ଓ୍ବାଶିଂଟନ୍,୧୪।୧୧: ଆମେରିକା ରାଷ୍ଟ୍ରପତି ନିର୍ବାଚନ ଜିତିବା ପରେ ଡୋନାଲ୍ଡ ଟ୍ରମ୍ପ ନିଜ ନୂଆ ଟିମ ଗଠନ କରିବାରେ ବ୍ୟସ୍ତ ଅଛନ୍ତି। ସେ ଗୋଟିଏ ପରେ ଗୋଟିଏ ବଡ଼ ନିଯୁକ୍ତି ଦେଉଛନ୍ତି। ଏବେ ତାଙ୍କ କ୍ୟାବିନେଟେରେ ଜଣେ ହିନ୍ଦୁ ନେତାଙ୍କୁ ଏଣ୍ଟ୍ରି ମିଳିଛି। ଭାରତୀୟ ବଂଶୋଦ୍ଭବ ତଥା ପୂର୍ବ ଏମପି ଓ ଲେଫନାଣ୍ଟ କର୍ନେଲ ତୁଲସୀ ଗଓୱାର୍ଡଙ୍କୁ ମିଳିଛି ବଡ଼ ଦାୟିତ୍ୱ। ତାଙ୍କୁ ଟ୍ରମ୍ପ ରାଷ୍ଟ୍ରୀୟ ଗୁଇନ୍ଦା ନିର୍ଦ୍ଦେଶକ ତଥା ଡାଇରେକ୍ଟର ଅଫ ନ୍ୟାସନାଲ ଇଣ୍ଟେଲିଜେନ୍ସ ଭାବେରେ ନିଯୁକ୍ତ କରିଛନ୍ତି।
ପୂର୍ବତନ କଂଗ୍ରେସ ସଦସ୍ୟ ତୁଲସି ଗଓୱାର୍ଡ ଆମେରିକାର ପ୍ରଥମ ହିନ୍ଦୁ କଂଗ୍ରେସ ମହିଳା ଭାବରେ ମଧ୍ୟ ମାନ୍ୟତା ପାଇଛନ୍ତି। ତୁଲସୀ ଜଣେ ଅଭିଜ୍ଞ ସୈନିକ। ବିଭିନ୍ନ ସମୟରେ ମଧ୍ୟ ପୂର୍ବ ଏବଂ ଆଫ୍ରିକାର ଯୁଦ୍ଧ ଜୋନେରେ ସେ ନିୟୋଜିତ ଥିଲେ। ସେ କିଛି ସମୟ ପୂର୍ବରୁ ଡେମୋକ୍ରାଟ ପାର୍ଟିରୁ ଅଲଗା ହୋଇଥିଲେ ଏବଂ ନିର୍ବାଚନ ସମୟରେ ରିପବ୍ଲିକାନ ପାର୍ଟିରେ ଯୋଗ ଦେଇଥିଲେ। ଏନେଇ ଟ୍ରମ୍ପ ‘ଟ୍ରମ୍ପ ଓ୍ବାର ରୁମ୍’ ସୋସିଆଲ ମିଡିଆ ହ୍ୟାଣ୍ଡେଲରୁ ଏପରି ଘୋଷଣା କରିଛନ୍ତି।
ଘୋଷଣା କରି ସେ କହିଛନ୍ତି, ମୁଁ ବହୁତ ଖୁସି କି, ପୂର୍ବ ଏମପି ତଥା ଲେଫନାଣ୍ଟ କର୍ନେଲ ତୁଲସୀ ଗଓୱାର୍ଡ ରାଷ୍ଟ୍ରୀୟ ଗୁଇନ୍ଦା ନିର୍ଦ୍ଦେଶକ ଭାବେ ଦାୟିତ୍ୱ ସମ୍ଭାଳିବେ। ତୁଲସୀ ଦଶକ ଦଶକ ଧରି ଦେଶ ଓ ଆମେରିକାବାସୀଙ୍କ ସ୍ବତନ୍ତ୍ରତା ପାଇଁ ସଂଘର୍ଷ କରିଛନ୍ତି।
ତୁଲସୀ ୨୦୧୩ରୁ ୨୦୨୧ ଯାଏ ଡେମୋକ୍ରାଟିକ ପାର୍ଟିର ସଦସ୍ୟ ରହିଛନ୍ତି। ୨୦୨୨ରେ ସେ ଏହି ଦଳ ଛାଡି ଦେଇଥିଲେ। କାରଣ ସେ ଯୁଦ୍ଧ ଓ ସୈନ୍ୟ ହସ୍ତକ୍ଷେପକୁ ନେଇ ଅସହମତ ପ୍ରକାଶ କରିଥିଲେ। ତୁଲସୀଙ୍କ ବିଷୟରେ କହିଲେ ସେ ଜଣେ ଭାରତୀୟ ବଂଶୋଦ୍ଭବ ଅଟନ୍ତି। ତାଙ୍କର ପ୍ରଥମ ନାମ ହିନ୍ଦୁ ଶଦ୍ଦରୁ ଆସିଛି। ତାଙ୍କ ମାଆ ହିନ୍ଦୁ ଧର୍ମକୁ ଆପଣାଇଥିବାବେଳେ ତାଙ୍କ ସନ୍ତାନଙ୍କର ବି ସେ ହିନ୍ଦୁ ନାମ ଦେଇଛନ୍ତି। ତୁଲସୀ ନିଜେ ବି ହିନ୍ଦୁ ଧର୍ମକୁ ମାନନ୍ତି।
