ଆରମ୍ଭ ହୋଇଯାଇଛି ଖରାଦିନ। ଆଉ ଏମିତିରେ ନିଜ ମେକ୍ଅପ୍ ଯେପରି ଝାଳରେ ନ ବୋହିଯାଏ ତା’କୁ ନେଇ ବଢିଯାଇଛି ମହିଳାଙ୍କ ଚିନ୍ତା। ହେଲେ ଏଥିପାଇଁ ଆଦୌ ବ୍ୟସ୍ତ ନ ହୋଇ ଏ ଦିନେ କେଉଁ ମେକ୍ଅପ୍ ଆପଣଙ୍କ
ଲାଗି ପରଫେକ୍ଟ ଜାଣି ରଖନ୍ତୁ ଟିପ୍ସ…
ଖରାଦିନେ ମେକ୍ଅପ୍ ନେବା ପୂର୍ବରୁ ପ୍ରଥମେ ମାଇଲ୍ଡ କ୍ଲିଞ୍ଜରରେ ମୁହଁ ସଫା କରିବା ସହ ଟୋନିଂ କରିବା ଗୁରୁତ୍ୱପୂର୍ଣ୍ଣ। ବିଶେଷ କରି ଅଏଲି ସ୍କିନ୍ ମହିଳା ଏଦିନେ ମେକ୍ଅପ୍ ଶୀଘ୍ର ନ ଛାଡିବା ଲାଗି ଆବ୍ଜର୍ବିଙ୍ଗ୍ ଟୋନର୍ ବ୍ୟବହାର କରିବା ଭଲ। ଆପଣ ଚାହିଁଲେ ଅମୃତଭଣ୍ଡା, କାକୁଡି, ଟମାଟୋ ରସକୁ ବି ବ୍ୟବହାର କରି ପ୍ରାକୃତିକ ଉପାୟରେ ଟୋନିଂ କରିପାରିବେ।
ଏହାପରେ ଅଏଲି ସ୍କିନ୍କୁ ଛାଡି ଡ୍ରାଏ ସ୍କିନ୍ରେ ଏସ୍ପିଏଫ୍ ୧୫ ଯୁକ୍ତ ମଶ୍ଚରାଇଜର୍ ବ୍ୟବହାର କରନ୍ତୁ। ଅଏଲି ତ୍ୱଚାରେ ଲଗାନ୍ତୁ ନାହିଁ। ଆପଣ ଚାହିଁଲେ କେବଳ ଆଖି ତଳେ ମଶ୍ଚରାଇଜର୍ ବ୍ୟବହାର କରିପାରିବେ।
ଏଦିନେ ମୋଟା ଲେୟାର୍ରେ ଫାଉଣ୍ଡେଶନ୍ ଲଗାଇଲେ ଝାଳରେ ବୋହିଯିବା ସହ ପ୍ୟାଚେସ୍ ଭଳି ଦେଖାଯାଏ। ତେଣୁ ପତଳା ଲେୟାରର ହାଇଲି ପିଗ୍ମେଣ୍ଟେଡ୍, ଓ୍ବାଟରପ୍ରୁଫ୍ ଜେଲ୍ ବେସ୍ ଫାଉଣ୍ଡେଶନ ଲଗାନ୍ତୁ।
ଆଖି ଏବଂ ଓଠ ବିନା ସବୁ ମେକ୍ଅପ୍ ଅଧୁରା। ହେଲେ ଖରାଦିନେ ଆଇ ଲାଇନର, ମସ୍କରା, କାଜଲ ଆଦି ଝାଳରେ ବୋହିଯିବା କାରଣରୁ ମୁହଁର ସୌନ୍ଦର୍ଯ୍ୟ ଖରାପ ହୋଇଯାଏ। ତେଣୁ ଲାଇଟ୍ ଓ୍ବାଟରପ୍ରୁଫ୍ ବା ସ୍ମଜ୍ପ୍ରୁଫ୍ କାଜଲ୍, ଲାଇନର୍ ଏବଂ ମସ୍କରା ବ୍ୟବହାର କରନ୍ତୁ। ଏଦିନେ ନିଜ ଆଇ ମେକ୍ଅପ୍କୁ ଲାଇଟ୍ ରଖିବାକୁ ଚେଷ୍ଟା କରନ୍ତୁ। ଲାବେଣ୍ଡର, କୋରାଲ ପିଙ୍କ୍ ଭଳି ଆଇସ୍ୟାଡୋ ବ୍ୟବହାର କରନ୍ତୁ। ଏହା ଝାଳ ଲାଗି ବୋଳି ହେଲେ ବି ମେକ୍ଅପ୍ ଖରାପ ଲାଗି ନ ଥାଏ। ସେହିପରି ଲିପ୍ଷ୍ଟିକ୍ ମଧ୍ୟ ଓ୍ବାଟରପ୍ରୁଫ୍ ହିଁ ବାଛନ୍ତୁ।
