ନୂଆଦିଲ୍ଲୀ,୪।୪ : ଇଣ୍ଡିଆନ ପ୍ରିମିୟର ଲିଗ ୨୦୨୩ର ସପ୍ତମ ମ୍ୟାଚ୍ ଦିଲ୍ଲୀ କ୍ୟାପିଟାଲ୍ସ(ଡିସି) ଏବଂ ଗୁଜରାଟ ଟାଇଟନ୍ସ(ଜିଟିି) ମଧ୍ୟରେ ମଙ୍ଗଳବାର ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଖେଳାଯାଇଥିଲା । ମ୍ୟାଚରେ ଡିସି ବିପକ୍ଷରେ ଜିଟି ସହଜ ବିଜୟ ହାସଲ କରିଛି । ଜିଟି ଡିସିକୁ ୬ ୱିକେଟରେ ପରାଜିତ କରିଛି । ଧାର୍ଯ୍ୟ ୧୬୩ ରନ୍ ଲକ୍ଷ୍ୟର ପିଛା କରି ଜିଟି ୧୮.୧ ଓଭରରେ ୪ ୱିକେଟ ହରାଇ ଲକ୍ଷ୍ୟ ହାସଲ କରିଥିଲା ।
ଜିଟି ପକ୍ଷରୁ ରିଦ୍ଧିମାନ ଶାହା ୧୪ ରନ କରିଥିବାବେଳେ ଶୁଭମାନ ଗିଲ ୧୪, ସାଇ ସୁଧରସନ ୬୨, ବିଜୟ ଶଙ୍କର ୨୯, ଡେଭିଡ ମିଲର ୩୧ ରନ କରିଥିଲେ ।
ମ୍ୟାଚରେ ଜିଟି ଟସ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱରେ ଟିମ୍ ବୋଲିଂ କରିବାକୁ ପଡ଼ିଆକୁ ଓହ୍ଳାଇଥିଲା। ଡିସି ଟିମ୍ ଅଧିନାୟକ ହେଭିଡ ଓ୍ବାର୍ଣ୍ଣରଙ୍କ ନେତୃତ୍ୱରେ ବ୍ୟାଟିଂ କରି ଧାର୍ଯ୍ୟ ୨୦ ଓଭରରେ ୮ ଓ୍ବିକେଟ ହରାଇ ୧୬୨ ରନ କରିଥିଲା। ଫଳରେ ଜିଟି ପାଇଁ ବିଜୟ ଲକ୍ଷ୍ୟ ୧୬୩ ରନ ରହିଥିଲା ।
ଡିସି ପକ୍ଷରୁ ଡେଭିଡ ଓ୍ବାର୍ଣ୍ଣର ୪୭ ରନ କରିଥିବାବେଳେ, ସରଫରାଜ ଖାନ ୩୦ ,ଅଭିଷେକ ପୋରେଲ ୨୦ , ଅକ୍ଷର ପଟେଲ ୩୬ ରନ କରିଥିଲେ। ଅନ୍ୟ ବ୍ୟାଟ୍ସ ମ୍ୟାନମାନେ ୧୦ ରନ୍ରୁ କମ୍ କରିଥିଲେ।
