ଯେତେବେଳେ ଆମେ କିଛି ଜିନିଷ କିଣୁ ଏହା ଅତ୍ୟନ୍ତ ସୂକ୍ଷ୍ମ ଏବଂ ବହୁତ ଭଲ ଭାବରେ ପ୍ୟାକ୍ ହୋଇଥାଏ। ଗ୍ଲାସ ବ୍ୟତୀତ ଚାଇନା ମାଟିର ବାସନ ହେଉ କିମ୍ବା ଅନ୍ୟ କୌଣସି ସୂକ୍ଷ୍ମ ସାମଗ୍ରୀ ହେଉ ଏହି ଜିନିଷଗୁଡ଼ିକ ପ୍ରାୟତଃ ବବଲ୍ ର଼୍ୟାପ୍ରେ ପ୍ୟାକିଂ ହୋଇଥାଏ। ଏହି ସାମଗ୍ରୀଗୁଡ଼ିକ ବବଲ୍ ର଼୍ୟାପ୍ରେ ବହୁତ ସୁରକ୍ଷିତ। ଏହା ଭିତରେ ଜିନିଷ ଭାଙ୍ଗିବାର କମ୍ ଆଶଙ୍କା ରହିଛି। ଏଭଳି ପରିସ୍ଥିତିରେ ବକ୍ସରେ ରଖିବା ପୂର୍ବରୁ ଟିଭି ଏବଂ ଫ୍ରିଜ୍ ପରି ମହଙ୍ଗା ଜିନିଷ ମଧ୍ୟ ବବଲ୍ ର଼୍ୟାପ୍ରେ ଗୁଡ଼ାଯାଇଥାଏ। ପ୍ଲାଷ୍ଟିକ ହେତୁ ଏହି ସାମଗ୍ରୀଗୁଡ଼ିକ ସ୍କ୍ରାଚ ହୋଇ ନ ଥାଏ। କିନ୍ତୁ ସାମଗ୍ରୀ ପ୍ୟାକ୍ ଖୋଲା ହେବା ମାତ୍ରେ ପିଲାଠୁ ବୟସ୍କ ଯାଏ ମଧ୍ୟ ଏହି ବବଲ୍ଗୁଡ଼ିକୁ ଫଟାଇବା ପାଇଁ ଆଗ୍ରହ ପ୍ରକାଶ କରିଥାନ୍ତି।
ଆପଣ କେବେ ଭାବିଛନ୍ତି କି ଏହି ବବଲ୍ଗୁଡ଼ିକୁ ଦେଖିବା ପରେ ଫୁଟାଇବା ପାଇଁ କାହିଁକି ମନ ଚାହେଁ। ତେବେ ଏହାର କାରଣ ମନୋବିଜ୍ଞାନ ସହିତ ଜଡ଼ିତ। ତେଣୁ ଜଣେ ବ୍ୟକ୍ତି ବବଲ୍ଗୁଡ଼ିକୁ ଦେଖିବା ମାତ୍ରେ ହାତରେ ଧରି ଫୁଟାଇବା ପାଇଁ ଇଚ୍ଛା ହୁଏ। ସମସ୍ତ ବବଲ୍ ନ ଫାଟିବା ପର୍ଯ୍ୟନ୍ତ ମନ ଶାନ୍ତି ହୁଏ ନାହିଁ।
ବାସ୍ତବରେ ଆଜିର ଜୀବନଶୈଳୀରେ ଅଧିକାଂଶ ଲୋକ ଉଦାସୀନତା ତଥା ଚାପରେ ରହୁଛନ୍ତି। ମନୋବିଜ୍ଞାନ ଅନୁଯାୟୀ, ଯେତେବେଳେ ଜଣେ ବ୍ୟକ୍ତି ଚାପରେ ଥାଆନ୍ତି, ସେତେବେଳେ ସେ ଛୋଟ ସ୍ପଞ୍ଜି ଜିନିଷ ଧରି ଅନେକ ଆରାମ ପାଇଥା’ନ୍ତି। ସେଥିପାଇଁ ଚାପ ପାଇଁ ଛୋଟ ସ୍ପଞ୍ଜ ବଲ୍ ତିଆରି କରାଯାଇଛି। ସେଗୁଡିକୁ ଫୁଟାଇ ମନ ଆନନ୍ଦ ହୋଇଥାଏ। ସେହିପରି ବବ୍ଲ ଫୁଟାଇ ବି ଲୋକେ ଆନନ୍ଦ ପାଇଥାନ୍ତି।
ବବଲ୍ ର଼୍ୟାପ୍ ଫୁଟାଇବା ସମୟରେ ବ୍ୟକ୍ତିର ଧ୍ୟାନ ଅଲଗା କେଉଁଆଡ଼େ ଯାଏ ନାହିଁ। କିଛି ସମୟ ପାଇଁ ମନରେ ଏକାଗ୍ରତା ଆସିଥାଏ। ଜୀବନର ସମସ୍ତ ଟେନ୍ସନ୍ ଭୁଲି ବବଲ୍ ଫୁଟାଇବାରେ ବ୍ୟସ୍ତ ରହିଥାନ୍ତି। ତେଣୁ ବୟସ ଯେତେ ବଢ଼ିଲେ ବି ବବଲ୍ ଫୁଟାଇ ଲୋକେ ମାନସିକ ଶାନ୍ତି ପାଇଥାନ୍ତି।
