରହଣି ପାଇଁ ବ୍ୟବସ୍ଥା ହୋଇଛି। କାଳୁପଡାଘାଟରେ ପ୍ରଶାନ୍ତି ଏକ୍ସପ୍ରେସ, ନରାଜ ମାର୍ଥାପୁରରେ ପୁରୀ-ଅଜମେର ଏକ୍ସପ୍ରେସ, ଯଖପୁରାରେ ଜନଶତାବ୍ଦୀ ଏକ୍ସପ୍ରେସ, ଦାମନଯୋଡିରେ ସମଲେଶ୍ୱରୀ ଏକ୍ସପ୍ରେସ, ମେରାମଣ୍ଡଳୀରେ ପୁରୀ-ଦୁର୍ଗ ଏକ୍ସପ୍ରେସ ଏବଂ ନରାଜ ମାର୍ଥାପୁର ଓ ମେରାମଣ୍ଡଳୀ ଷ୍ଟେଶନରେ ଭୁବନେଶ୍ୱର-ରାଉରକେଲା ଏକ୍ସପ୍ରେସ ପ୍ରାରମ୍ଭିକ ଭାବେ ରହଣି କରିବ।
ସୂଚନା ଅନୁଯାୟୀ, ଯଖପୁରା ଷ୍ଟେଶନରେ ଭୁବନେଶ୍ୱର-ହାୱଡ଼ା-ଭୁବନେଶ୍ୱର ଜନ ଶତାବ୍ଦୀ ଏକ୍ସପ୍ରେସ ୨୦ ଅଗଷ୍ଟରୁ ରହଣି କରିବ। ଉକ୍ତ ଟ୍ରେନ୍‌ଟି ସକାଳ ୭ଟା ୧୧ରେ ପହଞ୍ଚତ୍ ୭ଟା ୧୩ରେ ହାୱଡ଼ା ଅଭିମୁଖେ ଯାତ୍ରା କରିବ। ସେହିପରି ହାୱଡ଼ାରୁ ଆସୁଥିବା ଏହି ଟ୍ରେନଟି ସା ୬ଟା ୧୩ରେ ଯଖପୁରାରେ ପହଞ୍ଚତ୍ ୬ଟା ୧୫ରେ ଭୁବନେଶ୍ୱର ଅଭିମୁଖେ ଯାତ୍ରା କରିବ। ମେରାମଣ୍ଡଳୀ ଷ୍ଟେଶନରେ ଅଗଷ୍ଟ ୨୦ରୁ ପୁରୀ-ଦୁର୍ଗ-ପୁରୀ ଏକ୍ସପ୍ରେସ ରହଣି କରିବ। ଟ୍ରେନ୍‌ଟି ଉକ୍ତ ଷ୍ଟେଶନରେ ରାତି ୧୦ଟା ୩୦ରେ ପହଞ୍ଚତ୍ ୧୦ଟା ୩୨ରେ ଦୁର୍ଗ ଅଭିମୁଖେ ଯାତ୍ରା କରିବ ଓ ଫେରିବା ମାର୍ଗରେ ଭୋର୍‌ ୫ଟାରେ ପୁରୀ ଅଭିମୁଖେ ଯାତ୍ରା କରିବ। ଏଥିସହ ମେରାମଣ୍ଡଳୀ ଷ୍ଟେଶନରେ ରାଉରକେଲା-ଭୁବନେଶ୍ୱର-ରାଉରକେଲା ଏକ୍ସପ୍ରେସର ମଧ୍ୟ ରହଣି ବ୍ୟବସ୍ଥା କରାଯାଇଛି। ରାଉରକେଲାରୁ ଆସୁଥିବା ଏହି ଟ୍ରେନ ମେରାମଣ୍ଡଳୀରେ ଦିନ ୧୦ଟା ୧୪ରେ ପହଞ୍ଚତ୍ ୧୦ଟା ୧୫ରେ ଭୁବନେଶ୍ୱର ଅଭିମୁଖେ ଯାତ୍ରା କରିବା ସହ ଫେରିବା ମାର୍ଗରେ ଭୁବନେଶ୍ୱରରୁ ଏହି ଟ୍ରେନ ଅପରାହ୍ନ ୩ଟା ୯ରେ ପହଞ୍ଚତ୍ ୩ଟା ୧୧ରେ ରାଉରକେଲା ଅଭିମୁଖେ ଯାତ୍ରା କରିବ। ନରାଜ ମାର୍ଥାପୁର ଷ୍ଟେଶନରେ ପୁରୀ-ଅଜମେର-ପୁରୀ ଏକ୍ସପ୍ରେସ ସପ୍ଟେମ୍ବର ୨ରୁ ରହଣି କରିବ। ରାତି ୧୨ଟା ୫୩ରେ ପହଞ୍ଚତ୍ ୧୨ଟା ୫୫ରେ ଅଜ୍‌ମେର ଅଭିମୁଖେ ଯାତ୍ରା କରିବ ଓ ଫେରିବା ମାର୍ଗରେ ଅଜମେରରୁ ଏହି ଟ୍ରେନ ନରାଜ ମାର୍ଥାପୁରରେ ଦିନ ୧୧ଟା ୫୫ରେ ପହଞ୍ଚତ୍ ୧୧ଟା ୫୭ରେ ପୁରୀ ଅଭିମୁଖେ ଯାତ୍ରା କରିବ। ସେହିପରି ଉକ୍ତ ଷ୍ଟେଶନରେ ରାଉରକେଲା-ଭୁବନେଶ୍ୱର-ରାଉରକେଲା ଏକ୍ସପ୍ରେସ ଅଗଷ୍ଟ ୨୦ରୁ ରହଣି କରିବ। ଟ୍ରେନ୍‌ଟି ମାର୍ଥାପୁର ଷ୍ଟେଶନରେ ଦିନ ୧୧ଟା ୨୫ରେ ପହଞ୍ଚତ୍ ୧୧ଟା ୨୭ରେ ଭୁବନେଶ୍ୱର ଅଭିମୁଖେ ଯାତ୍ରା କରିବ ଓ ଫେରିବା ମାର୍ଗରେ ଭୁବନେଶ୍ୱରରୁ ଏହି ଟ୍ରେନ ନରାଜ ମାର୍ଥାପୁରରେ ଅପରାହ୍ନ ୨ଟାରେ ପହଞ୍ଚତ୍ ୨ଟା ୫ରେ ରାଉରକେଲା ଅଭିମୁଖେ ଯାତ୍ରା କରିବ। ଉକ୍ତ ଷ୍ଟେଶନଗୁଡିକରେ ଅଧିକ ସଂଖ୍ୟକ ଯାତ୍ରୀ ଯାତ୍ରା କରୁଥିବାରୁ ପୂର୍ବତଟ ରେଳପଥ ପକ୍ଷରୁ ଏଭଳି ନିଷ୍ପତି ନିଆଯାଇଥିବା ସୂଚନା ଦିଆଯାଇଛି।