ନୂଆଦିଲ୍ଲୀ,୧୦।୮ : ଦେଶର ସମସ୍ତ ମେଡିକାଲ କଲେଜକୁ ବର୍ତ୍ତମାନ ରୋଗୀଙ୍କ ହିସାବ ଦେବାକୁ ପଡିବ। କ୍ୱାଲିଟି କାଉନସିଲ ଅଫ ଇଣ୍ଡିଆ (କ୍ୟୁସିଆଇ) ମେଡିକାଲ କଲେଜଗୁଡ଼ିକ ପାଇଁ ୫୯ ପୃଷ୍ଠାର ଡ୍ରାଫ୍ଟ ପ୍ରସ୍ତୁତ କରିଛି, ଯେଉଁଥିରେ ଚିକିତ୍ସା, ଚେକ ଅପ, ଜନ୍ମ-ମୃତ୍ୟୁ ସମେତ ସମସ୍ତ ସୂଚନା ବର୍ଷସାରା ଏଠାକୁ ଆସୁଥିବା ରୋଗୀଙ୍କ ପାଇଁ ଉପଲବ୍ଧ ହେବ। ଏହି ଆଧାରରେ କଲେଜକୁ ଗୁଣାତ୍ମକ ପ୍ରମାଣପତ୍ର ଦିଆଯିବ।
ଡାକ୍ତରୀ ଶିକ୍ଷା ଏବଂ ସ୍ବାସ୍ଥ୍ୟ ସେବାରେ ଉନ୍ନତି ଆଣିବା ପାଇଁ ନ୍ୟାଶନାଲ ମେଡିକାଲ କମିଶନ (ଏନଏମସି) ନିକଟରେ କ୍ୱାଲିଟି କାଉନସିଲ ଅଫ ଇଣ୍ଡିଆ ସହିତ ମିଳିତ ହୋଇଛି। ଯେଉଁଥିରେ ମେଡିକାଲ କଲେଜଗୁଡ଼ିକରେ ଗୁଣାତ୍ମକ ମାନର ଉନ୍ନତି ଦାୟିତ୍ୱ ଦିଆଯାଇଛି। ଏନଏମସିର ଜଣେ ବରିଷ୍ଠ ସଦସ୍ୟ କହିଛନ୍ତି ମେଡିକାଲ କଲେଜଗୁଡ଼ିକରେ ଗୁଣବତ୍ତା ଉନ୍ନତି ପାଇଁ କ୍ୟୁସିଆଇ ଏକ ଡ୍ରାଫ୍ଟ ପ୍ରସ୍ତୁତ କରିଛି, ଯେଉଁଥିରେ ଆପତ୍ତି ଏବଂ ପରାମର୍ଶ ନିଆଯାଇଛି। କ୍ୟୁସିଆଇI ପରବର୍ତ୍ତୀ ଏକାଡେମିକ ଅଧିବେଶନରୁ ସମସ୍ତ ମେଡିକାଲ କଲେଜଗୁଡ଼ିକର ଗୁଣବତ୍ତା ଉପରେ ନଜର ରଖିବ । ଏକ ପ୍ରଶ୍ନ ଉପରେ ସେ କହିଛନ୍ତି ଯେତେବେଳେ ବି ମେଡିକାଲ କଲେଜଗୁଡ଼ିକର ସ୍ବୀକୃତି ସମ୍ପର୍କରେ ସମୀକ୍ଷା କରାଯିବ, ସେଥିରେ ଗୁଣାତ୍ମକ ପ୍ରମାଣପତ୍ର ରହିବା ଆବଶ୍ୟକ।
କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଦେଶରେ ମେଡିକାଲ କଲେଜ ସଂଖ୍ୟାରେ ୮୨ ପ୍ରତିଶତ ବୃଦ୍ଧି ଘଟିଛି, ୨୦୧୪ ପୂର୍ବରୁ ୩୮୭ ରୁ ବର୍ତ୍ତମାନ ୭୦୪ରେ।
ଡ୍ରାଫ୍ଟ ଅନୁଯାୟୀ ପ୍ରତ୍ୟେକ ମେଡିକାଲ କଲେଜକୁ ସେମାନଙ୍କ ଛାତ୍ରମାନଙ୍କ ମାଧ୍ୟମରେ ନିକଟସ୍ଥ ପରିବାର ଗ୍ରହଣ କରିବାକୁ ପଡିବ। ଏହି ପରିବାରକୁ ତିନି ବର୍ଷ ପାଇଁ ସେବା କରିବାକୁ ପଡିବ। ଏହି ଅବଧି ମଧ୍ୟରେ ରକ୍ତହୀନତା ଠାରୁ କିଡନୀ, ହୃଦୟ ଏବଂ ଯକ୍ଷ୍ମା ପର୍ଯ୍ୟନ୍ତ ସଂକ୍ରାମକ ରୋଗର ଚିକିତ୍ସା ମାଗଣାରେ କରିବାକୁ ପଡିବ। ଡାକ୍ତରୀ ଶିକ୍ଷା ଏବଂ ସୱାସ୍ଥ୍ୟ ସେବା ବ୍ୟତୀତ କ୍ୟୁସିଆଇ ଡ୍ରାଫ୍ଟରେ ଗ୍ରାମୀଣ ସ୍ବାସ୍ଥ୍ୟ ମଧ୍ୟ ଅନ୍ତର୍ଭୁକ୍ତ ହୋଇଛି।
