କିନ୍ଶାସା (କଙ୍ଗୋ),୨୦ା୫: ପୂର୍ବ କଙ୍ଗୋରେ ଇବୋଲା ଭୂତାଣୁର ଏକ ବିରଳ ପ୍ରଜାତି ଦ୍ରୁତ ବେଗରେ ବ୍ୟାପୁଥିବାରୁ ଏହାକୁ ନେଇ ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲ୍ୟୁଏଚ୍ଓ)ର ମହାନିର୍ଦ୍ଦେଶକ ଟେଡ୍ରୋସ୍ ଆଧାନୋମ୍ ଘେବ୍ରିୟେସସ୍ ମଙ୍ଗଳବାର ଚିନ୍ତାବ୍ୟକ୍ତ କରିଛନ୍ତି। ଇବୋଲା ସଂକ୍ରମଣରେ ମୃତ୍ୟୁସଂଖ୍ୟା ୧୩୧ରେ ପହଞ୍ଚତ୍ଥିବାବେଳେ ୫୦୦ରୁ ଊର୍ଦ୍ଧ୍ୱ ସଂକ୍ରମିତ ଥିବା ସନ୍ଦେହ କରାଯାଉଛି। ଇବୋଲା ସଂକ୍ରମଣରେ ପ୍ରଥମ ମୃତ୍ୟୁ ଜଣାପଡ଼ିବା ପରେ କର୍ତ୍ତୃପକ୍ଷ ଅଧିକ ସାଧାରଣ ପ୍ରକାରର ଭୂତାଣୁ ପାଇଁ ପରୀକ୍ଷା କରିଥିଲେ ଏବଂ ରିପୋର୍ଟ ନେଗେଟିଭ୍ ଆସିଥିଲା। ବୁଣ୍ଡିବିଗ୍ୟୋ ଭୂତାଣୁ ବିରଳ ପ୍ରଜାତିର ହୋଇଥିବାବେଳେ ଏହାର ପ୍ରତିକାର ପାଇଁ କୌଣସି ଅନୁମୋଦିତ ଔଷଧ କିମ୍ବା ଟିକା ନାହିଁ। ମହାମାରୀର ପରିବ୍ୟାପ୍ତି ଓ କ୍ଷିପ୍ରତାକୁ ନେଇ ଅତ୍ୟନ୍ତ ଚିନ୍ତିତ ବୋଲି ଡବ୍ଲ୍ୟୁଏଚ୍ଓ ମହାନିର୍ଦ୍ଦେଶକ ଘେବ୍ରିୟେସସ୍ କହିଛନ୍ତି।
