ଭୁବନେଶ୍ୱର,୨୫।୧(ବ୍ୟୁରୋ): ରାସ୍ତା କଡ଼ରୁ ୧୦ ଲକ୍ଷ ଟଙ୍କାର ମୋବାଇଲ ଫୋନ ଏବଂ ଆସୋସରିଜ ପାଇ ଫେରାଇଦେଲେ ଡ୍ରାଇଭର।
ସୂଚନାଯୋଗ୍ୟ, ଗତ ୨୧ ତାରିଖରେ ଏକ୍ସପ୍ରେସ୍ କୋରିୟର ନାମକ ଏକ ସଂସ୍ଥା ବଲାଙ୍ଗୀରର ଏକ ଡିଷ୍ଟ୍ରିବ୍ୟୁଟର ପାଖକୁ ବସ୍ ଯୋଗେ ୧୧ଟି ପେଟି ମୋବାଇଲ ପଠାଇଥିଲେ । ହେଲେ ଏହି ପେଟି ଦଶପଲ୍ଲା ଆଗକୁ ବାଣୀଗୋଛା ଘାଟି ଉପରେ ଖସି ପଡିଥିଲା। ତେବେ ନବରଙ୍ଗପୁରରୁ ଭୁବନେଶ୍ୱର ଆସୁଥିବା ଏକ ଘରୋଇ ବସ୍ର ଦୁଇ ଜଣ ଚାଳକ କାର୍ତ୍ତୀକ ବରାଡ଼ ଏବଂ ପ୍ରୀତିରଞ୍ଜନ ପ୍ରଧାନ ରାସ୍ତାରେ ପେଟି ପଡ଼ିଥିବା ଦେଖି ଥିଲେ । ପେଟି ଖୋଲିଲା ବେଳକୁ ସେଥିରେ ସିଲ୍ ଖୋଲା ହୋଇ ନ ଥିବା ବ୍ରାଣ୍ଡେଡ଼ ମୋବାଇଲ ଫୋନ ଥିବା ଦେଖିବାକୁ ପାଇଥିଲେ । ଉଭୟ କାର୍ତ୍ତିକ ଏବଂ ପ୍ରୀତି ଘଟଣା ସମ୍ପର୍କରେ ବସ୍ ମାଲିକଙ୍କୁ କହିଥିଲେ । ବସ୍ ମାଲିକ ସମ୍ପୃକ୍ତ କୋରିୟର ସଂସ୍ଥାର କର୍ମକର୍ତ୍ତାଙ୍କ ସହ କଥା ହୋଇ ୧୦ ଲକ୍ଷ ଟଙ୍କାର ସ୍ମାର୍ଟ ଫୋନ ଏବଂ ବିଭିନ୍ନ ଜିନିଷ ଫେରାଇ ଦେଇଛନ୍ତି ।
