ଛତ୍ରପୁର,୧୪।୯(ଡି.ଏନ.ଏ.): ବିପର୍ଯ୍ୟୟ ପରିଚାଳନା, ପ୍ରସ୍ତୁତି, ମୁକାବିଲା, ଦକ୍ଷତା ତାଲିମ ନେଇ ଗଞ୍ଜାମ ଜିଲାକୁ ଆସୁଥିବା ଅନୁଦାନ ବାବଦରେ ୟୁସି (ବିନିଯୋଗ ପ୍ରମାଣପତ୍ର) ଦାଖଲ ହେଉନି ା ଏନେଇ ଓସ୍ଡମା (ଓଡ଼ିଶା ରାଜ୍ୟ ବିପର୍ଯ୍ୟୟ ପ୍ରଶମନ କର୍ତ୍ତୃପକ୍ଷ) ନିର୍ବାହୀ ନିର୍ଦ୍ଦେଶକ ଜ୍ଞାନ ଦାସଙ୍କ ପକ୍ଷରୁ ଗଞ୍ଜାମ ଜିଲାପାଳଙ୍କୁ ଚିଠି ଆସିଛି ା ଉକ୍ତ ଅନୁଦାନ ବାବଦରେ ହେଉଥିବା ଖର୍ଚ୍ଚର ୟୁସି ଦାଖଲ କରିବାକୁ କୁହାଯାଇଛି ା ଏପରି କି ଖର୍ଚ୍ଚ ହୋଇ ନ ଥିବା ବିଭିନ୍ନ ଅନୁଦାନ ଅର୍ଥ ଫେରାଇବାକୁ ନିର୍ଦ୍ଦେଶ ଦିଆଯାଇଛି। ମିଳିିଥିବା ସୂଚନା ଅନୁସାରେ ଜାତୀୟ, ରାଜ୍ୟ ବିପର୍ଯ୍ୟୟ ପାଣ୍ଠି, ବିଶ୍ୱବ୍ୟାଙ୍କରୁ ଜିଲାକୁ ବିପର୍ଯ୍ୟୟ ପରିଚାଳନା, ପ୍ରସ୍ତୁତି, ମକ୍ଡ୍ରିଲ ମୁକାବିଲା ଓ ଦକ୍ଷତା ତାଲିମ ପାଇଁ ୩ କୋଟି ୬୮ ଲକ୍ଷ ୫୯ ହଜାର ୬୯୧ ଟଙ୍କାର ଅନୁଦାନ ଆସିଥିଲା ା ସମସ୍ତ ଅନୁଦାନ ଖର୍ଚ୍ଚର ୟୁସି ଓସ୍ଡମା ନିକଟରେ ଦାଖଲ ହୋଇନି ା ୟୁସି ଦାଖଲ ପାଇଁ ବାରମ୍ବାର ଜିଲା ପ୍ରଶାସନ ପାଖକୁ ଚିଠି ଆସିଥିଲେ ହେଁ ଏହା ଉପରେ ପଦକ୍ଷେପ ନିଆଯାଇ ନ ଥିବା ଉକ୍ତ ଚିଠିରୁ ଜଣାପଡିଛି ା ଓସ୍ଡମା ପକ୍ଷରୁ ବିପର୍ଯ୍ୟୟ ମୁକାବିଲା, ଦକ୍ଷତା ତାଲିମ ବାବଦରେ ଗଞ୍ଜାମ ଜିଲାକୁ ୩ କୋଟି ୨ ଲକ୍ଷ ୨୪ ହଜାର ୫୩ ଟଙ୍କାର ଅନୁଦାନ ଆସିଥିଲା । ସେଥିମଧ୍ୟରେ ହିଟ୍ୱେଭ୍ ପାଇଁ ୧୫ ହଜାର ଟଙ୍କା, ସିଏମ୍ଏମ୍ଏସ୍ସି ବାବଦରେ ୧ କୋଟି ୮୯ ଲକ୍ଷ ୬୨ ହଜାର ୩୦୦ ଟଙ୍କା, ଆଇଓଟିଆର୍ ବାବଦରେ ୯ ଲକ୍ଷ ୧୮ ହଜାର ୫୦୦ ଟଙ୍କା, କାପାସିଟି ବିଲଡିଂ ପାଇଁ ୪ ଲକ୍ଷ ୩୧ ହଜାର ୬୧୫ ଟଙ୍କା, ସୁନାମି କାର୍ଯ୍ୟକ୍ରମ ପାଇଁ ୭୮ ହଜାର ଟଙ୍କା, ୟୁଡିଏମ୍ପି ଓ ଏସ୍ଓପି ପାଇଁ ୩୧ ଲକ୍ଷ ୮୧ ହଜାର ଟଙ୍କା ରହିଥିଲା ା ସେହିପରି ଜାତୀୟ ବିପର୍ଯ୍ୟୟ ପରିଚାଳନାରୁ ୩୬ ଲକ୍ଷ ୩୪ ହଜାର ୦୭୯ ଟଙ୍କା, ଜିଓଡିରୁ ୨ ଲକ୍ଷ ୯୬ ହଜାର ୬୫୭ ଟଙ୍କା, ଏନ୍ଏଫ୍ସିଆର୍ରୁ ୮ ଲକ୍ଷ ୨୭ ହଜାର ୬୦୨, ବିଶ୍ୱବ୍ୟାଙ୍କରୁ ୫୨ ହଜାର ୧୦୦ ଟଙ୍କା, ଡିଏଫ୍ଆଇଡିରୁ ୧ହଜାର ଟଙ୍କା, ମକ୍ଡ୍ରିଲ୍ ପାଇଁ ୧୮ ଲକ୍ଷ ୨୪ ହଜାର ୨୦୦ ଟଙ୍କା ଆସିଥିଲା ା ଏ ବାବଦରେ ମଧ୍ୟ ୟୁସି ଦାଖଲ ହୋଇନି ା
