କଳାହାଣ୍ଡିରେ ବାହାର ରାଜ୍ୟ କମ୍ପାନୀର କାୟାବିସ୍ତାର: ଚିନ୍ତିତ ନାହାନ୍ତି ଅଧିକାରୀ, କର୍ମଚାରୀ

ଭବାନୀପାଟଣା, ୧୬ା୫(ଉତ୍ତମ କୁମାର ଦାଶ):କଳାହାଣ୍ଡି ଜିଲାରେ କେନ୍ଦୁପତ୍ରକୁ ନେଇ ବହୁ କୋଟି ଟଙ୍କାର କାରବାର ଏବେ ସଙ୍କଟମୟ ସ୍ଥିତିରେ ଗତି କରୁଛି। ସରକାର ବିପୁଳ ପରିମାଣର ରାଜସ୍ବ ହରାଇବା ସତ୍ତ୍ୱେ ଆଦୌ ବିଚଳିତ ନ ହେବା ସମସ୍ତଙ୍କୁ ଚକିତ କରିଛି। ବାହାର ରାଜ୍ୟ କମ୍ପାନୀର ଦଲାଲମାନେ ସମ୍ଭାଳୁଛନ୍ତି କେନ୍ଦୁପତ୍ର ବେପାର। ଏସିଆ ମହାଦେଶର ଉନ୍ନତମାନର କେନ୍ଦୁପତ୍ର କଳାହାଣ୍ଡି ଓ ବଲାଙ୍ଗୀର ବନାଞ୍ଚଳରେ ଦେଖିବାକୁ ମିଳେ। ତେଣୁ ଅଧିକ ଗୁଣବତ୍ତା ଥିବା କେନ୍ଦୁପତ୍ରକୁ ହାତେଇବା ପାଇଁ ପଶ୍ଚିମବଙ୍ଗ ଓ ଛତିଶଗଡ଼ର ବଡ଼ ବଡ଼ କମ୍ପାନୀ କଳାହାଣ୍ଡିରେ କାୟାବିସ୍ତାର କରୁଛନ୍ତି। ପରିତାପର ବିଷୟ, ବିଭିନ୍ନ ରେଞ୍ଜର କର୍ମଚାରୀ ସଂଗଠନ, ଜିଲା ସଂଘ କର୍ମକର୍ତ୍ତା ଜଙ୍ଗଲ ମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କୁ ଲିଖିତଭାବେ ଦୃଷ୍ଟି ଆକର୍ଷଣ କଲେ ମଧ୍ୟ କୌଣସି ସୁଫଳ ମିଳିନାହିଁ। କେନ୍ଦୁପତ୍ର ଡିଭିଜନ ଅଛି, ଅଧିକାରୀ ଓ କର୍ମଚାରୀ ଅଛନ୍ତି, କିନ୍ତୁ କେନ୍ଦୁପତ୍ର ବାହାରକୁ ଚାଲାଣ କ୍ଷେତ୍ରରେ ସେମାନେ ଯେପରି ଆଦୌ ଚିନ୍ତିତ ନୁହନ୍ତି। ଜିଏସ୍‌ଟିଠାରୁ ଆରମ୍ଭକରି ଅନ୍ୟ ଟାକ୍ସ ଫାଙ୍କି ଲୁଟ ଚାଲିଛି। ତଥାପି ଡିଏଫ୍‌ଓ ରାଜ୍ୟରେ ରାଜସ୍ବ ଆଦାୟରେ କଳାହାଣ୍ଡି ଭଲ ସ୍ଥିତିରେ ଅଛି କହି ଆତ୍ମସନ୍ତୋଷ ପାଉଛନ୍ତି। ଜିଲାର ଗାଁ ଗାଁରେ ଗ୍ରାମସଭା ନାଁରେ ଏକ ଆନ୍ତଃ ରାଜ୍ୟ କେନ୍ଦୁପତ୍ର ଲୁଟେରା ଦଳ କେବଳ ଫାଇଦା ନେଉଛନ୍ତି। ସବୁଜ ହୀରା କୁହାଯାଉଥିବା କେନ୍ଦୁପତ୍ର ଗୋଛାକଟାରୁ ଆରମ୍ଭ ହେଉଛି ଦୁଃଖର କାହାଣୀ। ବାହାର ରାଜ୍ୟର କିଛି ସଂସ୍ଥା ଅଗ୍ରିମ ଟଙ୍କା ଧରାଇ ବେପାରକୁ କବ୍‌ଜା କରୁଛନ୍ତି। ସରକାର କେନ୍ଦୁପତ୍ର ବିଭାଗ ହାତରେ ବେଆଇନ ଚାଲାଣ ହେଉଥିବା ଗାଡ଼ିକୁ ଜବତ କରିବାର କ୍ଷମତା ଦେଇନାହାନ୍ତି। କେବଳ ଟେରିଟୋରିଆଲ ବିଭାଗ ପାଖରେ କ୍ଷମତା ରହିଛି। ଅନେକ ସମୟରେ ଏହି ଦୁଇ ବିଭାଗ ମଧ୍ୟରେ ସମନ୍ବୟ ନ ଥିବା କାରଣରୁ ଅବାଧରେ କେନ୍ଦୁପତ୍ର ବାହାର ରାଜ୍ୟକୁ ଯାଉଥିବା କୁହାଯାଇଛି। ସରକାରୀ ଭାବେ ୨୦ କେନ୍ଦୁପତ୍ରକୁ ୧ ଟଙ୍କା ୬୦ ପଇସା ଥିବାବେଳେ କମ୍ପାନୀ ଦଲାଲ ୫୦ପତ୍ରକୁ ୬ ଟଙ୍କା ଦେଇ ଲୋଭ ଦେଖାଉଛନ୍ତି। କଳାହାଣ୍ଡି ଜିଲାରେ ଗ୍ରାମସଭା ଦ୍ୱାରା କେନ୍ଦୁପତ୍ର କିଣାରେ ବହୁ କୋଟି ଟଙ୍କାର ହେରଫେର ହେଉଥିବା ଓ ଏଥିରେ ଆନ୍ତଃ ରାଜ୍ୟ କେନ୍ଦୁପତ୍ର ମାଫିଆ ସାମିଲ ଥିବା ସରକାର ଜାଣିଥିଲେ ସୁଦ୍ଧା କାର୍ଯ୍ୟାନୁଷ୍ଠାନ ଶୂନ। କେନ୍ଦୁପତ୍ର ବିଭାଗ ଦ୍ୱାରା କେଉଁ ଗୋଷ୍ଠୀ କେତେ ପରିମାଣର ଗୋଛା କାଟିବାଠାରୁ କେନ୍ଦୁପତ୍ର ତୋଳିବେ ନିର୍ଦ୍ଧାରଣ କରାଯାଇନାହିଁ। ଏପରି କି ମ୍ୟାପ ଠିକ୍‌ ଭାବେ ପ୍ରସ୍ତୁତ କରାଯାଉନାହିଁ। ଫଳରେ ସବୁଜ ହୀରାର ଏହି କଳା କାରବାରରେ ସାଧାରଣ ଲୋକେ ମୋହରା ସାଜିଥିବାବେଳେ ଗ୍ରାମସଭା କମିଟି ଆନ୍ତଃ ରାଜ୍ୟ କେନ୍ଦୁପତ୍ର ମାଫିଆଙ୍କ ହାତବାରିସି ସାଜିଛନ୍ତି। ଚଳିତ ବର୍ଷ ରାଜ୍ୟ ବାହାରକୁ ବହୁ କୋଟି ଟଙ୍କାର କେନ୍ଦୁପତ୍ର ଚାଲାଣ ଚାଲିଛି। ବାସ୍ତବିକ ରାଜ୍ୟ ବାହାରକୁ କେନ୍ଦୁପତ୍ର ଚାଲାଣବେଳେ ଟ୍ରାଞ୍ଜିଟ୍‌ ପର୍‌ମିଟ ନ ଥାଇ କିପରି ସବୁ ସମ୍ଭବ ହୋଇପାରୁଛି ତାହା ପ୍ରଶ୍ନବାଚୀ। ବିଭିନ୍ନ ବନାଞ୍ଚଳରୁ କେନ୍ଦୁପତ୍ର ବିଭାଗର ଅଗୋଚରରେ କେତେ ପରିମାଣର କେନ୍ଦୁପତ୍ର କିଣାଯାଇ ବାହାର ରାଜ୍ୟକୁ ଚାଲାଣ କରାଯାଉଛି ତା’ର ଠିକ୍‌ ତଥ୍ୟ ବିଭାଗ ନିକଟରେ ନାହିଁ। କଳାହାଣ୍ଡି ଜିଲା କେନ୍ଦୁପତ୍ର ଡିଭିଜନରେ ୬ଟି ରେଞ୍ଜ ଥିବାବେଳେ ୪ଟିରେ ରେଞ୍ଜର ପଦବୀ ଖାଲିପଡ଼ିଛି। ରାଜ୍ୟ ଜଙ୍ଗଲ ବିଭାଗ କଳାହାଣ୍ଡି ଜିଲାର ପ୍ରାୟ ୬୧ହଜାର ତୋଳାଳିଙ୍କ ଜୀବନ ଜୀବିକାରେ କିଭଳି ଉନ୍ନତି ଘଟିବ ଏବଂ ବାହାର କମ୍ପାନୀ ଦଲାଲଙ୍କ ଦୌରାତ୍ମ୍ୟରୁ ଜିଲା ମୁକ୍ତହେବ ସେଥିନେଇ ପଦକ୍ଷେପ ନେବାର ସମୟ ଆସିଛି। ନଚେତ୍‌ ବହୁ କୋଟି ଟଙ୍କାର ରାଜସ୍ବ ହରାଇବା ନିଶ୍ଚିତ ବୋଲି ବୁଦ୍ଧିଜୀବୀ ମହଲରେ ମତପ୍ରକାଶ ପାଉଛି।

 

Dharitri – Odisha’s No.1 Odia Daily

 


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ଛୁଇଁବ ବାତ୍ୟାର ବାହ୍ୟ ବଳୟ: ୧୪ ମିଟର ଉଚ୍ଚକୁ ଉଠିବ ସମୁଦ୍ର ଢେଉ, ୭୦ କି.ମି. ବେଗରେ…

ଭୁବନେଶ୍ୱର, ୧୭ା୧୧ (ବନ୍ଦନା ସେଠୀ) – ବଙ୍ଗୋପସାଗରରେ ଅତି ମନ୍ଥର ଗତିରେ ଘଣ୍ଟା ପ୍ରତି ୩ କି.ମି. ବେଗରେ ଆଗକୁ ବଢ଼ୁଛି ବାତ୍ୟା ‘ଅକ୍ୱାନ’। ବୁଧବାର ଏହା…

ଢାବା ପଛପଟେ ଚାଲିଥିଲା ଜୁଆ କାରବାର: ଅତାବିରା ପୋଲିସର ଅଚାନକ ଚଢ଼ାଉରେ ୨୮ ହଜାରରୁ ଅଧିକ ଟଙ୍କା ଜବତ

ଅତାବିରା/ଗୋଡଭଗା,୧୭।୧୧(ଯୁଧିଷ୍ଠିର ମହାପାତ୍ର/ସୁରେଶ ଦାଶ))- ବରଗଡ଼ ଜିଲା ଅତାବିରା ଥାନା ଅନ୍ତର୍ଗତ ଗୋଡ଼ଭଗା ନିକଟ ଏକ ଢାବା ପଛପଟେ ରୁଟିନ୍ ବାହାରେ ଚାଲିଥିବା ଏକ ଜୁଆ ଆଡ୍ଡା ଉପରେ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ପୂରଣ ହେଲା ଦୀର୍ଘ ବର୍ଷର ସ୍ୱପ୍ନ: ଗୁଡ଼ାରି ତହସିଲ ଝିଗିଡ଼ିବାଟା ଗ୍ରାମର ୨୦ ପରିବାରକୁ ମିଳିଲା…

ଗୁଡ଼ାରି, ୧୭।୧୧(ପ୍ରମୋଦ କୁମାର ପତି): ରାୟଗଡ଼ା ଜିଲା ଗୁଡ଼ାରି ତହସିଲ ଅନ୍ତର୍ଗତ ଢେପାଗୁଡ଼ା ରାଜସ୍ୱ ଅଞ୍ଚଳର ଝିଗିଡ଼ିବାଟା ଗ୍ରାମର ୨୦ଟି ପରିବାରକୁ ସ୍ଥାୟୀ ଘରବାରି ପଟ୍ଟା ପ୍ରଦାନ…

ଭାତ ଗାଳୁଥିଲେ ମା’, ଗରମ ପେଜରେ ପଡ଼ି ୨ ବର୍ଷୀୟା ଶିଶୁକନ୍ୟା ଗୁରୁତର; ଶରୀରର…

ପାଟଣା, ୧୭।୧୧(ବୀର କିଶୋର ଦାଶ): ଗରମ ପେଜରେ ପଡ଼ି ଜଣେ ଦୁଇ ବର୍ଷର ଶିଶୁକନ୍ୟା ଗୁରୁତର ଭାବେ ପୋଡ଼ିଯାଇ ଆହତ ହୋଇଛନ୍ତି। ଏହି ଅଘଟଣରେ ଶିଶୁକନ୍ୟାଙ୍କ ଶରୀରର…

ସ୍କୁଲ ଯାଇ ନିଖୋଜ ଥିଲେ ୧୦ମ ଶ୍ରେଣୀ ଛାତ୍ରୀ, ଯାତ୍ରୀବାହୀ ବସ୍‌ରୁ ଉଦ୍ଧାର; ୨ ଅଭିଯୁକ୍ତ ଜେଲ…

ଦିଗପହଣ୍ଡି, ୧୭।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଅଧୀନ ଏକ ଗ୍ରାମର ୧୦ମ ଶ୍ରେଣୀ ଛାତ୍ରୀଙ୍କୁ ଅପହରଣ ଓ ବଳାତ୍କାର ଅଭିଯୋଗରେ ଗିରଫ ହୋଇଥିବା…

ଚୋରା ମଦ ମାଫିଆଙ୍କ ଉପରେ ବଡ଼ କାର୍ଯ୍ୟାନୁଷ୍ଠାନ: ଦିଗପହଣ୍ଡି ସୀମାନ୍ତ ଜଙ୍ଗଲରୁ ୫୨୦ ଲିଟର ଦେଶୀ ମଦ ଜବତ, ୨ ମାମଲା ରୁଜୁ

ଦିଗପହଣ୍ଡି,୧୭।୧୧(ଅଶେଷ ନାଥ ମିଶ୍ର): ଗଞ୍ଜାମ ଓ ଗଜପତି ଜିଲା ସୀମାନ୍ତବର୍ତ୍ତୀ ଦୁର୍ଗମ ଜଙ୍ଗଲ ଅଞ୍ଚଳରେ ବେଆଇନ ଦେଶୀ ମଦ କାରବାର ବିରୋଧରେ ଅବକାରୀ ବିଭାଗ ଓ ପୋଲିସ…

ସମାଜରୁ କୁଷ୍ଠ ରୋଗ ସମ୍ପର୍କିତ ବାଛବିଚାର ଦୂର କରିବା ଲକ୍ଷ୍ୟ: ଉଦଯାପିତ ହେଲା ‘କୁଷ୍ଠମୁକ୍ତ ଦାରିଙ୍ଗବାଡ଼ି ଅଭିଯାନ’, କୃତୀ ଛାତ୍ରଛାତ୍ରୀ…

ଦାରିଙ୍ଗବାଡ଼ି, ୧୭।୧୧ (ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ଦାରିଙ୍ଗବାଡ଼ି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ଆୟୋଜିତ ‘କୁଷ୍ଠମୁକ୍ତ ଦାରିଙ୍ଗବାଡ଼ି ଅଭିଯାନ’ ମଙ୍ଗଳବାର ଉଦଯାପିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?