ଗର୍ଭାବସ୍ଥାରେ ଖାଦ୍ୟପେୟରେ ସମ୍ପୂର୍ଣ୍ଣ ଧ୍ୟାନ ରଖିବାକୁ ହୋଇଥାଏ। ଏ ସମୟରେ ସାମାନ୍ୟ ଅବହେଳା ବି ଗର୍ଭସ୍ଥ ଶିଶୁ ଉପରେ ଖରାପ ପ୍ରଭାବ ପକାଇଥାଏ। ତେଣୁ ଏହି ସମୟରେ କେଉଁ ଖାଦ୍ୟ ସବୁ ଖାଇବା ଉଚିତ ନୁହେଁ ସେ ସମ୍ପର୍କରେ ଜାଣି ରଖନ୍ତୁ…
ସେଲ ଫିସ୍- ଗର୍ଭବତୀମାନେ କଦାପି ହେଲେ ସେଲ୍ଫିସ୍ ଖାଇବା ଉଚିତ ନୁହେଁ। ଏହି ମାଛ ଖାଇଲେ ବିଭିନ୍ନ ପ୍ରକାରର ବ୍ୟାକ୍ଟେରିଆଜନିତ ସଂକ୍ରମଣ ହୋଇଥାଏ। ତେଣୁ ଗର୍ଭସ୍ଥ ଶିଶୁର ଇନଫେକ୍ସନ୍ ହେବାର ସମ୍ଭାବନା ରହିଥାଏ।
ପ୍ରୋସେସ୍ଡ ମିଟ୍- ଗର୍ଭବତୀଙ୍କ ପାଇଁ ପ୍ରୋସେସ୍ଡ ମିଟ୍ ବି ଖାଇବା ଉଚିତ ନୁହେଁ। ଏହାକୁ ଖାଇବା ଫଳରେ ଟେକ୍ସୋପ୍ଲାଜମା, ଲିଷ୍ଟେରିଆ ଏବଂ ସେଲ୍ମୋଲେନା ଭଳି ବିଭିନ୍ନ ପ୍ରକାରର ବ୍ୟାକ୍ଟେରିଆଲ ଇନ୍ଫେକସନ୍ ହୋଇଥାଏ। ତେଣୁ ପେଟିସ୍ କିମ୍ବା ବର୍ଗରରେ ଥିବା ମାଂସ କିମ୍ବା ଅଧା ସିଝା ମାଂସ ଖାଆନ୍ତୁ ନାହିଁ।
କଞ୍ଚା ଅଣ୍ଡା- ଗର୍ଭବତୀମାନେ କଞ୍ଚା ଅଣ୍ଡା ଖାଇଲେ ବିଭିନ୍ନ ପ୍ରକାରର ଇନ୍ଫେକସନ୍ ସହିତ ଜ୍ୱର, ବାନ୍ତି ଆଦି ବହୁ ସମସ୍ୟା ଦେଖାଦେଇଥାଏ। ବଜାରରେ ମିଳୁଥିବା ବିଭିନ୍ନ ଖାଦ୍ୟରେ କଞ୍ଚା ଅଣ୍ଡା ମିଶା ଯାଇଥାଏ, ସେସବୁ ଖାଆନ୍ତୁ ନାହିଁ।
କଫି- ଗର୍ଭାବସ୍ଥାରେ ଖୁବ୍ କମ୍ ମାତ୍ରାରେ କଫି ପିଇବା ଉଚିତ। କାରଣ ଏହା ଖୁବ୍ଶୀଘ୍ର ରକ୍ତରେ ମିଶି ପ୍ଲେସେଣ୍ଟାରେ ପହଞ୍ଚି ଯାଇଥାଏ। ତେଣୁ ଶିଶୁର ବିକାଶ ହୋଇ ନ ଥାଏ।
କଞ୍ଚା ସ୍ପ୍ରାଉଟ୍- ସ୍ପ୍ରାଉଟ୍ ଖାଇବା ଶରୀର ପାଇଁ ଭଲ କିନ୍ତୁ ଗର୍ଭବତୀଙ୍କ ପାଇଁ ଏହା ଆଦୌ ଭଲ ନୁହେଁ। ଗଜା ମୁଗ କିମ୍ବା ଅନ୍ୟ କୌଣସି କଞ୍ଚା ସ୍ପ୍ରାଉଟ୍ ଖାଇବା ଫଳରେ ବ୍ୟାକ୍ଟେରିଆ ସୃଷ୍ଚି ହେବାର ସମ୍ଭାବନା ରହିଥାଏ। ତେଣୁ ସେସବୁକୁ ସିଝାଇ ଖାଆନ୍ତୁ।
ଅନ୍ପାଶ୍ଚରାଇଜ୍ ମିଲ୍କ- କଞ୍ଚା କ୍ଷୀର ଏବଂ ଅନ୍ପାଶ୍ଚରାଇଜ୍ଡ କ୍ଷୀର କିମ୍ବା ଲହୁଣି ଖାଇବା ଫଳରେ ବହୁ ଇନ୍ଫେକସନ୍ ହୋଇଥାଏ। ତେଣୁ ଏସବୁ ଖାଆନ୍ତୁ ନାହିଁ।
ଜଙ୍କ ଫୁଡ୍- ଏହି ସମୟରେ ଜଙ୍କ ଫୁଡ୍ ମଧ୍ୟ ଖାଇବା ଉଚିତ ନୁହେଁ। ଏସବୁ ଖାଇବା ଫଳରେ ପୋଷକ ତତ୍ତ୍ୱ କମ୍ ହୋଇଥାଏ ଏବଂ ଫ୍ୟାଟ ଅଧିକ ହୋଇଥାଏ ତେଣୁ ଡେଲିଭରି ସମୟରେ ବହୁ ସମସ୍ୟା ସୃଷ୍ଟି ହୋଇଥାଏ।
