ଶ୍ରୀହରିକୋଟା, ୧୪ା୨: ଚଳିତ ବର୍ଷର ପ୍ରଥମ ମିଶନ ଭାବେ ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ସୋମବାର ସଫଳତାର ସହ ପିଏସ୍ଏଲ୍ଭି-ସି୫୨ ଯୋଗେ ଇଓଏସ୍-୦୪ ଉପଗ୍ରହକୁ ସଫଳତାର ସହ ପ୍ରେରଣ କରିଛି। ଏହା ସହ ଦୁଇଟି ଛୋଟ ସାଟେଲାଇଟ୍ ଇନ୍ସ୍ପାୟାରସାଟ୍-୧ ଏବଂ ଆଇଏନ୍ଏସ୍-୨ଟିଡି ମଧ୍ୟ କକ୍ଷପଥରେ ପହଞ୍ଚିଛି। ୨୫ ଘଣ୍ଟା ୩୦ ମିନିଟ୍ର ପ୍ରସ୍ତୁତି ପରେ ସକାଳ ୫ଟା ୫୯ରେ ପୃଥିବୀ ନୀରିକ୍ଷଣ ସାଟେଲାଇଟ୍ ଇଓଏସ୍-୦୪କୁ ଆନ୍ଧ୍ରପ୍ରଦେଶର ଶ୍ରୀହରିକୋଟା ସତୀଶ ଧଓ୍ବନ ସ୍ପେସ୍ ସେଣ୍ଟରରୁ ଲଞ୍ଚ୍ କରାଯାଇଥିଲା। କରାଯିବ। ଏହି ଉପଗ୍ରହକୁ ଆକାଶରେ ଭାରତର ଆଖି ବୋଲି କୁହାଯାଉଛି। ପ୍ରରୟ ୧୭ ମିନିଟ୍ ପରେ ସାଟେଲାଇଟ ସୂର୍ଯ୍ୟର ସିଙ୍କ୍ରୋନସ୍ ପୋଲାର ଅର୍ବିଟ୍ରେ ସ୍ଥାପିତ ହୋଇଛି। ଏହି ସଫଳତା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଇସ୍ରୋକୁ ଶୁଭେଚ୍ଛା ଜଣାଇଛନ୍ତି।
ସାଟେଲାଇଟ୍ ଇଓଏସ୍-୦୪ ଏକ ରାଡାର ଇମେଜିଂ ସାଟେଲାଇଟ୍। ସମସ୍ତ ପ୍ରକାର ପାଣିପାଗରେ ଏହା ହାଇ କ୍ୱାଲିଟି ଫଟୋ ଉତ୍ତୋଳନ କରିପାରିବ, ଯାହା କି କୃଷି, ଜଙ୍ଗଲ ଓ ଚାରାରୋପଣ, ମୃତ୍ତିକାର ଆର୍ଦ୍ରତା, ଜଳ ସ୍ଥିତି ସମେତ ବନ୍ୟା ଭଳି ପ୍ରାକୃତିକ ବିପର୍ଯ୍ୟୟର ବାବଦରେ ସୂଚନା ଦେବ। ପ୍ରତିରକ୍ଷା କ୍ଷେତ୍ରରେ ମଧ୍ୟରେ ଏହି ସାଟେଲାଇଟ୍ ବେଶ୍ ଉପଯୋଗୀ ହେବ ବୋଲି ଇସ୍ରୋ ପକ୍ଷରୁ କୁହାଯାଇଛି। ଏହାର କାର୍ଯ୍ୟକାଳ ୫ ବର୍ଷ ରହିବ।
