ୱାଶିଂଟନ,୧୪ ।୧୧: ଆମେରିକା ରାଷ୍ଟ୍ରପତି ନିର୍ବାଚନର ଫଳାଫଳ ଆସିବା ପରେ ପ୍ରଥମଥର ପାଇଁ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ର୍ମ୍ପ ସାମ୍ନାକୁ ଆସିଛନ୍ତି । ଏକ ଉଦ୍ବୋଧନରେ ଟ୍ରମ୍ପ କହିଛନ୍ତି ଆସନ୍ତା ବର୍ଷ ଏପ୍ରିଲ ସୁଦ୍ଧା ଆମେରିକାକୁ କରୋନା ଟିକା ମିଳିଯିବ । ଔଷଧ କମ୍ପାନୀ ଫାଇଜରର ଭ୍ୟାକ୍ସିନକୁ ନେଇ ଅପ୍ଡେଟ ଦେବା ସମୟରେ ସେ ଏହା କହିଛନ୍ତି । ପ୍ରଥମେ ଏହି କରୋନା ଟିକା ଫ୍ରଣ୍ଟ ଲାଇନ ୱାରିୟର୍ସ, ବରିଷ୍ଠ ନାଗରିକ ଓ ଅଧିକ ପ୍ରଭାବିତ ଅଞ୍ଚଳର ଲୋକଙ୍କୁ ଦିଆଯିବ । ତେବେ ଏହା ସମସ୍ତଙ୍କୁ ମାଗଣାରେ ଯୋଗାଇ ଦି÷ଆଯିବ ବୋଲି ମଧ୍ୟ ଟ୍ରମ୍ପ ସୂଚନା ଦେଇଛନ୍ତି । ସୂଚନାଯୋଗ୍ୟ, ରାଷ୍ଟ୍ରପତି ନିର୍ବାଚନ ଫଳାଫଳକୁ ନେଇ ସନ୍ତୁଷ୍ଟ ନ ଥିବା ଟ୍ରମ୍ପ ପ୍ରଥମଥର ଲାଗି ଉଦ୍ବୋଧନ ଦେଇଛନ୍ତି । କରୋନା ମୁକାବିଲାରେ ବିଫଳ ବୋଲି କୁହାଯାଉଥିବା ଟ୍ରମ୍ପ କିନ୍ତୁ ପ୍ରଥମେ କରୋନା ସମ୍ପର୍କରେ ଦେଇଥିବା ଏହି ଉଦ୍ବୋଧନ ଏବେ ଚର୍ଚ୍ଚାର ବିଷୟ ପାଲଟିଛି ।
