ଓ୍ବାଶିଂଟନ,୫।୧୧: ଆମେରିକାରେ ରାଷ୍ଟ୍ରପତି ନିର୍ବାଚନ ଫଳାଫଳ ନେଇ ନାନା କଳ୍ପନା ଜଳ୍ପନା ଜାରି ରହିଛି। ଏପରିସ୍ଥଳେ ଏଠାକାର ସହରରେ ମେୟର ନିର୍ବାଚନ ମଧ୍ୟ କରାଯାଇଛି। କେଣ୍ଟୁକି ସହରରେ ମେୟର ଭାବେ ଏକ କୁକୁରକୁ ନିର୍ବାଚିତ କରାଯାଇଛି। ଏହି କୁକୁର ନାମ ଓ୍ବିଲବର ବିଷ୍ଟ୍। ଓ୍ବିଲବର ଏକ ଫ୍ରେଞ୍ଚ୍ ବୁଲ୍ଡଗ୍। ମୋଟ ୨୨ ହଜାର ୯୮୫ ଭୋଟ୍ ମଧ୍ୟରୁ ଓ୍ବିଲବର ୧୩ ହଜାର ୧୪୩ଟି ଭୋଟ ପାଇ ବିଜୟୀ ହୋଇଥିବା ନେଇ ସ୍ଥାନୀୟ ରାବିଟ୍ ହାଶ ସୋସାଇଟି ପକ୍ଷରୁ ସୂଚନା ଦିଆଯାଇଛି। ଦ୍ୱିତୀୟ ସ୍ଥାନରେ ଜ୍ୟାକ୍ ରାବିଟ୍ ଥିବାବେଳେ ତୃତୀୟ ସ୍ଥାନରେ ଗୋଲଡେନ୍ ରିଟ୍ରିଭର ପପି ରହିଥିବା ସୋସାଇଟି ପକ୍ଷରୁ କୁହାଯାଇଛି। ୧୨ ବର୍ଷିୟ ବର୍ଡର କୋଲି ଲେଡି ଷ୍ଟୋନ୍ ସହରର ଆମ୍ବାସଡ଼ର ଭାବେ ନିଜର ସ୍ଥାନ ବଜାୟ ରଖିଥିବା ସୋସାଇଟିର ଫେସ୍ବୁକ୍ ଆକାଉଣ୍ଟ୍ରେ ସୂଚନା ଦିଆଯାଇଛି। ଓହିଓ ନଦୀ କୂଳରେ ବାସ କରୁଥିବା ରାବିଟ୍ ହାଶ ସମ୍ପ୍ରଦାୟରେ ୧୯୯୦ଠାରୁ ମେୟର ଭାବେ କୁକୁରକୁ ନିର୍ବାଚିତ କରିଆସୁଛନ୍ତି।
