ରୋଗ ରାଜନୀତି

 

କୋଭିଡ୍‌-୧୯ ସରିଗଲା ବୋଲି ଲୋକେ ଆଶ୍ୱସ୍ତ ହେଉଥିବା ବେଳେ ପୃଥିବୀର ବିଭିନ୍ନ ଭାଗରେ ଏହା ପୁଣି ମୁଣ୍ଡ ଟେକିଛି। ବିଶେଷକରି ଚାଇନାରେ ଏହା ଉଗ୍ରରୂପ ଧାରଣ କରି ଅନେକ ଲକ୍ଷ ଲୋକଙ୍କ ଜୀବନ ନେଲାଣି। ସେଠାରେ ମୃତ୍ୟୁସଂଖ୍ୟା ଏଭଳି ବଢ଼ିଛି ଯେ, ଶବ ପୋଡ଼ିବାକୁ ଶ୍ମଶାନରେ ଲୋକଙ୍କ ଧାଡ଼ି ଲାଗିଛି ଓ ଚିତାଭସ୍ମ ପାଇବା ପାଇଁ ଆତ୍ମୀୟସ୍ବଜନ ଚିରିକୁଟି ଧରି ଅନେକ ଘଣ୍ଟା ଅପେକ୍ଷା କରୁଛନ୍ତି ବୋଲି ଖବର ମିଳିଛି। ଅନ୍ୟପକ୍ଷରେ ଭାରତରେ କିଛି ମାସ ଧରି ଆକ୍ରାନ୍ତଙ୍କ ସଂଖ୍ୟା କମିଯିବା ପରେ ସମସ୍ତେ ଫୁଲାଫାଙ୍କିଆ ହୋଇ ବୁଲିଲେଣି। ସବୁ ଭାବିନେଲେ ଏହା ସାମାନ୍ୟ ରୋଗ ଓ କିଛି ଦିନ ରହିବା ପରେ ଚାଲିଯିବ। କିନ୍ତୁ ଚାଇନାର ସ୍ଥିତି ଦେଖିଲେ ଏହା ଏବେ ଘାତକ ସ୍ତରରେ ପହଞ୍ଚତ୍ୟାଇଛି। ଭାରତରେ ଯେଉଁମାନେ ବୁଷ୍ଟର ଡୋଜ୍‌ ନେଇଛନ୍ତି ସେମାନେ ଭୟ କରିବାର ନାହିଁ ବୋଲି ସରକାରୀ ଭାବେ ଆଶ୍ୱାସନା ଦିଆଯାଇଥିଲା। ଏହା ସତ୍ତ୍ୱେ ଅନେକେ ବୁଷ୍ଟର ଡୋଜ୍‌ ନେଇନାହାନ୍ତି। ଏତଦ୍‌ବ୍ୟତୀତ ଗତ ଦୁଇବର୍ଷର ଅନୁଭୂତି କହିଦେଉଛି ଯେ, ଭାକ୍ସିନ୍‌ ନେଇଥିବା ଲୋକଙ୍କ ମଧ୍ୟରୁ କେତେକଙ୍କ ମୃତ୍ୟୁ ଘଟିଥିଲା। କୁହାଯାଉଥିଲା ଯେ, ଦୁଇ ଥର ଟିକା ନେଇଥିବା ନାଗରିକଙ୍କ ସ୍ଥିତି ସ୍ବାଭାବିକ ରହିବ। ଅର୍ଥାତ୍‌ ହସ୍ପିଟାଲ ଯିବାକୁ ପଡ଼ିବ ନାହିଁ କିମ୍ବା ମୃତ୍ୟୁ ଘଟିବ ନାହିଁ। ଏହି କଥାକୁ ଓଡ଼ିଶାରେ କେତେକ ଜଣାଶୁଣା ବ୍ୟକ୍ତିଙ୍କ ଦୁଃଖଦ ବିୟୋଗ ସମ୍ପୂର୍ଣ୍ଣ ଭାବେ ମିଥ୍ୟା ପ୍ରମାଣ କରିଦେଇଛି। ଗତ ସପ୍ତାହରେ ପ୍ରକାଶ ପାଇଥିବା ଏକ ରିପୋର୍ଟରୁ ଜଣାପଡ଼ିଛି ଯେ, ୧୦ ଭାରତୀୟଙ୍କ ମଧ୍ୟରେ ୬ ଜଣ ବୁଷ୍ଟର ଡୋଜ୍‌ ନେବାକୁ ଅମଙ୍ଗ। କାରଣ ଯୁବବର୍ଗଙ୍କ ମଧ୍ୟରେ ଏହା ହୃଦ୍‌ଘାତକୁ ବଢ଼ାଇ ଦେଉଛି ବୋଲି ଭାରତରେ ୧୯,୦୦୦ ଲୋକଙ୍କ ଉପରେ କରାଯାଇଥିବା ଏକ ଅନୁଧ୍ୟାନରୁ ଜଣାପଡ଼ିଛି।
ଚାଇନା ସ୍ଥିତିକୁ ଦେଖିଲେ ଭାରତ ସରକାର ଅନ୍ତର୍ଜାତୀୟ ବିମାନଯାତ୍ରୀଙ୍କ ପରୀକ୍ଷା କରିବା ଲାଗି ନିର୍ଦ୍ଦେଶ ଦେଇଛନ୍ତି। ଏଭଳି ସମୟରେ ସବୁ ରାଜ୍ୟ ସରକାର ସର୍ବସାଧାରଣ ସ୍ଥାନରେ ମାସ୍କ ପିନ୍ଧିବା, ହାତକୁ ବାରମ୍ବାର ଧୋଇବା, ଶାରୀରିକ ଦୂରତା ବଜାୟ ରଖିବା ସହ ସାନିଟାଇଜର ବ୍ୟବହାର କରିବା ଲାଗି କେନ୍ଦ୍ର ପକ୍ଷରୁ କୁହାଯାଇଥିଲେ ମଧ୍ୟ କୋଭିଡ୍‌ ଗାଇଡ୍‌ଲାଇନ୍ସରେ ସେଭଳି ସ୍ପଷ୍ଟତା ଆସିପାରି ନାହିଁ। ଅନ୍ୟପକ୍ଷରେ ରାହୁଲ ଗାନ୍ଧୀଙ୍କ ‘ଭାରତ ଯୋଡ଼ୋ’ ଯାତ୍ରାକୁ କେନ୍ଦ୍ର ସରକାରଙ୍କ ମନ୍ତ୍ରୀମାନେ ଅଧିକ ଟାର୍ଗେଟ କରିଥିବା ଦେଖାଯାଇଛି। ଭାରତ ଯୋଡ଼ୋ ବେଳେ ସହଯାତ୍ରୀମାନେ ଭିଡ଼ କରୁଥିବାରୁ ତାହା କୋଭିଡ୍‌-୧୯ ଭୂତାଣୁ ବୃଦ୍ଧି କରିବା ଆଶଙ୍କା ସୃଷ୍ଟି ହୋଇଥିବା କୁହାଯାଇଛି। ଏପରି କି କେତେଜଣ କେନ୍ଦ୍ରମନ୍ତ୍ରୀ ଭାରତ ଯୋଡ଼ୋ ଯାତ୍ରାରୁ କରୋନା ଆକ୍ରାନ୍ତଙ୍କୁ ଚିହ୍ନଟ କରାଯାଇଥିବା ବିଷୟ ଉଲ୍ଲେଖ କରିଛନ୍ତି। ବାସ୍ତବରେ ଗତ କିଛିଦିନ ତଳେ ଗୁଜରାଟ ଓ ହିମାଚଳ ପ୍ରଦେଶର ବିଧାନସଭା ନିର୍ବାଚନ ଶେଷ ହୋଇଥିଲା। ସେହି ନିର୍ବାଚନ ସଭା ଓ ଶୋଭାଯାତ୍ରାରେ ହୋଇଥିବା ଭିଡ଼ କେନ୍ଦ୍ରର ଭାଜପା ସରକାରଙ୍କୁ ଦେଖାଯାଇ ନ ଥିଲା ବୋଲି କଂଗ୍ରେସ ପକ୍ଷରୁ କୁହାଯାଇଛି। ଏବେ ପ୍ରସଙ୍ଗ ହେବା କଥା ଯେହେତୁ ଚାଇନା ଓ ଅନ୍ୟାନ୍ୟ କେତେକ ରାଷ୍ଟ୍ରରେ କୋଭିଡ୍‌ ସଂକ୍ରମଣ ବୃଦ୍ଧି ପାଇଛି, ତାହା ଯେଭଳି ଭାରତରେ ବିସ୍ତାରଲାଭ ନ କରିବ ସେହି ଦିଗରେ ଦଳମତ ନିର୍ବିଶେଷରେ ସମସ୍ତେ ପ୍ରୟାସ କରିବା ଦରକାର। ଏଥିସହିତ ହସ୍ପିଟାଲରେ ଶଯ୍ୟା ସଂଖ୍ୟା ବୃଦ୍ଧି, ଅକ୍ସିଜେନ୍‌ ସିଲିଣ୍ଡର ପର୍ଯ୍ୟାପ୍ତ ପରିମାଣରେ ମହଜୁଦ ରଖାଯିବା ସହ ଆବଶ୍ୟକ ଔଷଧ କିଭଳି ଆକ୍ରାନ୍ତଙ୍କ ନିକଟରେ ପହଞ୍ଚତ୍ପାରିବ ସେହି ଦିଗରେ ତତ୍ପରତା ବଢ଼ାଇବା ଆବଶ୍ୟକ। କିନ୍ତୁ କ୍ଷମତା ରାଜନୀତିରେ ମତ୍ତ ରାଜନୈତିକ ଦଳଗୁଡ଼ିକ ଦେଶର ମଙ୍ଗଳ ଚିନ୍ତା କରିବା ଅପେକ୍ଷା ପରସ୍ପର ଉପରେ ଦୋଷ ଲଦାଲଦି ହେଉଛନ୍ତି, ଯାହା ଏକ ଖରାପ ପରମ୍ପରା ସୃଷ୍ଟି କରିଛି।
ବିଶ୍ୱ ପ୍ରେକ୍ଷାପଟରେ ଦେଖିଲେ ଭାରତ ଏବେ ଏଭଳି ଏକ ଦେଶ ପାଲଟିଯାଇଛି, ଯେଉଁଠାରେ ଅସ୍ବାଭାବିକ ପରିସ୍ଥିତିରୁ କିଭଳି ରାଜନୈତିକ ଫାଇଦା ଉଠାଇହେବ ସେ ଦିଗରେ ଅନେକେ ଧାବମାନ। କୋଭିଡ୍‌ର ଦ୍ୱିତୀୟ ଲହରରେ ଯେଭଳି ଭାବେ ଆକ୍ରାନ୍ତ ଭାରତୀୟଙ୍କ ମଧ୍ୟରୁ ବହୁ ସଂଖ୍ୟକଙ୍କ ଜୀବନ ଯାଇଥିବାର ଚିତ୍ର ଦେଖିବାକୁ ମିଳିଥିଲା, ସେଥିରୁ ବଞ୍ଚତ୍ୟାଇଥିବା ଓ ଆକ୍ରାନ୍ତ ହୋଇ ନ ଥିବା ବ୍ୟକ୍ତି ଈଶ୍ୱରଙ୍କୁ ଧନ୍ୟବାଦ ଦେଇଥିଲେ। ରାଜନୈତିକ ନେତୃତ୍ୱ ନେଉଥିବା ବ୍ୟକ୍ତିମାନଙ୍କ ସକାଶେ ଦେଶବାସୀଙ୍କ ମଙ୍ଗଳ ଏକାନ୍ତ କାମ୍ୟ ହେବା କଥା। ହେଲେ ମହାମାରୀକୁ ରାଜନୀତି ଭିତରକୁ ଟଣାଯାଉଥିବାରୁ ସ୍ବାସ୍ଥ୍ୟ ଭିତ୍ତିଭୂମି ଦୁର୍ବଳ ହେବା ଥୟ। ତେଣୁ ଆଉ ଏକ ବିପର୍ଯ୍ୟୟ ହେବା ପୂର୍ବରୁ ଶାସନ ଓ ପ୍ରଶାସନିକ ସ୍ତରରେ ଦେଶବାସୀଙ୍କ କଲ୍ୟାଣକୁ ଅଗ୍ରାଧିକାର ଦିଆଯିବା ଭଳି ପଦକ୍ଷେପ ନିଆଯିବାର ଆବଶ୍ୟକତା ରହିଛି।

କୋଭିଡ୍‌ର ଦ୍ୱିତୀୟ ଲହରରେ ଯେଭଳି ଭାବେ ଆକ୍ରାନ୍ତ ଭାରତୀୟଙ୍କ ମଧ୍ୟରୁ ବହୁ ସଂଖ୍ୟକଙ୍କ ଜୀବନ ଯାଇଥିବାର ଚିତ୍ର ଦେଖିବାକୁ ମିଳିଥିଲା, ସେଥିରୁ ବଞ୍ଚତ୍ୟାଇଥିବା ଓ ଆକ୍ରାନ୍ତ ହୋଇ ନ ଥିବା ବ୍ୟକ୍ତି ଈଶ୍ୱରଙ୍କୁ ଧନ୍ୟବାଦ ଦେଇଥିଲେ। ରାଜନୈତିକ ନେତୃତ୍ୱ ନେଉଥିବା ବ୍ୟକ୍ତିମାନଙ୍କ ସକାଶେ ଦେଶବାସୀଙ୍କ ମଙ୍ଗଳ ଏକାନ୍ତ କାମ୍ୟ ହେବା କଥା। ହେଲେ ମହାମାରୀକୁ ରାଜନୀତି ଭିତରକୁ ଟଣାଯାଉଥିବାରୁ ସ୍ବାସ୍ଥ୍ୟ ଭିତ୍ତିଭୂମି ଦୁର୍ବଳ ହେବା ଥୟ।

 


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

ଜମିବାଡ଼ି ମାମଲା ମହା ଝମେଲା। ଥରେ ଆରମ୍ଭ ହୋଇଗଲେ ପକ୍ଷ ଅଦାଲତ ଦୌଡ଼ି ଦୌଡ଼ି ନୟାନ୍ତ ହୋଇଯାଆନ୍ତି। ତେବେ ଏଭଳି ୫୦,୦୦୦ ମାମଲାର ସମାଧାନ କରି...

ଲକ୍ଷ୍ମୀଛଡ଼ା ଉପାଖ୍ୟାନ

ଡ. ମନୋରଞ୍ଜନ ପ୍ରଧାନ   ପିଲାବେଳେ ଜେଜେମା’ଙ୍କ ମୁହଁରୁ ଲକ୍ଷ୍ମୀଛଡ଼ା ଶବ୍ଦଟି ବହୁବାର ଶୁଣିଛୁ। ସାମାନ୍ୟ ତ୍ରୁଟିବିଚ୍ୟୁତି ଦେଖିଲେ ବୁଢ଼ୀମା’ ତୁମେ ସବୁ ଲକ୍ଷ୍ମୀଛଡ଼ା ହୋଇଗଲଣି...

ଧର୍ମ ଓ ବିଜ୍ଞାନ

ଉମାଶଙ୍କର ପ୍ରସାଦ   ଧର୍ମ ଓ ବିଜ୍ଞାନ ଉଭୟେ ମଣିଷର ମଙ୍ଗଳ ପାଇଁ ଅଭିପ୍ରେତ। ଉଭୟଙ୍କର ଉଦ୍ଦେଶ୍ୟ ମଣିଷ ତଥା ସମାଜକୁ ମଙ୍ଗଳମୟ କରି ଗଢ଼ିବା।...

ନଦୀ ଓ ପ୍ଲାଷ୍ଟିକ୍‌ ପ୍ରଦୂଷଣ

ମିରେଇ ଏଣ୍ଡାରା ଦେ ହେରାସ   ପ୍ଲାଷ୍ଟିକ୍‌ ପ୍ରଦୂଷଣ ଦୂର କରିବାକୁ ଏକ ନୂତନ ଚୁକ୍ତି ପାଇଁ ମିଳିତ ଜାତିସଂଘ ଚେଷ୍ଟା ଜାରି ରଖିଛି ଓ...

ଏଇ ଭାରତରେ

ମଧ୍ୟପ୍ରଦେଶର ଜଣେ ଶିକ୍ଷକଙ୍କ ଉଦ୍ୟମରେ ଏକ ସ୍କୁଲର କଳେବର ପୂରା ବଦଳିଯାଇଛି। ରାଜଗଡ଼ର ମୋହନପୁର କଲୋନୀରେ ଥିବା ଇଣ୍ଟିଗ୍ରେଟେଡ ମିଡିଲ ସ୍କୁଲର ଶିକ୍ଷକ ଗୋପାଳ ବାଲଓ୍ବାଲାଙ୍କ...

ଆର୍ଥିକ ସ୍ଥିତିର ବାସ୍ତବତା

ଡ. ସନ୍ତୋଷ କୁମାର ମହାପାତ୍ର   ଫେବୃଆରୀ ୧ରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ ଲୋକ ସଭାରେ ୨୦୨୪-୨୫ ଆର୍ଥିକ ବର୍ଷର ଅନ୍ତରୀଣ ବଜେଟ ଉପସ୍ଥାପନ...

ନିଜର ବୋଲି ନ ଥିବେ କେହି

ରାକେଶ ପଣ୍ଡା   ପ୍ରାଚୀନ କାଳରୁ ଲୋକେ ଯୌଥ ପରିବାରରେ ଗୋଟିଏ ଛାତ ତଳେ ରହି ଆସୁଥିଲେ, ଯେଉଁଥିରେ ଜଣେ ଗୁରୁଜନ ପରିବାରର ମୁଖିଆ ହୋଇଥା’ନ୍ତି।...

ଈଶ୍ୱର ଭାବନାରେ ଦ୍ୱନ୍ଦ୍ୱ

ଆଜିକାଲି ଲୋକମାନେ ଈଶ୍ୱର ଶବ୍ଦ ବେଶି ବ୍ୟବହାର କରୁଛନ୍ତି। ଯେତେବେଳେ ସେମାନେ ଈଶ୍ୱର ଶବ୍ଦ ବ୍ୟବହାର କରନ୍ତି ସେତେବେଳେ ଏହାକୁ ବଡ଼ ଅକ୍ଷରରେ ଲେଖନ୍ତି। ସେମାନେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri