ନୂଆଦିଲ୍ଲୀ,୬।୩: ପଶ୍ଚିମବଙ୍ଗରେ ମାର୍ଚ୍ଚ ୨୭ରେ ପ୍ରଥମ ପର୍ଯ୍ୟାୟ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ନିର୍ବାଚନ ପୂର୍ବରୁ ତୃଣମୂଳ କଂଗ୍ରେସକୁ ଗୋଟିଏ ପରେ ଗୋଟିଏ ଝଟ୍କା ମିଳିବାରେ ଲାଗିଛି। ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନିକଟତମ କୁହାଯାଉଥିବା ଦଳର ବରିଷ୍ଠ ନେତା ଦିନେଶ ତ୍ରିବେଦି ଶନିବାର ତୃଣମୂଳ ବାଡ଼ ଡେଇଁ ଭାଜପାରେ ଯୋଗଦେଇଛନ୍ତି। ଦିନେଶ ଦିଲ୍ଲୀର ଭାଜପା ମୁଖ୍ୟାଳୟରେ ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡା, ପୀୟୁଷ ଗୋଏଲ୍ ଏବଂ ଧମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ପଦ୍ମ ଧରିଛନ୍ତି। ଦିନେଶ ମମତାଙ୍କ ଘର ଛାଡ଼ିବା ପରେ ରାଜ୍ୟ ରାଜନୀତିରେ ନାନା କଳ୍ପନା ଜଳ୍ପନା ସୃଷ୍ଟି ହେବାରେ ଲାଗିଛି। ବିଧାନସଭା ପୂର୍ବରୁ ତୃଣମୂଳର ବରିଷ୍ଠ ତଥା ଅଭିଜ୍ଞ ସଦସ୍ୟଙ୍କୁ ଆଣି ନିଜର ଶକ୍ତି ବୃଦ୍ଧି କରିବା ପ୍ରକ୍ରିୟା ଜାରି ରଖିଛି। ଅପରପକ୍ଷରେ ତୃଣମୂଳର ସଙ୍କଟ ବଢ଼ିବାରେ ଲାଗିଛି। ସୂଚନାଯୋଗ୍ୟ, ଫେବୃୟାରୀ ୧୨ରେ ଦିନେଶ ତୃଣମୂଳ କଂଗ୍ରେସରୁ ଇସ୍ତଫା ଦେଇଥିଲେ।
