ଭାରତରେ ବଢୁଛି ଆର୍ଥିକ ଅସମାନତା

ଡାଭୋସ୍‌,୧୭ା୧: ଭାରତୀୟ ଅର୍ଥନୀତି ଦ୍ରୁତ ଅଭିବୃଦ୍ଧି ଦିଗରେ ଅଗ୍ରସର ହେଉଛି ବୋଲି କେନ୍ଦ୍ର ସରକାର ଦାବି କରୁଥିବାବେଳେ ଦେଶରେ ଆର୍ଥିକ ଅସମାନତା ଅତ୍ୟଧିକ ବୃଦ୍ଧି ପାଇଛି। ଗତ ୩ ଦଶନ୍ଧି ମଧ୍ୟରେ ଅସମାନତା ବ୍ୟବଧାନ ସର୍ବାଧିକ ବଢ଼ିଛି। ଏବେ ଭାରତର ୧ ପ୍ରତିଶତ ଅତି ଧନୀ ବ୍ୟକ୍ତିଙ୍କ ପାଖରେ ଦେଶର ମୋଟ ସମ୍ପତ୍ତିର ୪୦ ପ୍ରତିଶତରୁ ଅଧିକ ରହିଥିବାବେଳେ ତଳ ସ୍ତରରେ ଥିବା ଜନସଂଖ୍ୟାର ୫୦ ପ୍ରତିଶତଙ୍କ ପାଖରେ ମାତ୍ର ୩% ସମ୍ପତ୍ତି ରହିଛି ବୋଲି ଏକ ନୂଆ ଅଧ୍ୟୟନରୁ ଜଣାପଡ଼ିଛି।
ସୁଇଜରଲାଣ୍ଡର ଡାଭୋସ୍‌ ସହରରେ ସୋମବାର ଓ୍ବାଲର୍‌ଡ ଇକୋନୋମିକ୍‌ ଫୋରମ୍‌ (ଡବ୍ଲ୍ୟୁଇଏଫ୍‌)ର ୫୩ତମ ବାର୍ଷିକ ବୈଠକ ଆରମ୍ଭ ହୋଇଛି। ଏହି ପରିପ୍ରେକ୍ଷୀରେ ଡବ୍ଲ୍ୟୁଇଏଫ୍‌ର ବାର୍ଷିକ ଅସମାନତା ରିପୋର୍ଟର ‘ଭାରତ ସପ୍ଲିମେଣ୍ଟ’ ପ୍ରକାଶ ପାଇଛି। ଯଦି ଭାରତର ୧୦ ଜଣ ଅତି ଧନୀଙ୍କ ଉପରେ ୫ ପ୍ରତିଶତ ଟିକସ ଲଗାଯାଏ, ତେବେ ସେହି ଅର୍ଥରେ ଦେଶର ସବୁ ପିଲାଙ୍କ ସ୍କୁଲ୍‌ ପଢ଼ାଖର୍ଚ୍ଚ ଉଠାଯାଇପାରିବ ବୋଲି ଅକ୍ସଫାମ୍‌ ଇଣ୍ଟରନ୍ୟାଶନାଲ କହିଛି। ଭାରତର ସବୁଠୁ ଧନୀ ଗୌତମ ଆଦାନୀଙ୍କର ୨୦୧୭ରୁ ୨୦୨୧ ମଧ୍ୟରେ ବଢ଼ିଥିବା ସମ୍ପତ୍ତି ଉପରେ ଯଦି ଏକକାଳୀନ ଟିକସ ଲଗାଯାଏ, ତେବେ ୧.୭୯ ଲକ୍ଷ କୋଟି ଟଙ୍କା ଉଠାଯାଇପାରିବ, ଯାହା ଦେଶର ୫୦ ଲକ୍ଷରୁ ଊର୍ଦ୍ଧ୍ୱ ପ୍ରାଥମିକ ସ୍କୁଲ ଶିକ୍ଷକଙ୍କୁ ବର୍ଷେ ପର୍ଯ୍ୟନ୍ତ ନିଯୁକ୍ତି ଦେବାକୁ ଯଥେଷ୍ଟ ବୋଲି ଅକ୍ସଫାମ୍‌ ଇଣ୍ଟରନ୍ୟାଶନାଲ ପକ୍ଷରୁ କୁହାଯାଇଛି।
‘ସର୍ଭାଇଭାଲ୍‌ ଅଫ୍‌ ଦି ରିଚେଷ୍ଟ’ ନାମକ ଏହି ରିପୋର୍ଟରେ ଆହୁରି କୁହାଯାଇଛି, ଯଦି ଭାରତର ବିଲିଅନେୟାରମାନଙ୍କ ସମ୍ପୂର୍ଣ୍ଣ ସମ୍ପତ୍ତି ଉପରେ ଗୋଟିଏ ଥର ୨ ପ୍ରତିଶତ ଟିକସ ଲଗାଯାଏ, ତେବେ ଦେଶରେ ଅପପୁଷ୍ଟିର ଶିକାର ଲୋକଙ୍କୁ ଆଗାମୀ ୩ ବର୍ଷ ପର୍ଯ୍ୟନ୍ତ ପୁଷ୍ଟିସାର ଯୋଗାଇବା ଲାଗି ଆବଶ୍ୟକ ୪୦,୪୨୩ କୋଟି ଟଙ୍କା ସଂଗୃହୀତ ହୋଇପାରିବ। ସେହିପରି ଦେଶର ୧୦ ଜଣ ଅତି ଧନୀଙ୍କ ଉପରେ ଗୋଟିଏ ଥର ୫ ପ୍ରତିଶତ ଟ୍ୟାକ୍ସ ଲଗାଗଲେ ୧.୩୭ ଲକ୍ଷ କୋଟି ଟଙ୍କା ସଂଗୃହୀତ ହେବ। ଏହା ଦେଶର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଏବଂ ଆୟୁଷ ମନ୍ତ୍ରଣାଳୟର ୨୦୨୨-୨୩ ବର୍ଷ ଲାଗି ଆକଳିତ ପାଣ୍ଠିର ଦେଢ଼ଗୁଣରୁ ଅଧିକ। ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟର ଗତ ଆର୍ଥତ୍କ ବର୍ଷର ବଜେଟ ୮୬,୨୦୦ କୋଟି ଟଙ୍କା ହୋଇଥିବାବେଳେ ଆୟୁଷ ମନ୍ତ୍ରଣାଳୟର ୩,୦୫୦ କୋଟି ଟଙ୍କା।
ଭାରତରେ କେବଳ ସମ୍ପତ୍ତି ଅସମାନତାରେ ଦ୍ରୁତ ବୃଦ୍ଧି ହୋଇଛି ତାହା ନୁହେଁ, ଲିଙ୍ଗଗତ ଅସମାନତା ମଧ୍ୟ ବଢ଼ିଛି। ସମାନ କାମ ପାଇଁ ଜଣେ ପୁରୁଷ କର୍ମଚାରୀଙ୍କୁ ଯେତିକି ପାରିଶ୍ରମିକ ମିଳୁଛି, ମହିଳା କର୍ମଚାରୀ ତା’ର ୬୩ ପ୍ରତିଶତ ପାଉଛନ୍ତି ବୋଲି ରିପୋର୍ଟରେ କୁହାଯାଇଛି। ଅନୁସୂଚିତ ଜାତି ଏବଂ ଗ୍ରାମାଞ୍ଚଳ ଶ୍ରମିକମାନଙ୍କ କ୍ଷେତ୍ରରେ ଏହି ତାରତମ୍ୟ ଆହୁରି ବେଶି। ସେଠାରେ ପୁରୁଷଙ୍କ ତୁଳନାରେ ମହିଳା ଶ୍ରମିକ ୫୫ ପ୍ରତିଶତ ଆୟ କରୁଛନ୍ତି। ଅକ୍ସଫାମ୍‌ ରିପୋର୍ଟ ଅନୁଯାୟୀ କୋଭିଡ୍‌ ମହାମାରୀ ଆରମ୍ଭ ହେବାଠାରୁ ଗତବର୍ଷ ନଭେମ୍ବର ମଧ୍ୟରେ ଭାରତୀୟ ବିଲିଅନେୟାରମାନଙ୍କ ସମ୍ପତ୍ତି ୧୨୧ ପ୍ରତିଶତ ବୃଦ୍ଧି ପାଇଛି, ଅର୍ଥାତ୍‌ ଦିନକୁ ବଢ଼ିଛି ୩,୬୦୮ କୋଟି ଟଙ୍କା। ଅନ୍ୟପକ୍ଷରେ ଦେଖିବାକୁ ଗଲେ ୨୦୨୧-୨୨ ବର୍ଷରେ ସାମଗ୍ରୀ ଓ ସେବା କର (ଜିଏସ୍‌ଟି)ରୁ ଆସିଥିବା ମୋଟ ୧୪.୮୩ ଲକ୍ଷ କୋଟି ଟଙ୍କାର ୬୪ ପ୍ରତିଶତ ଦେଶର ତଳ ସ୍ତରରେ ଥିବା ୫୦ ପ୍ରତିଶତଙ୍କଠାରୁ ଆସିଛି। ୧୦ ପ୍ରତିଶତ ଶୀର୍ଷ ଧନୀଙ୍କଠାରୁ ଜିଏସ୍‌ଟି ବାବଦରେ ସଂଗୃହୀତ ଅର୍ଥ ମୋଟ ଜିଏସ୍‌ଟିର ମାତ୍ର ୩ ପ୍ରତିଶତ। ୨୦୨୦ରେ ଭାରତରେ ବିଲିଅନେୟାରଙ୍କ ସଂଖ୍ୟା ୧୦୨ ଥିବାବେଳେ ୨୦୨୨ରେ ୧୧୬କୁ ବୃଦ୍ଧି ପାଇଥିବା ଅକ୍ସଫାମ୍‌ କହିଛି।


Enter your email to get our daily news in your inbox.

All Right Reserved By Dharitri.Com

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ କଡ଼ା ଜବାବ ଦେଲା ଭାରତ

ନୂଆଦିଲ୍ଲୀ,୨୮।୩ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଅଚଳ କରାଯିବା ଘଟଣା ଉପରେ ଆମେରିକାର ମନ୍ତବ୍ୟ ଅବାଞ୍ଛିତ ବୋଲି...

ଭାରତର ଆପତ୍ତି ସତ୍ତ୍ୱେ ସୁଧୁରୁନି ଆମେରିକା, ପୁଣି କେଜ୍‌ରିଓ୍ବାଲଙ୍କ ଗିରଫକୁ ନେଇ ଏମିତି କହିଲା

ଓ୍ବାଶିଂଟନ୍‌,୨୮।୩: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିୱାଲଙ୍କ ଗିରଫଦାରୀ ଉପରେ ଆମେରିକା ପୁଣି ଥରେ ମନ୍ତବ୍ୟ ଦେଇଛି। ଭାରତ ବିରୋଧ ପ୍ରଦର୍ଶନ ସତ୍ତ୍ୱେ ଆମେରିକା ଏଥିରୁ ନିବୃତ୍ତ...

ରାଜକୁମାରୀଙ୍କୁ କ୍ୟାନସର, ତଥାପି ତୁଟୁନି ରାଜ ପରିବାର କଳି

ଲଣ୍ଡନ,୨୮।୩: ବ୍ରିଟିଶ ରାଜ ପରିବାରର ଦୁଇ ଭାଇଙ୍କ ମଧ୍ୟରେ ମତଭେଦ ବଢିବାରେ ଲାଗିଛି। ରାଜକୁମାରୀ କେଟ ମିଡଲେଟନ କ୍ୟାନସର ରୋଗ ସହ ସଂଗ୍ରାମ କରୁଛନ୍ତି। ଏହି...

୭୦ ହଜାର ସରକାରୀ କର୍ମଚାରୀଙ୍କୁ ଛଟେଇ କରିବେ ସରକାର

ନୂଆଦିଲ୍ଲୀ,୨୭।୩: ଦେଶର ଅର୍ଥନୀତିକୁ ସୁଧାରିବା ପାଇଁ ଆଗାମୀ ସମୟରେ ୭୦ ହଜାର କର୍ମଚାରୀଙ୍କୁ ଛଟେଇ କରିବେ ସରକାର। ମାର୍ଚ୍ଚ ୨୬ ରେ ଏକ କାର୍ୟ୍ୟକ୍ରମରେ ସମ୍ବୋଧନ...

ଥାଇଲାଣ୍ଡରେ ସମଲିଙ୍ଗୀ ବିବାହକୁ ମଞ୍ଜୁରୀ

ବ୍ୟାଙ୍କକ୍‌,୨୭ା୩:ଥାଇଲାଣ୍ଡ ପାର୍ଲାମେଣ୍ଟର ନିମ୍ନ ସଦନ ବୁଧବାର ସମଲିଙ୍ଗୀ ବିବାହ ସମ୍ପର୍କିତ ବିଲ୍‌କୁ ମଞ୍ଜୁରୀ ଦେଇଛି। ହାଉସ୍‌ ଅଫ୍‌ ରିପ୍ରେଜେଣ୍ଟେଟିଭ୍ସର ୪୧୫ ସଦସ୍ୟଙ୍କ ମଧ୍ୟରୁ ୪୦୦ ଜଣ...

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ ଭାରତ ଅସନ୍ତୋଷ, ଆମେରିକା କୂଟନୀତିଜ୍ଞଙ୍କୁ…

ନୂଆଦିଲ୍ଲୀ,୨7୭।୩: ଦିଲ୍ଲୀ ଏକ୍ସାଇଜ ପଲିସି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ କେଜ୍‌ରିଓ୍ବାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଗିରଫ କରିଛି। ଏହି ଖବର ଆମେରିକାରୁ ଜର୍ମାନୀ ପର୍ଯ୍ୟନ୍ତ ପହଞ୍ଚିଥିବା ବେଳେ...

ଆମେରିକାର ବ୍ରିଜ୍‌ ଭୁଶୁଡିବା ଘଟଣା: ଜାହାଜ କ୍ରୁ ମେମ୍ବରଙ୍କୁ ମିଳିଲା ହିରୋ ଆଖ୍ୟା

ଓ୍ବାଶିଂଟନ୍‌,୨୭।୩: ଆମେରିକାର ମେରିଲ୍ୟାଣ୍ଡସ୍ଥିତ ବାଲଟିମୋର ସହରରେ ଏକ ନଦୀ ଉପରେ ନିର୍ମିତ ବ୍ରିଜ୍‌ ଏକ ଜାହାଜ ସହିତ ଧକ୍କା ହେତୁ ଭୁଶୁଡି ପଡିଛି। ଏହି ଦୁର୍ଘଟଣାରେ...

ପାକିସ୍ତାନରେ ବଡ଼ ଧରଣର ଆତଙ୍କବାଦୀ ଆକ୍ରମଣ, ୫ ଚାଇନା ନାଗରିକଙ୍କ ମୃତ୍ୟୁ

ଇସଲାମାବାଦ,୨୬।୩: ପାକିସ୍ତାନରେ ମଙ୍ଗଳବାର ବଡ଼ ଆତ୍ମଘାତୀ ଆତଙ୍କବାଦୀ ଆକ୍ରମଣ ଘଟିଛି। ଖେବର୍‌ ପାଖ୍‌ତୁନ୍‌ଖ୍ବାଠାରେ ହୋଇଥିବା ଏହି ଆକ୍ରମଣରେ ୫ ଚାଇନା ନାଗରିକଙ୍କ ସମେତ ୬ଜଣଙ୍କ ମୃତ୍ୟୁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri