ପୂରୁନି ପରିବାରର ପେଟ

ଖମାର,୧୪ା୭
ସୁସ୍ଥ ଥିବା ସମୟରେ ମୂଲ ମଜୁରି କରି ଶାଗ ମୁଗରେ ଚଳାଇ ନେଉଥିଲେ ସଂସାର। ହେଲେ ଅଜଣା ରୋଗର ଶିକାର ହେବାପରଠାରୁ ସେହି ଦାୟିତ୍ୱ ପଡ଼ିଛି ସ୍ତ୍ରୀଙ୍କ ଉପରେ। ନିଜେ ଘରେ ରହି ୪ ଝିଅପୁଅ ଓ ସାନଭାଇଙ୍କ ଦେଖାଶୁଣା କରୁଥିବା ବେଳେ ପରିବାର ପାଇଁ ଦାନା ଯୋଗାଡ଼ କରୁଛନ୍ତି ସ୍ତ୍ରୀ। କିନ୍ତୁ ସବୁଦିନ ୭ ଜଣଙ୍କ ପେଟ ପୂରାଇବା ସ୍ତ୍ରୀଙ୍କ ପକ୍ଷେ ସମ୍ଭବ ହେଉନି। ପ୍ରଶାସନ ରାଶନକାର୍ଡ ଖଣ୍ଡେ ଦେଇ ନ ଥିବାରୁ ଖାଦ୍ୟ ସୁରକ୍ଷା ଯୋଜନାରେ ଚାଉଳ ଗଣ୍ଡେ ମଧ୍ୟ ମିଳୁନି। ଫଳରେ ଅତି ଦୟନୀୟ ଅବସ୍ଥାରେ ବଞ୍ଚିବାକୁ ପଡ଼ୁଛି ଅନୁଗୋଳ ଜିଲା ପାଲଲହଡା ବ୍ଲକ ଆଲୋରୀ ପଞ୍ଚାୟତ ପରମାନନ୍ଦପୁର ଗ୍ରାମର ଲୋକନ ଚାତରଙ୍କ ପରିବାରକୁ।
ଲୋକନଙ୍କ କହିବା ଅନୁଯାୟୀ, ଦୀର୍ଘଦିନ ହେଲା ତାଙ୍କ ସ୍ବାସ୍ଥ୍ୟାବସ୍ଥା ଭଲ ରହୁନି। ସେ ପୂର୍ବପରି ଖଟିବାକୁ ବାହାରକୁ ଯାଇପାରୁ ନାହାନ୍ତି। ପିଲାମାନେ ଛୋଟ ହୋଇଥିବାରୁ ଓ ସାନଭାଇ ସ୍କୁଲରେ ପଢ଼ୁଥିବାରୁ ସେ କିମ୍ବା ସ୍ତ୍ରୀ ଡଲି ଚାତରଙ୍କ ମଧ୍ୟରୁ ଜଣେ କେହି ଘରେ ରହିବା ଜରୁରୀ। ତେଣୁ ବାଧ୍ୟ ହୋଇ ସେ ଘରେ ପିଲାଙ୍କୁ ଜଗାରଖା କରୁଥିବା ବେଳେ ସ୍ତ୍ରୀଙ୍କୁ ବାହାରେ କାମ କରିବାକୁ ପଡ଼ୁଛି। ସମ୍ବଳ କହିଲେ ଦୁଇଟି ହାଣ୍ଡି ଓ ଗୋଟିଏ କଡେଇକୁ ଛାଡ଼ି ତାଙ୍କ ନିକଟରେ କିଛି ନାହିଁ। ସବୁଦିନ କାମଧନ୍ଦା ମଧ୍ୟ ମିଳୁନି। ଏପରି ଅବସ୍ଥାରେ ସମସ୍ତଙ୍କ ପାଇଁ ଖାଇବା ଯୋଗାଡ଼ କରିବା ସମ୍ଭବ ହେଉନି। ଓଳିଏ ଖାଇଲେ ଆରଓଳି ଉପାସ ରହିବାକୁ ପଡ଼ୁଛି। ଛୁଆପିଲାଙ୍କ ଦାୟିତ୍ୱ ନେବା ସହିତ ବେଳେ ବେଳେ ସେ ପାଖ ଜଙ୍ଗଲରୁ କେନ୍ଦୁପତ୍ର, ମହୁଲ ଓ ଶାଳମଞ୍ଜି ସଂଗ୍ରହ କରୁଛନ୍ତି। ସରକାର ଗରିବଙ୍କ କଲ୍ୟାଣ ପାଇଁ ଅନେକ ଯୋଜନା କରିଥିବା ବେଳେ ତାଙ୍କ ନିକଟରେ ତାହା ପହଞ୍ଚିପାରି ନାହିଁ। ଏପରି କି ରାଶନ କାର୍ଡଟିଏ ମଧ୍ୟ ସେ ପାଇପାରି ନାହାନ୍ତି। ସରକାରୀ ଆବାସ ତ ଦୂରର କଥା କରୋନା ସମୟରେ ବିନା ରାଶନ କାର୍ଡଧାରୀଙ୍କୁ ମିଳୁଥିବା ଚାଉଳ, ଡାଲି ବି ତାଙ୍କୁ ଦିଆଯାଇ ନାହିଁ ବୋଲି ଲୋକନ ଅଭିଯୋଗ କରିଛନ୍ତି। ତୁରନ୍ତ ଲୋକନଙ୍କୁ ଖାଦ୍ୟ ସୁରକ୍ଷା ଯୋଜନାରେ ସାମିଲ କରିବାକୁ ଜିଲା ପରିଷଦ ସଦସ୍ୟ ସରୋଜ ସାହୁ ଦାବି କରିଛନ୍ତି।
ଏ ସମ୍ପର୍କରେ ଆଲୋରୀ ନାଏବ ସରପଞ୍ଚ ମୀନା ସାହୁ କହିଛନ୍ତି, ଲୋକନଙ୍କ ସମସ୍ୟା ନେଇ ସେ ସରପଞ୍ଚ ଓ ଯୋଗାଣ ଅଧିକାରୀଙ୍କୁ ଜଣାଇଥିଲେ ମଧ୍ୟ ଏଯାଏ କିଛି ପଦକ୍ଷେପ ନିଆଯାଇ ନାହିଁ। ପଞ୍ଚାୟତ ଭିଏଲଡବ୍ଲ୍ୟୁ କୁନୁ ସାହୁ କହିଛନ୍ତି, ଲୋକନଙ୍କ ପରିବାର ପୂର୍ବରୁ ତାଳଚେରରେ ରହୁଥିଲେ। ତେଣୁ କିଛି ସରକାରୀ ସୁବିଧା ଏଯାଏ ପାଇନାହାନ୍ତି। ସରପଞ୍ଚ ଯୋଗେଶ୍ୱର ଶୁଣ୍ଢି କହିଛନ୍ତି, ସମସ୍ୟା ସମ୍ପର୍କରେ ନାଏବ ସରପଞ୍ଚ ଯୋଗାଣ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଛନ୍ତି। ଅସୁବିଧା କେଉଁଠି ରହିଛି ତାହା ମଙ୍ଗଳବାର ସମାଧାନ କରାଯିବ। ପଞ୍ଚାୟତ ସମିତି ଅଧ୍ୟକ୍ଷ ନବକିଶୋର ନାଏକ ଶୀଘ୍ର ସରକାରୀ ସହାୟତା ପ୍ରଦାନ ନେଇ ପ୍ରତିଶ୍ରୁତି ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

କୀଟନାଶକ ଗନ୍ଧରେ ୨ ଭଉଣୀଙ୍କ ମୃତ୍ୟୁ

ଦିଗପହଣ୍ଡି,୨୮ା୧୨(ଡିଏନଏ)- ଗଞ୍ଜାମ ଜିଲା ଦିଗପହଣ୍ଡି ବ୍ଲକ ବି. ତୁରୁବୁଡ଼ି ଗ୍ରାମ ତଳସାହିରେ ରହୁଥିବା ମୋହନ ରେଡ୍ଡୀଙ୍କ ୨ ନାତୁଣୀ ଟିକିନା (୬) ଓ ସୋମା(୯)ଙ୍କର ଶୁକ୍ରବାର...

ଉଲିପଦର ସରକାରୀ ବାଳିକା ଉଚ୍ଚ ବିଦ୍ୟାଳୟରେ ବାଘ ଆତଙ୍କ: ବନ ବିଭାଗ ଏବଂ ମଙ୍ଗଳ ବିଭାଗର ତଦନ୍ତ,ତୁରନ୍ତ ବାଘକୁ ଚିହ୍ନଟ କରିବାକୁ ଦାବି

ଦାରିଙ୍ଗବାଡ଼ି/ବ୍ରାହ୍ମଣୀଗାଁ,(ଡି.ଏନ.ଏ): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଝିଞ୍ଜିରଗୁଡ଼ା ପଞ୍ଚାୟତରେ ଥିବା ସରକାରୀ ବାଳିକା ଉଚ୍ଚ ବିଦ୍ୟାଳୟର ହଷ୍ଟେଲ ପରିସର ମଧ୍ୟରେ ବାଘ ଆତଙ୍କ ଦେଖାଯାଇଛି। ଶୁକ୍ରବାର...

ଜନ୍ମବେଦିରେ ଚତୁର୍ଦ୍ଧାବିଗ୍ରହ

ପୁରୀ ଅଫିସ, ୬ା୭: ଜନ୍ମବେଦିରେ ଏବେ ଚତୁର୍ଦ୍ଧାବିଗ୍ରହ। ବଡ଼ଦାଣ୍ଡରେ ଦୁଇଦିନ ଭକ୍ତଙ୍କୁ ଦର୍ଶନ ଦେବା ପରେ ଶୁକ୍ରବାର ଆଡ଼ପମଣ୍ଡପକୁ ବିଜେ କରିଛନ୍ତି ମହାପ୍ରଭୁ। ଶନିବାରଠାରୁୁ ଜନ୍ମବେଦିରେ...

ଶଙ୍କରାଚାର୍ଯ୍ୟଙ୍କୁ ଶ୍ରେଷ୍ଠ ହିନ୍ଦୁ ସମ୍ମାନ

ପୁରୀ ଅଫିସ,୪ା୧: ପୁରୀ ଗୋବର୍ଦ୍ଧନ ମଠର ଶଙ୍କରାଚାର୍ଯ୍ୟ ସ୍ବାମୀ ନିଶ୍ଚଳାନନ୍ଦ ସରସ୍ବତୀଙ୍କୁ ମିଳିଛି ଶ୍ରେଷ୍ଠ ହିନ୍ଦୁ ସମ୍ମାନ। ଆମେରିକାର ହାୱାଇରୁ ପ୍ରକାଶିତ ଅନ୍ତର୍ଜାତୀୟ ପତ୍ରିକା ‘ହିନ୍ଦୁଜିମ୍‌...

ବ୍ୟବସାୟୀଙ୍କୁ ଯଚାଯାଉଛି ଟଙ୍କା

ଅନୁଗୋଳ ଅଫିସ, ୨।୨ ଅନୁଗୋଳ ସହରର ବିଭିନ୍ନ ବ୍ୟବସାୟୀଙ୍କୁ ଯଚାଯାଉଛି ଟଙ୍କା। ବିଡ଼ା ବିଡ଼ା ଟଙ୍କା ଧରି ଦୋକାନ ଦୋକାନ ବୁଲୁଥିବା ୪ ଯୁବକ ଲୋନ୍‌...

କୃଷି ଯନ୍ତ୍ରାଂଶ ସବ୍‌ସିଡି ନାଁରେ ହଡ଼ପ

ଭୁବନେଶ୍ୱର,୧୧ା୩(ବ୍ୟୁରୋ):ଅନୁସୂଚିତ ଜାତି(ଏସ୍‌ସି) ଓ ଜନଜାତି(ଏସ୍‌ଟି) ଚାଷୀଙ୍କ ଆର୍ଥିକ ଅଭିଭୃଦ୍ଧି ଏବଂ ବୈଜ୍ଞାନିକ ପଦ୍ଧତିରେ ଉନ୍ନତ ମାନର ଚାଷ ପାଇଁ କୃଷି ଯନ୍ତ୍ରାଂଶ କିଣାରେ ରାଜ୍ୟ ସରକାର...

ଆଟାଚି ଧରି ଘୂରି ବୁଲୁଛନ୍ତି ଅଜଣା ବ୍ୟକ୍ତି: ପୋଲିସ ପକ୍ଷରୁ ଯାଞ୍ଚ ନ ହେବାରୁ ଅସନ୍ତୋଷ

ନିରାକାରପୁର,୨୫ା୭(ଡି.ଏନ.ଏ.): ଖୋର୍ଦ୍ଧା ଜିଲା ନିରାକାରପୁର ଷ୍ଟେଶନ ଅଞ୍ଚଳରେ ଦୀର୍ଘ ୪ ମାସ ହେବ ଜଣେ ଅଜଣା ବ୍ୟକ୍ତି ଆଟାଚି ଓ ପାଣି ବୋତଲ ଧରି ଘୂରି...

ଗଞ୍ଜାମ ଜିଲାପାଳଙ୍କ ବଡ଼ ଘୋଷଣା: ଆସନ୍ତା ୯ରୁ ସମସ୍ତ ସହରାଞ୍ଚଳ, ୫ ବ୍ଲକ ସଟ୍‌ଡାଉନ୍‌; ଜାଣନ୍ତୁ..

ଛତ୍ରପୁର, ୭।୭(ଡି.ଏନ୍‌.ଏ.)- ଗଞ୍ଜାମ ଜିଲାରେ ଦିନକୁ ଦିନ କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି। ଏଥିପାଇଁ ଜ଼ିଲାର ବିଏମ୍‌ସି ସମେତ ୧୮ ସହରାଞ୍ଚଳ ଏବଂ ସାନଖେମୁଣ୍ଡି,...

Advertisement

BGU

Archives

Model This Week

Why Dharitri