କର୍ଲାମୁଣ୍ଡା,୧୪ା୯(ପ୍ରଦୀପ କୁମାର ସାହୁ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ଜୋରାଡବରା ଛକଠାରୁ ହଜାରୀପଡ଼ା ମୁଣ୍ଡାପଲା ପିଡବ୍ଲ୍ୟୁଡି ରାସ୍ତା ଦୀର୍ଘଦିନରୁ ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲେ ହେଁ କାର୍ଯ୍ୟ ଶେଷ ହୋଇ ପାରି ନ ଥିବାରୁ ବିଭିନ୍ନ ସ୍ଥାନରେ ଖାଲଖମା ସୃଷ୍ଟି ହେଉଛି ଓ ଏଥିରେ ସାଧାରଣ ଲୋକେ ଦୁର୍ଘଟଣାର ଶିକାର ହେଉଥିବା ଅଭିଯୋଗ ହେଉଛି।
ସୂଚନାନୁଯାୟୀ, ଜୋରାଡବରା ଛକଠାରୁ ମୁଣ୍ଡାପଲା ଛକ ପର୍ଯ୍ୟନ୍ତ ପ୍ରାୟ ୧୦ କିମି ଦୂର ପିଚୁ ରାସ୍ତା ନିର୍ମାଣ ପାଇଁ ୨୬ କୋଟି ୮୨ ଲକ୍ଷ ଟଙ୍କା ଅଟକଳରେ ପିଡବ୍ଲ୍ୟୁଡି ବିଭାଗ ପକ୍ଷରୁ ଟେଣ୍ଡର ଜରିଆରେ ଜନୈକ ଠିକାଦାର ନିଯୁକ୍ତି କରି କାର୍ଯ୍ୟ ଆରମ୍ଭ କରାଯାଇଥିଲା। ତେବେ ଉକ୍ତ ରାସ୍ତାର ହଜାରୀପଡ଼ା ରାସ୍ତାରେ ବଡ଼ବଡ଼ ଖାଲ ସୃଷ୍ଟି ହୋଇପଡ଼ିଛି ଓ ନିୟମିତ ଯିବା ଆସିବା କରୁଥିବା ଲୋକେ ହଇରାଣର ଶିକାର ହେଉଛନ୍ତି। ଏନେଇ ବିଭାଗୀୟ ଏସ୍ଡିଓ ଅନନ୍ତ ପ୍ରଧାନଙ୍କୁ ପଚାରିବାରୁ କାମ ଚାଲିଛି, ବକେୟା ଥିବା କାମଗୁଡ଼ିକ ଶୀଘ୍ର ସାରିବାକୁ ଠିକାଦାରଙ୍କୁ କୁହାଯାଇଛି ବୋଲି କହିଛନ୍ତି।
