କାଠମାଣ୍ଡୁ,୨୫।୪: ନେପାଳର କାଠମାଣ୍ଡୁ ବିମାନବନ୍ଦରରୁ ଦୁବାଇକୁ ଉଡାଣ ଭରିବା ପରେ ଫ୍ଲାଏ ଦୁବାଇ ବିମାନର ଇଞ୍ଜିନରେ ନିଆଁ ଲାଗଯାଇଛି। ଫଳରେ ବିମାନଟି ଜରୁରୀ ଅବତରଣ କରିଛି। ନେପାଳର ବେସାମରିକ ବିମାନ ଚଳାଚଳ ପ୍ରାଧିକରଣ କହିଛି, ଫ୍ଲାଇ ଦୁବାଇ ବିମାନ ୫୬୭ (ବୋଇଙ୍ଗ ୭୩୭-୮୦୦) ସୁରକ୍ଷିତ ଭାବେ ଅବତରଣ କରିଛି। ଏହି ବିମାନ ବର୍ତ୍ତମାନ କାଠମାଣ୍ଡୁରୁ ଦୁବାଇ ଯିବାକୁ ପ୍ରସ୍ତୁତ ହେଉଛି।
ସୂତ୍ରରୁ ପ୍ରକାଶ, ଏହି ଫ୍ଲାଏ ଦୁବାଇ ବିମାନର ଏକ ଇଞ୍ଜିନରେ ରାତି ପ୍ରାୟ ୯ଟା ସମୟରେ ନିଆଁ ଲାଗିଯାଇଥିଲା। ଏହା ପରେ ବିମାନବନ୍ଦରରେ ଉତ୍ତେଜନା ପ୍ରକାଶ ପାଇଥିଲା ଏବଂ ଅଗ୍ନିଶମ ବିଭାଗର ଅନେକ ଗାଡି ଘଟଣାସ୍ଥଳରେ ରଖାଯାଇଥିଲା। ନିଆଁ ଲାଗିବା ପରେ ବିମାନଟି ଫେରିଆସିଥିଲା।
ନେପାଳର ପର୍ଯ୍ୟଟନ ମନ୍ତ୍ରୀ କହିଛନ୍ତି , କାଠମାଣ୍ଡୁ ବିମାନବନ୍ଦରରୁ ବିମାନ ଉଡ଼ାଣ ବେଳେ ନିଆଁ ଲାଗିଥିବା ଦୁବାଇ ବିମାନକୁ ବର୍ତ୍ତମାନ ଦୁବାଇକୁ ପଠାଯାଇଛି। ଏହି ବିମାନରେ ୧୨୦ ନେପାଳ ନାଗରିକ ଏବଂ ୪୯ ବିଦେଶୀ ନାଗରିକ ଥିଲେ।
