ବି.ଟେକ୍‌ ଡିଗ୍ରୀଧାରୀଙ୍କ ନିଶା କାରବାର

ଜଗତ୍‌ସିଂହପୁର ଅଫିସ,୨୧। ୧୧: ଜଗତ୍‌ସିଂହପୁର ଜିଲାରେ ବ୍ରାଉନସୁଗାର କାରବାର ଚଳାଇଥିବା ଜଣେ ଉଚ୍ଚଶିକ୍ଷିତ ଯୁବକଙ୍କୁ ଗିରଫ କରାଯାଇଛି। ସେ ହେଲେ ପ୍ରଭାତ ରଞ୍ଜନ ମହାପାତ୍ର (୨୯), ଯିଏକି ଜଣେ ବି.ଟେକ୍‌ ଡିଗ୍ରୀଧାରୀ। ଜଗତ୍‌ସିଂହପୁର ଅବକାରୀ ଥାନା ଓ ସ୍ଥାନୀୟ ପୋଲିସ ପକ୍ଷରୁ ମିଳିତ ଭାବେ ଶୁକ୍ରବାର ସକାଳେ ତର୍ତ୍ତଙ୍ଗ ତୋଟାପଡ଼ାରେ ଚଢାଉ କରାଯାଇ ତାଙ୍କୁ କାବୁ କରାଯାଇଥିଲା। ତାଙ୍କ ନିକଟରୁ ୩୦୦ ଗ୍ରାମ ବ୍ରାଉନସୁଗାର ଜବତ ହୋଇଛି, ଯାହାର ଆନୁମାନିକ ମୂଲ୍ୟ ୩୦ ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଛି। ଏଥିସହ ଏକ ରେସିଂ ବାଇକ୍‌ (ନଂ. ଓଡି ୩୩ ଭି ୪୪୪୩) ଓ ପିସ୍ତଲ ଜବତ କରାଯାଇଛି। ଜଗତ୍‌ସିଂହପୁର ଅବକାରୀ ଥାନା ଓଆଇସି ସସ୍ମିତା ହୋତାଙ୍କ ଅଭିଯୋଗକ୍ରମେ ମାମଲା (ନଂ.୬୪/୨୦) ରୁଜୁ କରାଯିବା ସହ ପ୍ରଭାତଙ୍କୁ କୋର୍ଟଚାଲାଣ କରାଯାଇଛି। ପ୍ରଭାତଙ୍କ କାରବାରର ଚେର କେଉଁ ପର୍ଯ୍ୟନ୍ତ ଲମ୍ବିଛି ଏବଂ କେଉଁମାନେ ସେଥିରେ ସମ୍ପୃକ୍ତ ଅଛନ୍ତି, ତାହାର ତଦନ୍ତ ଚାଲିଥିବା ଡେପୁଟୀ ସୁପରିଣ୍ଟେଣ୍ଡେଣ୍ଟ ବୈଜୟନ୍ତୀ ପଣ୍ଡା ସୂଚନା ଦେଇଛନ୍ତି।
ଯୋଜନାବଦ୍ଧ ଭାବେ ପ୍ରାୟ ୨୦ ଜଣ ଅବକାରୀ ଓ ପୋଲିସ କର୍ମଚାରୀ ୩ଟି କାରରେ ମହାପାତ୍ରଙ୍କ ଘର ଉପରେ ଚଢାଉ କରିଥିଲେ। ପ୍ରଭାତ ବ୍ରାଉନ୍‌ସୁଗାର ପ୍ୟାକେଟ୍‌କୁ ପ୍ୟାଣ୍ଟ ପକେଟ୍‌ରେ ପୂରାଇ ରେସିଂ ବାଇକ୍‌ରେ ଖସିଯିବାକୁ ଚେଷ୍ଟା କରିଥିଲେ ମଧ୍ୟ ସକ୍ଷମ ହୋଇ ନ ଥିଲେ। ତାଙ୍କୁ କାବୁ କରି ଜେରା କରାଯିବା ପରେ ଅନେକ କଥା ପଦାକୁ ଆସିଥିଲା। ପ୍ରଭାତ ଭୁବନେଶ୍ୱରର ଏକ ବେସରକାରୀ ଇଞ୍ଜିନିୟରିଂ କଲେଜରୁ ବି.ଟେକ୍‌ ପାସ୍‌ କରି ରସୁଲଗଡ଼ରେ ଭଡ଼ାରେ ରହୁଥିଲେ। ସେଠାରେ ୧୦/୧୫ ଜଣ ସାଙ୍ଗଙ୍କ ସହ ମିଶି ବ୍ରାଉନସୁଗାର ସେବନ କରୁଥିଲେ। ଭୁବନେଶ୍ୱରରେ ଅଧିକ ଦାମ ଯୋଗୁ ସେ ଖୋର୍ଦ୍ଧାରୁ କିଣିବା ଆରମ୍ଭ କରିଥିଲେ। ଫଳରେ ସେ ନିଜେ ବ୍ରାଉନସୁଗାର କାରବାର କରିବାକୁ ମନ ବଳାଇଥିଲେ। ଏ ଦିଗରେ ଅର୍ଥାଭାବ ତାଙ୍କୁ ପ୍ରୋତ୍ସାହନ ଦେଇଥିଲା। ତାଙ୍କୁ ସହଯୋଗ କରିଥିଲେ ଖୋର୍ଦ୍ଧା ଗୁରୁଜଙ୍ଗର ଜଣେ ବ୍ୟକ୍ତି (ପଟ୍ଟନାୟକ)। ୨୦୧୯ରୁ ପ୍ରଭାତ ଖୋର୍ଦ୍ଧାରୁ ବ୍ରାଉନସୁଗାର କିଣି ଆଣି ବିକିବା ଆରମ୍ଭ କରିଥିଲେ। ନିକଟରେ ତାଙ୍କ ବାପାଙ୍କ ଦେହାନ୍ତ ହୋଇଯିବାରୁୁ ସେ ବାଧ୍ୟ ହୋଇ ଗାଁକୁ ଫେରିଥିଲେ। କିନ୍ତୁ ବ୍ରାଉନସୁଗାର କାରବାର ଜାରି ରଖିଥିଲେ। ଖୋର୍ଦ୍ଧାରୁ ଜଗତ୍‌ସିଂହପୁରରେ ବ୍ରାଉନସୁଗାର ପହଞ୍ଚାଇବା ପାଇଁ କଟକ ବକ୍ସିବଜାରର ଜାହାଙ୍ଗିର ଦାୟିତ୍ୱ ନେଇଥିଲେ। ଜାହାଙ୍ଗିର ଜଣେ ଆଗଧାଡ଼ିର ନିଶା ବେପାରୀ ବୋଲି ତଦନ୍ତରୁ ଜଣାପଡ଼ିଛି। ସେହିପରି ଖୋର୍ଦ୍ଧାର କାକା ନାମକ ଜଣେ ବ୍ୟକ୍ତି ମଧ୍ୟ ବିଭିନ୍ନ ଜିଲାକୁ ବ୍ରାଉନସୁଗାର ବିକ୍ରି କରୁଥିବା ଜଣାପଡ଼ିଛି।
ଅବକାରୀ ବିଭାଗର ସୂଚନାନୁଯାୟୀ, ପ୍ରଭାତଙ୍କ ନାମରେ ୨୦୧୯ରେ ଭୁବନେଶ୍ୱର ମଞ୍ଚେଶ୍ୱର ଥାନାରେ ମାମଲା ରହିଛି। ସେହିପରି ଅନ୍ୟ କେଉଁ ଥାନା ଅଞ୍ଚଳରେ ମାମଲା ରହିଛି, ତାହାର ଯାଞ୍ଚ ଚାଲିଛି। ପ୍ରଭାତ ୧୨ ବର୍ଷ ତଳେ ନିଶା ଅଭ୍ୟାସରେ ପଡ଼ିଥିଲେ। ୧୭ ବର୍ଷ ବୟସରେ ସେ ମର୍ଫିନ୍‌ (ନିଶା) ଇଞ୍ଜେକ୍ସନ ନେଉଥିଲେ। ସେତେବେଳେ ଏହା ଜଗତ୍‌ସିଂହପୁରରେ ମିଳିବା କଷ୍ଟକର ଥିଲା। ତେଣୁ କଟକ, ଭୁବନେଶ୍ୱର ଯାଇ କିଣୁଥିଲେ। ସ୍ଥାନୀୟ ଏସ୍‌ଭିଏମ୍‌ କଲେଜରେ ଯୁକ୍ତ୨ ପଢ଼ିଲାବେଳେ ସେ ଜଣେ ଭଲ ଛାତ୍ର ଥିଲେ। ଏପରି କି ଏନ୍‌ସିସିରେ ସି ସାର୍ଟିଫିକେଟ୍‌ ପାଇଥିଲେ। ପାଠପଢ଼ା ପରେ ସେ ଭୁବନେଶ୍ୱରର ଏକ ଗାଡି ଶୋରୁମ୍‌ର ବ୍ୟବସାୟ ପରିଚାଳକ ଭାବେ କାମ କରିଥିଲେ। କିନ୍ତୁ ନିଶା କବଳରୁ ମୁକ୍ତ ହୋଇପାରି ନ ଥିଲେ। ଏବେ ସେ ଦୈନିକ ୨ ଗ୍ରାମ୍‌ (ଯାହାର ଆନୁମାନିକ ମୂଲ୍ୟ ୫,୬୦୦ ଟଙ୍କା) ବ୍ରାଉନସୁଗାର ସେବନ କରୁଥିବା ନେଇ ଜେରାବେଳେ କହିଥିବା ଅବକାରୀ ଥାନା ପକ୍ଷରୁ କୁହାଯାଇଛି।


Enter your email to get our daily news in your inbox.

All Right Reserved By Dharitri.Com

କିରୋସିନ ଆବଣ୍ଟନରେ ଠକାମୀ: ପ୍ରତିବାଦରେ କଣ୍ଟାପଡ଼ା ବ୍ଲକ ସମ୍ମୁଖରେ ଧାରଣା

କଣ୍ଟାପଡ଼ା, ୨।୬(ଡି.ଏନ୍‌.ଏ.): କରୋନା ମହାମାରୀ ଓ ଲକ୍‌ଡାଉନ ଯୋଗୁ ଗରିବ ତଥା ଦିନମଜୁରିଆ ଦୁଃଖକଷ୍ଟରେ ଜୀବନ ବିତାଉଛନ୍ତି। ତେବେ ରାସନ କାର୍ଡଧାରୀଙ୍କ ପାଇଁ ସରକାର କମ୍‌...

ନିର୍ବାଚନ ପରବର୍ତ୍ତୀ ହିଂସା: କାର୍‌ ଜାଳିଦେଲେ ଦୁର୍ବୃତ୍ତ

ଖୋର୍ଦ୍ଧା ଅଫିସ,୪ା୩: ଖୋର୍ଦ୍ଧା ବ୍ଲକ କାଇପଦର ଗ୍ରାମରେ ନିର୍ବାଚନ ପରବର୍ତ୍ତୀ ହିଂସା ଦେଖିବାକୁ ମିଳିଛି। ବିଜୟୀ ସରପଞ୍ଚଙ୍କ ସମ୍ପର୍କୀୟ ମାନସ ରଞ୍ଜନ ରାଉତରାୟଙ୍କ କାର୍‌ରେ ବୁଧବାର...

ମାଓବାଦୀ କମାଣ୍ଡରରୁ ବିଧାୟିକା

ମାଲକାନଗିରି,୨୯ା୫: ଦିନ ଥିଲା ମାଓବାଦୀ ସଙ୍ଗଠନର ସେ ନେତୃତ୍ୱ ନେଉଥିଲେ। ତାଙ୍କ ନିର୍ଦ୍ଦେଶରେ ପରିଚାଳିତ ହେଉଥିଲେ ସମସ୍ତେ। ଯେକୌଣସି ସ୍ଥାନରେ ପୋଲିସ ଉପରକୁ ଆକ୍ରମଣ ହେଉ...

ଫିରିଙ୍ଗିଆ ବିଡିଓଙ୍କ ସ୍ତ୍ରୀଙ୍କ ଆତ୍ମହତ୍ୟା

ଫୁଲବାଣୀ ଅଫିସ, ୫ା୧୧- କନ୍ଧମାଳ ଜିଲା ଫିରିଙ୍ଗିଆ ବିଡିଓ ରଶ୍ମୀରଞ୍ଜନ ମହନ୍ତଙ୍କ ସ୍ତ୍ରୀ ସରିତା ସାମଲ(୩୧)ବୁଧବାର ରାତିରେ ଆତ୍ମହତ୍ୟା କରିଛନ୍ତି। ଆତ୍ମହତ୍ୟାର କାରଣ ଅସ୍ପଷ୍ଟ ରହିଥିବାବେଳେ...

ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ନ୍ୟୁ ଇଣ୍ଡିଆ ଆସ୍ୟୁରାନ୍ସ ଦେଲା ୩ କୋଟି

ଭୁବନେଶ୍ୱର,୮ା୮: ନ୍ୟୁ ଇଣ୍ଡିଆ ଆସ୍ୟୁରାନ୍ସ କମ୍ପାନୀ ପକ୍ଷରୁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୩ କୋଟି ଟଙ୍କାର ସହାୟତା ରାଶି ପ୍ରଦାନ କରାଯାଇଛି। କମ୍ପାନୀର ଅଧ୍ୟକ୍ଷ ତଥା...

କୁଟୁରା ମାଂସ ସହ ବନ୍ଧୁକ ଜବତ, ୨ ଗିରଫ

ଆଠମଲ୍ଲିକ, ୧୫ା୪(ଡି.ଏନ.ଏ.)- ଅନୁଗୋଳ ଜିଲା ଆଠମଲ୍ଲିକ ବନବିଭାଗ ପକ୍ଷରୁ ବୁଧବାର ଚଢ଼ାଉ କରାଯାଇ ଶିକାର କୁଟୁରା ମାଂସ ଜବତ ସହ ୨ ଜଣଙ୍କୁ ଗିରଫ କରାଯାଇଛି।...

ଶାସକ ସଭ୍ୟଙ୍କ ଅଭିଯୋଗ: ଡିଏମ୍‌ଏଫ୍‌ ପାଣ୍ଠି ଅନ୍ୟ ଅଞ୍ଚଳରେ ଖର୍ଚ୍ଚ ହେଉଛି

ଭୁବନେଶ୍ୱର,୨୮।୧୧(ବ୍ୟୁରୋ): ଡିଷ୍ଟ୍ରିକ୍ଟ ମିନେରାଲ ଫଣ୍ଡ(ଡିଏମ୍‌ଏଫ୍‌) ଟଙ୍କା ଖଣି ପ୍ରଭାବିତ ଅଞ୍ଚଳରେ ଖର୍ଚ୍ଚ ହେଉନାହିଁ। ଜିଲାପାଳମାନେ ମନଇଚ୍ଛା ଏହି ଅର୍ଥ ଖର୍ଚ୍ଚ କରୁଛନ୍ତି। ଏଥିଯୋଗୁ ପ୍ରଭାବିତ ଅଞ୍ଚଳର...

ହାତୀ ପାଇଁ ରାତି ଅନିଦ୍ରା ଗ୍ରାମବାସୀ

ଚମ୍ପୁଆ,୨୫ା୭(ଡି.ଏନ.ଏ.)-ଚମ୍ପୁଆ ରେଞ୍ଜରେ ହାତୀ ଉପଦ୍ରବ ଦିନକୁ ଦିନ ବଢି ଚାଲିଥିବା ବେଳେ ବନ ବିଭାଗର ନାଚର ପଣିଆ ଗ୍ରାମବାସୀଙ୍କୁ ରାତ୍ରୀ ଅନିଦ୍ରା ହେବାକୁ ବାଧ୍ୟ କରୁଛି।...

Advertisement
Archives

Model This Week