ଖାଇବା ତେଲ: କମୁନି ଦର

ନୂଆଦିଲ୍ଲୀ/ଭୁବନେଶ୍ୱର,୧୫।୯(ବ୍ୟୁରୋ): ମୁଣ୍ଡ ଉପରେ ଭୋଟ ଥିଲେ ଜରୁରୀ ସାମଗ୍ରୀଗୁଡ଼ିକର ଆକାଶଛୁଆଁ ଦରଦାମ୍‌ ଶାସକ ଦଳର ବିଜୟ ଆଶାକୁ ମଳିନ କରିଦିଏ। ଉତ୍ତର ପ୍ରଦେଶ ସମେତ ୫ ଗୁରୁତ୍ୱପୂର୍ଣ୍ଣ ରାଜ୍ୟରେ ବିଧାନସଭା ନିର୍ବାଚନକୁ ଆଉ ମାତ୍ର କେଇମାସ ବାକି ଥିବାବେଳେ ଦରଦାମ୍‌ ନିୟନ୍ତ୍ରଣକୁ ଆଣିବା କେନ୍ଦ୍ର ସରକାରଙ୍କ ଆଗରେ ବଡ଼ ଚ୍ୟାଲେଞ୍ଜ ଭାବେ ଉଭା ହୋଇଛି। ଉଚିତ ଅନୁପାତରେ ମୌସୁମୀ ବର୍ଷା ନ ହେବାରୁ ଖରିଫ ଅମଳକୁ ନେଇ ଅନିଶ୍ଚିତତା ଦେଖାଦେଇଛି, ଯାହାକି ଆଗାମୀ ଦିନରେ ଜରୁରୀ ସାମଗ୍ରୀ ମୂଲ୍ୟକୁ ଆହୁରି ବଢ଼ାଇଦେଇପାରେ। ତେଣୁ ଖାଦ୍ୟ ସାମଗ୍ରୀଗୁଡ଼ିକର ମୂଲ୍ୟ ବୃଦ୍ଧି ବିଶେଷକରି ଡାଲିଜାତୀୟ ଓ ତେଲ ଦର ଉପରେ ଲଗାମ ଲଗାଇବା ପାଇଁ କେନ୍ଦ୍ର ବିଭିନ୍ନ ପଦକ୍ଷେପ ନେବା ଆରମ୍ଭ କରିଛି। ଏହା ସତ୍ତ୍ୱେ ପାର୍ବଣରେ ସୁଫଳ ମିଳିବା ଆଶା ଦିଶୁନାହିଁ।

ଖାଦ୍ୟ, ସାଧାରଣ ବଣ୍ଟନ ଏବଂ ଉପଭୋକ୍ତା ବ୍ୟାପାର ମନ୍ତ୍ରଣାଳୟ ଅର୍ଥନୈତିକ ପରାମର୍ଶଦାତା ମନୀଷା ସେନଶର୍ମା ଗୁରୁବାର ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ମୁଖ୍ୟ ଶାସନ ସଚିବମାନଙ୍କ ନିକଟକୁ ଏକ ପତ୍ର ପଠାଇଥିଲେ। ଖାଇବା ତେଲ ଓ ତୈଳବୀଜର ଦରଦାମ ବୃଦ୍ଧି ଉପରେ ଧ୍ୟାନ ଦେବାକୁ ଉକ୍ତ ଚିଠିରେ ସେ ନିର୍ଦ୍ଦେଶ ଦେଇଥିଲେ। ଅତ୍ୟାବଶ୍ୟକ ସାମଗ୍ରୀ ଆଇନ, ୧୯୫୫ ଅନୁସାରେ ଲୋକଙ୍କ ପାଇଁ ଉଚିତ ମୂଲ୍ୟରେ ଜରୁରୀ ସାମଗ୍ରୀଗୁଡ଼ିକର ଉପଲବ୍ଧତା ସୁନିଶ୍ଚିତ କରିବାକୁ ଏଥିରେ କୁହାଯାଇଛି। ନିକଟରେ ଆମଦାନୀ ଶୁଳ୍କ ହ୍ରାସ କରିବା ସତ୍ତ୍ୱେ ଖାଇବା ତେଲ/ତୈଳବୀଜର ମୂଲ୍ୟବୃଦ୍ଧି ଦେଖିବାକୁ ମିଳିଛି। ଅସାଧୁ ବ୍ୟବସାୟୀମାନେ ବେଆଇନ ଭାବେ ଅଧିକ ପରିମାଣର ତେଲ ମହଜୁଦ ରଖୁଥିବାରୁ ଏପରି ହୋଇଥିବା ଉକ୍ତ ପତ୍ରରେ ଉଲ୍ଲେଖ କରାଯାଇଛି। ଏହାକୁ ଦୃଷ୍ଟିରେ ରଖି ଟ୍ରେଡର୍ସ, ମିଲର୍ସ ଓ ଷ୍ଟକିଷ୍ଟଙ୍କୁ ନିଜ ନିଜ ଷ୍ଟକ୍‌ ଘୋଷଣା କରିବା ନିମନ୍ତେ କେନ୍ଦ୍ର ପକ୍ଷରୁ ନିର୍ଦ୍ଦେଶ ଦିଆଯାଇଛି। ଷ୍ଟକ୍‌ ଘୋଷଣା ପରେ ତାକୁ ରାଜ୍ୟ ସରକାର ଯାଞ୍ଚ କରିବେ। ସେହିପରି ଖାଇବା ତେଲ ଓ ତୈଳବୀଜଗୁଡ଼ିକର ମୂଲ୍ୟ ଉପରେ ମଧ୍ୟ ସାପ୍ତାହିକ ଭିତ୍ତିରେ ଅନୁଧ୍ୟାନ କରିବା ପାଇଁ କୁହାଯାଇଛି।
ପେଟ୍ରୋଲ ଓ ଡିଜେଲ ଦର ବୃଦ୍ଧି ଯୋଗୁ ସମସ୍ତ ଜରୁରୀ ସାମଗ୍ରୀର ମୂଲ୍ୟ ଆକାଶଛୁଆଁ ହୋଇଛି। ପାର୍ବଣରେ ଖାଉଟିଙ୍କୁ ଆଶ୍ୱସ୍ତି ଦେବା ପାଇଁ କେନ୍ଦ୍ର ସରକାର ଆମଦାନୀ ଶୁଳ୍କ ହ୍ରାସ କରିଛନ୍ତି। ଏହାସତ୍ତ୍ୱେ ଖାଇବା ତେଲ ଦରଦାମ ହ୍ରାସ ପାଉନାହିଁ। ଏଥିପାଇଁ ଖାଦ୍ୟ, ସାଧାରଣ ବଣ୍ଟନ ଏବଂ ଉପଭୋକ୍ତା ବ୍ୟାପାର ମନ୍ତ୍ରଣାଳୟ ମହଜୁଦକାରୀଙ୍କୁ ଦାୟୀ କରି ଷ୍ଟକ୍‌ ଲିମିଟ୍‌ ଉପରେ ଅଙ୍କୁଶ ଲଗାଇଛି। ଅତ୍ୟାବଶ୍ୟକ ସାମଗ୍ରୀ ଆଇନ, ୧୯୫୫ ଅନୁସାରେ ଲୋକଙ୍କ ପାଇଁ ଉଚିତ ମୂଲ୍ୟରେ ଜରୁରୀ ସାମଗ୍ରୀଗୁଡ଼ିକର ଉପଲବ୍ଧତା ସୁନିଶ୍ଚିତ କରିବାକୁ ରାଜ୍ୟ ସରକାରମାନଙ୍କୁ ପତ୍ର ଲେଖି ନିର୍ଦ୍ଦେଶ ଦିଆଯାଇଛି। ଉଲ୍ଲେଖଯୋଗ୍ୟ, ମୋଦି ସରକାର ଗତ ଜୁନ୍‌ ୫ରେ ଅତ୍ୟାବଶ୍ୟକ ସାମଗ୍ରୀ (ସଂଶୋଧନ) ଅଧ୍ୟାଦେଶ ଆଣିଥିଲେ। ସେତେବେଳେ ତୈଳବୀଜ, ଡାଲିଜାତୀୟ ଶସ୍ୟ, ପିଆଜ ଆଦିକୁ ଉକ୍ତ ଆଇନ ପରିସର ବାହାରେ ରଖାଯାଇଥିଲା। ଉଦ୍ଦେଶ୍ୟ ଥିଲା ସେସବୁକୁ ମହଜୁଦ ରଖିବା ସୀମା କଟକଣାରୁ ମୁକ୍ତ କରିବା। ତେବେ ସୁପ୍ରିମକୋର୍ଟ ଉକ୍ତ ଆଇନର କାର୍ଯ୍ୟକାରିତା ଉପରେ ସ୍ଥଗିତାଦେଶ ଜାରି କରିଥିବାରୁ ସରକାର ଏବେ ଏହାକୁ ଆଳ କରି ତେଲ ଦର ନିୟନ୍ତ୍ରଣ ଉଦ୍ଦେଶ୍ୟରେ ଷ୍ଟକ୍‌ ସୀମା ନେଇ କଟକଣା ଜାରି କରିଛନ୍ତି। ଏନେଇ ଭୁବନେଶ୍ୱର ୟୁନିଟ୍‌-୧ରେ ଗ୍ରୋସେରି ଦୋକାନ କରିଥିବା ଦୀନେଶ ପାତ୍ର କହିଛନ୍ତି, ସରକାର ଆମଦାନୀ ଶୁଳ୍କ ହ୍ରାସ କରିଛନ୍ତି ସତ। କିନ୍ତୁ ଆମେ ପୂର୍ବରୁ ଚଢ଼ା ଦରରେ କିଣି ମହଜୁଦ ରଖିଥିବା ତେଲକୁ ଏବେ ବିକ୍ରି କରିବାକୁ ପଡ଼ିବ। ନୂଆ ମାଲ ଆସିଲେ ନୂଆ ଦରରେ ବିକିବୁ। ଏବେ ଯାହା ମହଜୁଦ ଅଛି ତାକୁ ପୁରୁଣା ଦରରେ ହିଁ ଗ୍ରାହକଙ୍କୁ ଦେବୁ। ଆମେ ସୋୟାବିନ ତେଲ ଲିଟର ପିଛା ୧୫୦, ସୋରିଷ ତେଲ ଲିଟର ୧୮୫ରୁ ୧୯୫, ଓ ସୂର୍ଯ୍ୟମୁଖୀ ଲିଟର ପ୍ରତି ୧୪୫ ଟଙ୍କାରେ ବିକ୍ରି କରିବାକୁ ବାଧ୍ୟ ହେଉଛୁ।
ଖାଇବା ତେଲକୁ ନିୟନ୍ତ୍ରଣକୁ ଆଣିବା ଲାଗି ଏହା ହେଉଛି କେନ୍ଦ୍ରର ଦ୍ୱିତୀୟ ହସ୍ତକ୍ଷେପ। ଗତ ଅଗଷ୍ଟରେ ମଧ୍ୟ କଞ୍ଚା ତଥା ରିଫାଇଣ୍ଡ ସୋୟାବିନ୍‌ ଓ ସୂର୍ଯ୍ୟମୁଖୀ ତେଲ ଉପରୁ ଆମଦାନୀ ଶୁଳ୍କ ହ୍ରାସ କରାଯାଇଥିଲା। ବର୍ତ୍ତମାନ କଞ୍ଚା ସୋୟାବିନ୍‌ ଓ ସୂର୍ଯ୍ୟମୁଖୀ ତେଲ ଉପରେ ଆମଦାନୀ ଶୁଳ୍କ ୩୦.୨୫% ରହିଛି, ଯାହାକି ପୂର୍ବରୁ ୩୮.୫୦% ଥିଲା। ସେହିପରି ରିଫାଇଣ୍ଡ ତେଲର ଆମଦାନୀ ଶୁଳ୍କକୁ ୪୯.୫୦ ପ୍ରତିଶତରୁ ୪୧.୨୫%କୁ ହ୍ରାସ କରାଯାଇଥିଲା। ଖାଇବା ତେଲର ଦର ବର୍ଷକୁ ବର୍ଷ ୨୦-୩୦% ବୃଦ୍ଧି ପାଉଥିବାରୁ ଏଭଳି ପଦକ୍ଷେପ ନିଆଯାଇଥିବା କୁହାଯାଉଛି। ବିଶ୍ୱରେ ଖାଇବା ତେଲର ମୂଲ୍ୟ ବୃଦ୍ଧି ଯୋଗୁ ଭାରତରେ ମଧ୍ୟ ଏହାର ବହୁଳ ପ୍ରଭାବ ପଡ଼ିଛି। ଗତବର୍ଷ ବାଦାମ ତେଲର ହାରାହାରି ଖୁଚୁରା ମୂଲ୍ୟ ଲିଟର ପିଛା ୧୫୦.୫୦ ଟଙ୍କା ଥିବାବେଳେ ଏବେ ଏହା ୧୭୭.୯୧ ଟଙ୍କାକୁ ବୃଦ୍ଧି ପାଇଛି। ଅନୁରୂପ ଭାବେ ସୋୟାବିନ୍‌ ତେଲର ଦର ୧୦୪.୨୭ ଟଙ୍କାରୁ ୧୫୧.୪୩ ଟଙ୍କାକୁ ଚଢ଼ିଛି। ସୋରିଷ ତେଲ ଲିଟର ପ୍ରତି ୧୨୬.୧୭ ଟଙ୍କା ଥିବାବେଳେ ଏବେ ୧୭୨.୫୫ ଟଙ୍କାରେ ବିକ୍ରି ହେଉଛି। ପାମ୍‌ ଅଏଲ ମଧ୍ୟ ୯୪.୧୮ ଟଙ୍କାରୁ ୧୩୨.୪୬ ଟଙ୍କାକୁ ବୃଦ୍ଧି ପାଇଛି। ଏପରି କି ଘିଅର ବିକଳ୍ପ ଭାବେ ବ୍ୟବହୃତ ବନସ୍ପତି ତେଲର ଦାମ୍‌ ଲିଟର ପିଛା ୯୪.୧୮ରୁ ୧୩୨.୪୬ ଟଙ୍କାରେ ପହଞ୍ଚତ୍ଛି। ଏଭଳି ସମୟରେ ସରକାର ଖାଇବା ତେଲ ଉପରୁ ଆମଦାନୀ ଶୁଳ୍କ ହ୍ରାସ କରିଛନ୍ତି। ଏହା ପଛରେ ଦୁଇଟି କାରଣ ରହିଥିବା କୁହାଯାଉଛି। ତାହା ହେଲା ଆସନ୍ତା ମାସରେ ଆରମ୍ଭ ହେବାକୁ ଥିବା ଖରିଫ ଫସଲ ଅମଳ ସମୟ ପାଖେଇ ଆସୁଛି। ତେଲ ଦର ହ୍ରାସ କରିବା ପାଇଁ କେନ୍ଦ୍ର ସରକାର ଏହି ପଦକ୍ଷେପ ନେଇଥିବା ଉକ୍ତ ଚିଠିରେ ଦର୍ଶାଯାଇଛି। ଦ୍ୱିତୀୟରେ ଉତ୍ତର ପ୍ରଦେଶ, ଉତ୍ତରାଖଣ୍ଡ, ପଞ୍ଜାବ, ଗୁଜରାଟ ଓ ହିମାଚଳ ପ୍ରଦେଶ ବିଧାନସଭା ନିର୍ବାଚନରେ ଖାଦ୍ୟ ସାମଗ୍ରୀର ଦରଦାମ ବୃଦ୍ଧି ବଡ଼ ପ୍ରସଙ୍ଗ ହେବାକୁ ଯାଉଛି। ସବୁ ଅଞ୍ଚଳରେ ମୌସୁମୀଜନିତ ସୁଷମ ବୃଷ୍ଟିପାତ ନ ହେବାରୁ ଅମଳ କାର୍ଯ୍ୟ ବାଧାପ୍ରାପ୍ତ ହୋଇପାରେ। ଏହାକୁ ନେଇ ନୀତି ପ୍ରଣୟନକାରୀମାନେ ଅସୁବିଧାର ସମ୍ମୁଖୀନ ହେବାରେ ଲାଗିଲେଣି, ଯାହାକି ଉକ୍ତ ପତ୍ରରେ ଉଲ୍ଲେଖ କରାଯାଇନାହିଁ।


Enter your email to get our daily news in your inbox.

All Right Reserved By Dharitri.Com

ଅହମ୍ମଦାବାଦ୍‌କୁ ବ୍ୟାପିଲା ଜେଏନ୍‌ୟୁ ହିଂସା: ଏବିଭିପି-ଏନ୍‌ଏସ୍‌ୟୁଆଇ କର୍ମକର୍ତ୍ତା ମୁହାଁମୁହିଁ

ଅହମ୍ମଦାବାଦ୍‌,୭।୧: ଜେଏନ୍‌ୟୁ ହିଂସା ନେଇ ଦେଶର ବିଭିନ୍ନ ସହରରେ ପ୍ରଦର୍ଶନ ଜାରି ରହିଛି। ମଙ୍ଗଳବାର ଗୁଜରାଟ ଅହମ୍ମଦାବାଦ୍‌ରେ ଏବିଭିପି-ଏନ୍‌ଏସ୍‌ୟୁଆଇ କର୍ମକର୍ତ୍ତା ମୁହାଁମୁହିଁ ହୋଇଛନ୍ତି। ଉଭୟପକ୍ଷଙ୍କ ମଧ୍ୟରେ...

କର୍ମଚାରୀଙ୍କୁ ଜୁନର ବେତନ ଦେଇପାରିବନି ବିଏସ୍‌ଏନ୍‌ଏଲ

ନୂଆଦିଲ୍ଲୀ,୨୫-୬: ରାଷ୍ଟ୍ରାୟତ୍ତ ଟେଲିକମ୍‌ କମ୍ପାନୀ ଭାରତ ସଞ୍ଚାର ନିଗମ ଲିମିଟେଡ(ବିଏସ୍‌ଏନ୍‌ଏଲ୍‌) କେନ୍ଦ୍ର ସରକାରଙ୍କୁ ଜରୁରୀ ପତ୍ର ପଠାଇ କମ୍ପାନୀର ଅପରେଶନ ଜାରି ରଖିବାକୁ ଅସମର୍ଥ ବୋଲି...

ଜେଟ୍‌ ବିରୋଧରେ ହେବ ଏସ୍‌ଏଫ୍‌ଆଇଓ ତଦନ୍ତ

ନୂଆଦିଲ୍ଲୀ,୧୨-୧୧: ନରେଶ ଗୋଏଲଙ୍କ ଦ୍ୱାରା ପ୍ରତିଷ୍ଠିତ ଜେଟ୍‌ ଏୟାରଓ୍ବେଜ ବିମାନ କମ୍ପାନୀ ଲାଗି ଅଡୁଆ ବଢିଛି। ବିଭିନ୍ନ କାରଣ ଲାଗି ଏହି ବିମାନ କମ୍ପାନୀ ବର୍ତ୍ତମାନ...

‘ଆର୍ଟିକିଲ୍‌ ୧୫’: ଆବେଦନ ଅଗ୍ରାହ୍ୟ କଲେ ସୁପ୍ରିମକୋର୍ଟ

ନୂଆଦିଲ୍ଲୀ,୯ା୭: ବଲିଉଡ୍‌ ଫିଲ୍ମ ‘ଆର୍ଟିକିଲ୍‌ ୧୫’ର ପ୍ରମାଣପତ୍ର ବାତିଲ ଲାଗି ହୋଇଥିବା ଆବେଦନକୁ ସୁପ୍ରିମ କୋର୍ଟ ଅଗ୍ରାହ୍ୟ କରିଦେଇଛନ୍ତି। ଜଷ୍ଟିସ ଏସ୍‌.ଏ. ବୋବ୍‌ଡେ ଏବଂ ବି.ଆର....

ରେନୋର ନୂଆ କ୍ୱିଡ୍‌ ନିଓଟେକ୍‌ ଏଡିଶନ

ନୂଆଦିଲ୍ଲୀ: ରେନୋ ଇଣ୍ଡିଆ ପକ୍ଷରୁ ନୂଆ କ୍ୱିଡ୍‌ ନିଓଟେକ୍‌ ଏଡିଶନ ୨୦୨୦ ବଜାରକୁ ଆସିଛି। ଏହାକୁ ଆକର୍ଷଣୀୟ ଏବଂ ସୁଲଭ କରି କମ୍ପାନୀ ପ୍ରସ୍ତୁତ କରିଥିବା...

କରୋନା ଯୋଗୁ ଦୁଶ୍ଚିନ୍ତାରେ ୩୧% କିଶୋର

ନୂଆଦିଲ୍ଲୀ, ୨୫ା୧୦: ମହାମାରୀ କରୋନା ବିଶ୍ୱରେ ଭୟଙ୍କର ପରିସ୍ଥିତି ସୃଷ୍ଟି କରିଥିବାବେଳେ ଭାରତରେ ମଧ୍ୟ ଏହାର ଭୟଙ୍କର ପ୍ରଭାବ ପରିଲକ୍ଷିତ ହୋଇଛି। ଗତ କିଛିମାସ ଧରି...

୧୭ହଜାର ଫୁଟ ଉଚ୍ଚ ଚାଇନା ସୀମାରେ ରାସ୍ତା ନିର୍ମାଣ କଲା ଭାରତ: ଭିଡ଼ିଓ କନ୍‌ଫରେନ୍ସିଂରେ ଉଦ୍‌ଘାଟନ କଲେ ପ୍ରତିରକ୍ଷାମନ୍ତ୍ରୀ

ନୂଆଦିଲ୍ଲୀ,୮।୫: କରୋନା ଭାଇରସ୍‌ ସଙ୍କଟ ମଧ୍ୟରେ ପିଥୋରଗଡ଼ରୁ ଚାଇନା ସୀମା ପର୍ଯ୍ୟନ୍ତ ରାସ୍ତା ନିର୍ମାଣ କରିବାରେ ସଫଳ ହୋଇଛି ଭାରତ। ଏହି ନୂତନ ସଡ଼କକୁ ପ୍ରତିରକ୍ଷାମନ୍ତ୍ରୀ...

କେନ୍ଦ୍ରମନ୍ତ୍ରୀ ପଦରୁ ଇସ୍ତଫା ଦେଲେ ଅରବିନ୍ଦ

ନୂଆଦିଲ୍ଲୀ,୧୧।୧୧: ଶିବସେନା ନେତା ତଥା ମୋଦି ସରକାରଙ୍କ କ୍ୟାବିନେଟରେ ମନ୍ତ୍ରୀ ଥିବା ଅରବିନ୍ଦ ସାଓ୍ବନ୍ତ ସୋମବାର ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି। ମହାରାଷ୍ଟ୍ର ରାଜନୀତିକୁ ଦେଖି...

Advertisement


Archives

Model This Week