ନୂଆଗାଁ,୧୬।୩ (ଡି.ଏନ.ଏ.): ନୟାଗଡ଼ ଜିଲା ନୂଆଗାଁ ବ୍ଲକରେ ହରିଶ୍ଚନ୍ଦ୍ର ଯୋଜନାଠାରୁ ଆରମ୍ଭ କରି ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା ( ଏମ୍ଜିଏନ୍ଆରଇଜିଏସ୍) ଓ ୫-ଟି ଯୋଜନାରେ ସ୍କୁଲ ରୂପାନ୍ତରୀକରଣ କାର୍ଯ୍ୟରେ ଅନିୟମିତତା ହେଉଥିବା ନେଇ ବାରମ୍ବାର ଅଭିଯୋଗ ହେଉଛି । କିନ୍ତୁ କୌଣସି କାର୍ଯ୍ୟାନୁଷ୍ଠାନ ହେବା ତ ଦୂରର କଥା ତଦନ୍ତ ମଧ୍ୟ ହେଉ ନ ଥିବା ଅଭିଯୋଗ ହେଉଛି ।
ଶ୍ରମିକମାନେ ରୋଜଗାର ପାଇଁ ଦାଦନ ନ ଯାଇ ଗାଁରେ ରହି ପରିବାର ପ୍ରତିପୋଷଣ କରିବା ସକାଶେ ସରକାର ଏମ୍ଜିଏନ୍ଆରଇଜିଏସ୍ ଯୋଜନା କରିଛନ୍ତି ା
ଉକ୍ତ ଯୋଜନାରେ ସ୍ବଚ୍ଛତା ଆଣିବା ପାଇଁ ବିଭିନ୍ନ ନିୟମ କରିଥିବା ବେଳେ ନୂଆଗାଁ ବ୍ଲକରେ ସବୁ ଆଇନ କାନୁନକୁ ଉଲ୍ଲଂଘନ କରି ଠିକାଦାରଙ୍କଠାରୁ ଆରମ୍ଭ କରି ବିଭାଗୀୟ ଅଧିକାରୀମାନେ ମିଳିମିଶି ଅନୁଦାନ ଲୁଟୁଛନ୍ତି ା ଏପରିକି କାମ ନ କରି ଓ ବିନା ସୂଚନା ଫଳରେ ଅନୁଦାନ ଆତ୍ମସାତ୍ ହେଉଛି । ଯାହାର ଉଦାହରଣ କାପ୍ତାପଲି ପଞ୍ଚାୟତ ବଡତାମନାଡୁ ଗ୍ରାମର ସୁରକ୍ଷା ପାଇଁ ଟ୍ରେଞ୍ଚ ଖନନ କାର୍ଯ୍ୟ। ବଡତାମନାଡୁ ଗ୍ରାମର ସୁରକ୍ଷା ଦୃଷ୍ଟିରୁ ପାହାଡ଼ ପାଣି ଗାଁ ଭିତରକୁ ନ ପଶିବା ପାଇଁ ପାହାଡ ପାଦଦେଶରେ ଟ୍ରେଞ୍ଚ ଖୋଳିବା ପାଇଁ ଏମ୍ଜିଏନ୍ଆରଇଜିଏସ୍ରେ ତା ୪ା୧ା୨୧ ରିଖରେ ୮ ଲକ୍ଷ ୩୩ ହଜାର ଟଙ୍କା ଅନୁଦାନ ମଞ୍ଜୁର ହୋଇ ତା ୧ା୮ା୨୧ ରିଖରୁ ଜେସିବି ମାଧ୍ୟମର ବିନା ସୂଚନା ଫଳକରେ କାମ ଆରମ୍ଭ କରାଯାଇଥିଲା ।
ସେହି ସମୟରେ ସେହି କାମ ବାବଦକୁ ଠିକାଦାର ପ୍ରାୟ ୩ ଲକ୍ଷ ୨୦ ହଜାର ଟଙ୍କା ବିଲ କରି ନେଇଥିଲେ । ଚଳିତ ବର୍ଷ କୌଣସି କାର୍ଯ୍ୟ ନ କରି ସେହି ୨ ବର୍ଷ ପୂର୍ବରୁ ପୁରୁଣା କାମକୁ ଦେଖାଇ ତା ୧୨ା୧ା୨୩ ରିଖଠାରୁ ୧୮ା୧ା୨୩ ରିଖ ପର୍ଯ୍ୟନ୍ତ ୬୬ ହଜାର ଟଙ୍କା ବିଲ ହୋଇଛି । ସେହିପରି ୫-ଟି ଯୋଜନାରେ ସ୍କୁଲ ରୂପାନ୍ତରୀଣ କାର୍ଯ୍ୟ ନିମ୍ନମାନର ହେଉଥିବା ଅଭିଯୋଗ ହୋଇଥିଲେ ମଧ୍ୟ କାହାରି ଅଭିଯୋଗ ନ ଶୁଣି ପୂର୍ବଭଳି କାମ କରାଯାଇଥିଲା। ଫଳସ୍ବରୂପ କେଉଁ ସ୍କୁଲର ସିଲିଂ ଖସିଲାଣି ତ କେଉଁ ସ୍କୁଲର କାନ୍ଥ ଫାଟିଲାଣି । ଆଉ କେଉଁ ସ୍କୁଲର କାନ୍ଥରେ ଗଛ ଉଠି କାନ୍ଥ ଫାଟି ଭୁଶୁଡିବାକୁ ବସିଲାଣି । ଚାହାଳି ଓ ଅନ୍ୟାନ୍ୟ ପଞ୍ଚାୟତରେ ହରିଶ୍ଚନ୍ଦ୍ର ଓ ଭତ୍ତା ଟଙ୍କାରେ ଅନିୟମିତତା ହୋଇଥିବା ଅଭିଯୋଗ ମଧ୍ୟ ହେଉଛି । ନିମ୍ନମାନର କାମ ହେବାଫଳରେ ତିନି ମାସ ନ ହେଉଣୁ ମାଳିସାହି ପଞ୍ଚାୟତର କଂକ୍ରିଟ ରାସ୍ତା ଫାଟି ଆଁ କଲାଣି । ହେଲେ ମାଟିର ଦୋଷ କହି କଥାକୁ ଏଡାଇ ଯାଉଛନ୍ତି ସହକାରୀ ନିର୍ବାହୀ ଯନ୍ତ୍ରୀ ଶୁଭଶ୍ରୀ ପଣ୍ଡା । ଏତେ ସବୁ ଅଭିଯୋଗ ପରେ ବି ତଦନ୍ତ କିମ୍ବା କାର୍ଯ୍ୟାନୁଷ୍ଠାନ ନ ହେବା ଫଳରେ ଦୁର୍ନିତୀଗ୍ରସ୍ତ କର୍ମଚାରୀ, ଅଧିକାରୀ କାହା ଛତ୍ରଛାୟା ତଳେ ରହି କାମ କରୁଛନ୍ତି ବୋଲି ସାଧାରଣରେ ପ୍ରଶ୍ନ ଉଠିଛି। ଅଭିଯୋଗ ପରେ ତଦନ୍ତ ନ ହେବା ବାବଦରେ ଜିଲା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ସୁବାସ ଚନ୍ଦ୍ର ରାୟଙ୍କୁ ପଚାରିବାରେ ଅନିୟମିତତାଗୁଡିକୁ ମୋତେ ଲିଖିତ ଭାବେ ଜଣାନ୍ତୁ ା ମୁଁ ତଦନ୍ତ କରିବି ବୋଲି କହିଛନ୍ତି ା
