ଭୁବନେଶ୍ୱର, ୩।୪(କ୍ରୀଡ଼ା ପ୍ରତିନିଧି)-
ଦୁବାଇ ଅନ୍ତର୍ଜାତୀୟ ପାରା ବ୍ୟାଡ୍ମିଣ୍ଟନ ଟୁର୍ନାମେଣ୍ଟର ତିନୋଟି ବିଭାଗ ସେମିଫାଇନାଲରେ ପ୍ରବେଶ କରିଛନ୍ତି ଓଡ଼ିଶାର ପ୍ରମୋଦ ଭଗତ। ସିଙ୍ଗଲ୍ସ କ୍ୱାର୍ଟର ଫାଇନାଲରେ ପ୍ରମୋଦ ଇଣ୍ଡୋନେସିଆର ଉକୁନ ରୁକାଏଣ୍ଡିଙ୍କୁ ୨୧-୧୬, ୨୧-୧୩ରେ ହରାଇଛନ୍ତି। ଶନିବାର ସେମିରେ ସେ ମାଲେସିଆର ମହମ୍ମଦ ଅବଦୁଲ ମାଲେକ ହୁଜାଇରିଙ୍କୁ ଭେଟିବେ। ସେହିପରି ଦୀପ ରଞ୍ଜନଙ୍କୁ ସାଥିକରି ଡବଲ୍ସ ସେମିଫାଇନାଲରେ ପ୍ରବେଶ କରି ସାରିଥିବା ପ୍ରମୋଦ ମିକ୍ସଡ ଡବଲ୍ସ ସେମିରେ ମଧ୍ୟ ପହଞ୍ଚତ୍ଛନ୍ତି। ଶୁକ୍ରବାର କ୍ୱାର୍ଟର ଫାଇନାଲରେ ପ୍ରମୋଦ-ପଲକ କୋହଲି ଯୋଡ଼ି ଅନ୍ୟତମ ଭାରତୀୟ ଯୋଡ଼ି ମନଦୀପ କୌର ଓ ଚିରାଗ ବାରେଥାଙ୍କୁ ୨୧-୧୦, ୨୧-୧୭ରେ ପରାସ୍ତ କରିଛନ୍ତି। ଶନିବାର ସେମିଫାଇନାଲରେ ପ୍ରମୋଦ-ପଲକ ଯୋଡ଼ି ଫ୍ରାନ୍ସର ଲୁକାସ ମାଜୁର ଓ ନୋଏଲ ଫଷ୍ଟିନଙ୍କୁ ଭେଟିବେ।
