ଧର୍ମଶାଳା,୧୮।୪:(ଡି.ଏନ.ଏ.): ବିଜୁ ପଟ୍ଟନାୟକଙ୍କ ଶ୍ରାଦ୍ଧ ଦିବସ ଧର୍ମଶାଳା ବିଜେଡି ପକ୍ଷରୁ ପାଳିତ ହୋଇଯାଇଛି। ସୋମବାର ସକାଳ ୭ରୁ ବିଜେଡି, ଯୁବ ବିଜେଡି, ମହିଳା ବିଜେଡି,ଛାତ୍ର ବିଜେଡି, ବିଜେଡି ଗାର୍ଲସ ୱିଙ୍ଗ ପକ୍ଷରୁ ଜାରକା ବଜାର, ଶାନ୍ତି ବଜାର, କାଏମା ଓ ଧର୍ମଶାଳା ଡାକ୍ତରଖାନା ପରିସରକୁ ସଫେଇ କରାଯାଇଥିଲା ା ବିଧାୟକ ପ୍ରଣବ କୁମାର ବଳବନ୍ତରାୟ ଏବଂ ଧର୍ମଶାଳା ପଞ୍ଚାୟତ ସମିତି ଅଧ୍ୟକ୍ଷ ପ୍ରଭାତ କୁମାର ବଳବନ୍ତରାୟ ଉପରୋକ୍ତ କାର୍ଯ୍ୟକ୍ରମରେ ଯୋଗଦେଇଥିଲେ ା ସକାଳ ୯ ଘଟିକା ସମୟରେ ବିଜେଡି ପକ୍ଷରୁ ଜାରକାସ୍ଥିତ କଳ୍ପତରୁ ଦାସ ଷ୍ଟାଡିୟମରେ ବିଜୁ ବାବୁଙ୍କ ଶ୍ରାଦ୍ଧ ଦିବସ ପାଳନ ଅବସରରେ ଏକ ସଭାର ଆୟୋଜନ କରାଯାଇଥିଲା। ଏଥିରେ ବିଜୁ ବାବୁଙ୍କ ସ୍ମୃତିଚାରଣ କରାଯାଇଥିଲା ବେଳେ ବିଧାୟକଙ୍କ ନେତୃତ୍ୱରେ କର୍ମୀମାନେ ସଶକ୍ତ, ସମୃଦ୍ଧ, ସ୍ବାଭିମାନୀ ନବୀନ ଓଡ଼ିଶା ଗଠନ କରିବାରେ ଶପଥ ପାଠ କରିଥିଲେ। ଏହି କାର୍ଯ୍ୟକ୍ରମରେ ବ୍ଲକ୍ ବିଜେଡି ସଭାପତି ଜଳଧର ମହାନ୍ତି, ନିର୍ବାଚନ ମଣ୍ଡଳୀ ସଭାପତି ଜଳଧର ସାହୁ, ଜିଲା ବିଜେଡି ମହାସଚିବ ପ୍ରିୟନାଥ ମହାପାତ୍ର, ଉକତ୍ଳମଣୀ ଦାସ, ଦୁଃଶାସନ ସାହୁ, ପ୍ରହ୍ଲାଦ ଲେଙ୍କା, ନିରଞ୍ଜନ ରାଉତ, ରସୁଲପୁର ପଞ୍ଚାୟତ ସମିତି ଅଧ୍ୟକ୍ଷ ଅରୁଣ କୁମାର ରାଉତ,ବ୍ଲକ ଯୁବ ବିଜେଡି ସଭାପତି କ୍ଷିତୀଶ କୁମାର ନାୟକ, ଛାତ୍ର ବିଜେଡି ସଭାପତି ଜଗଦାନନ୍ଦ ରାଉତ,ବ୍ଲକ ମହିଳା ସଭାନେତ୍ରୀ ବିଶ୍ୱବନ୍ଦନା ଜେନା, ଗାର୍ଲସ ୱିଙ୍ଗ୍ ସଭାନେତ୍ରୀ କ୍ଷୀରାବ୍ଧୀ ତନୟା ମଲ୍ଲିକ ଏବଂ ଦଳର ସମସ୍ତ ବିଜେଡି କର୍ମକର୍ତ୍ତାମାନେ ଯୋଗଦେଇଥିଲେ ା ଏହି ଅବସରରେ ପୂର୍ବରୁ ହୋଇଥିବା ଚିତ୍ରାଙ୍କନ ପ୍ରତିଯୋଗିତାରେ ସମୀକ୍ଷା ସାମଲ ପ୍ରଥମ, ରଶ୍ମିରେଖା ରାଉଳ ଦ୍ୱିତୀୟ , ରୂପାଲି କର ତୃତୀୟ ଓ ପ୍ରବନ୍ଧ ଲିଖନରେ ବିଶ୍ୱରଞ୍ଜନ କବ ପ୍ରଥମ , ତମନ୍ନା ସ୍ବାଇଁ ଦ୍ୱିତୀୟ, ପ୍ରଜ୍ଞା ପ୍ରିୟଦର୍ଶନୀ ରାଉତ ତୃତୀୟ , ବକ୍ତୃତା ପ୍ରତିଯୋଗୀତାରେ ଅର୍ଘ୍ୟରୂପା ନାୟକ ପ୍ରଥମ , କ୍ଷୀରାବ୍ଧି ତନୟା ମଲ୍ଲିକ୍ ଓ ଦିନବନ୍ଧୁ ଲେଙ୍କା ଦ୍ୱିତୀୟ ଏବଂ ଆଲାମ ନାୟକ ତୃତୀୟ ହୋଇ ବିଧାୟକଙ୍କ ଦ୍ୱାରା ପ୍ରମାଣପତ୍ର ଓ ଅର୍ଥରାଶି ପ୍ରଦାନ କରାଯାଇଥିଲା ା ସନ୍ଧ୍ୟାରେ ସିଂହାପୁରସ୍ଥିତ ନାରାୟଣ ଗୋସାଇଁଙ୍କ ପାଖରେ ବିଜେଡି ତରଫରୁ ଦୀପ ଦାନ କରାଯାଇଥିଲା
