ମୋରଡା,୩୦।୯(ସ୍ମାରକ ମାଝୀ): ମୟୂରଭଞ୍ଜ ଜିଲା ରାସଗୋବିନ୍ଦପୁର ରେଞ୍ଜ ତଥା ମୋରଡା ବ୍ଲକ ଅଧୀନ ଚିତ୍ରଡା ପଞ୍ଚାୟତରେ ହାତୀ ଉପଦ୍ରବ ଦେଖିବାକୁ ମିଳିଛି।
ସୂଚନା ଅନୁଯାୟୀ, ଉକ୍ତ ପଞ୍ଚାୟତର ତଳସାହି ଗ୍ରାମରେ ଶୁକ୍ରବାର ବିଳମ୍ବିତ ରାତିରେ ଏକ ଚାରି ଟିକିଆ ଶିମିଳିପାଳ ହାତୀପଲ ପଶିଥିଲେ। ଉକ୍ତ ଗ୍ରାମର କଟିଆ ମହାନ୍ତଙ୍କ ଘର ହାତୀ ଭାଙ୍ଗି ଥିବା ବେଳେ ଧାନ, ଚାଉଳ ଖାଇ ନଷ୍ଟ କରିଛନ୍ତି। ତେବେ କଟିଆ ଏବଂ ତାଙ୍କ ସ୍ତ୍ରୀ ଭୟଭୀତ ହୋଇୟ ଘର ଛାଡି ବାହାରକୁ ପଳାଇଥିଲେ।
ସକାଳେ ବନବିଭାଗ କର୍ମଚାରୀ ଏବଂ ଚିତ୍ରଡ଼ା ଆରଆଇ ମନୋଜ ବାରିକ ଘଟଣାସ୍ଥଳକୁ ଯାଇ କ୍ଷୟକ୍ଷତି ଆକଳନ କରିଛନ୍ତି।
ତେବେ ଏବାବଦରେ ରେଞ୍ଜର ଘନଶ୍ୟାମ ସିଂଙ୍କୁ ପଚାରିବାରୁ ବର୍ତ୍ତମାନ ଦଶଟି ଶିମିଳିପାଳ ହାତୀ ଶୁଖିଲାଖାଳି ଜଙ୍ଗଲରେ ଥିବା ବେଳେ ହାତୀ ପ୍ରତି ବନବିଭାଗ ନଜର ରଖିଛି। କ୍ଷତିଗ୍ରସ୍ତ ପରିବାରକୁ ଯଥାଶୀଘ୍ର କ୍ଷତିପୂରଣ ଦିଆଯିବ ବୋଲି କହିଛନ୍ତି।
