![](https://www.dharitri.com/wp-content/uploads/2024/06/betting.jpg)
ନୂଆଦିଲ୍ଲୀ,୧।୬: ବେଟିଂ ପାଇଁ ବ୍ୟାନ୍ ହେଲେ ଇଂଲଣ୍ଡର ଦ୍ରୁତ ବୋଲର ବ୍ରାଇଡନ୍ କାର୍ସ। ଇଂଲଣ୍ଡ କ୍ରିକେଟ ବୋର୍ଡ ତାଙ୍କୁ ୨୦୧୭ରୁ ୨୦୧୯ ଯାଏ ୩୦୩ଥର ବେଟିଂ କରିବାରେ ଦୋଷୀ ସାବ୍ୟସ୍ତ କରିଛି। ଏହା ପରେ ବୋର୍ଡର ଦୁର୍ନୀତି ନିବାରଣ ସଂସ୍ଥା ତାଙ୍କୁ ୧୬ ମାସର ଦଣ୍ଡ ଦେଇଥିଲା, ଯେଉଁଥିରେ ତାଙ୍କୁ ୧୩ ମାସ ପାଇଁ ବ୍ୟାନ୍ କରାଯାଇଥିଲା। ବର୍ତ୍ତମାନ ସେ ଅଗଷ୍ଟ ୨୮ ଯାଏ କୌଣସି କ୍ରିକେଟ ଖେଳିପାରିବେ ନାହିଁ। କାର୍ସ ଏହି ଘଟଣାରେ ସହଯୋଗ କରିବା ସହ ତାଙ୍କ ବିରୋଧରେ ଆସିଥିବା ସମସ୍ତ ଅଭିଯୋଗକୁ ଗ୍ରହଣ କରିଛନ୍ତି। ତେବେ ସେ ଯେଉଁ ମ୍ୟାଚ୍ରେ ଖେଳି ନ ଥିଲେ ସେହି ମ୍ୟାଚ୍ରେ ବେଟିଂ କରିଥିବା ଜଣାପଡ଼ିଛି।
କାର୍ସ ୨୦୨୧ ରେ ପାକିସ୍ତାନ ବିପକ୍ଷରେ ଡେବ୍ୟୁ କରିଥିଲେ। ସେବେଠାରୁ ସେ ୧୪ ଦିନିକିଆ ଏବଂ ୩ ଟି -୨୦ ଅନ୍ତର୍ଜାତୀୟ ମ୍ୟାଚ ଖେଳିଛନ୍ତି। ସେ ଦିନିକିଆରେ ୧୫ ଉଇକେଟ ଏବଂ ଟି -୨୦ ରେ ୪ ଉଇକେଟ ନେଇଛନ୍ତି। ଇଂଲଣ୍ଡ ଦ୍ୱାରା ୨୦୨୩ ଦିନିକିଆ ବିଶ୍ୱକପ ଦଳରେ କାର୍ସ ମଧ୍ୟ ଅନ୍ତର୍ଭୁକ୍ତ ହୋଇଥିଲେ। ଜେମ୍ସ ଆଣ୍ଡରସନଙ୍କ ଅବସର ପରେ ସେ ୱେଷ୍ଟଇଣ୍ଡିଜ ଗସ୍ତରେ ମଧ୍ୟ ଟେଷ୍ଟ ଡେବ୍ୟୁ କରିବାକୁ ଯାଉଥିଲେ। ହେଲେ ବର୍ତ୍ତମାନ ୨୮ ମଇରୁ ୨୮ ଅଗଷ୍ଟ ପର୍ଯ୍ୟନ୍ତ ନିଷେଧାଦେଶ ହେତୁ ସେ ଖେଳି ପାରିବେ ନାହିଁ। ତେବେ ଏହି ପ୍ରତିବନ୍ଧକ ସମୟରେ ପ୍ରତ୍ୟାବର୍ତ୍ତନ ପାଇଁ ସେ କଠିନ ପରିଶ୍ରମ କରିବେ ବୋଲି କାର୍ସ କହିଛନ୍ତି।