ମୁମ୍ବାଇ,୫।୧୨: ମହାରାଷ୍ଟ୍ର ରାଜ୍ୟପାଳ ସି.ପି. ରାଧାକ୍ରିଷ୍ଣନ ନୂତନ ସରକାର ଗଠନ ପାଇଁ ବରିଷ୍ଠ ଭାଜପା ନେତା ଦେବେନ୍ଦ୍ର ଫଡନାଭିସଙ୍କୁ ଆମନ୍ତ୍ରଣ କରିଛନ୍ତି। ସେ ଗୁରୁବାର ରାଜ୍ୟ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ। ଦକ୍ଷିଣ ମୁମ୍ବାଇର ଆଜାଦ ମଇଦାନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପସ୍ଥିତିରେ ଆୟୋଜିତ ହେବାକୁ ଥିବା ଏକ ଉତ୍ସବରେ ଜାତୀୟତାବାଦୀ କଂଗ୍ରେସ ପାର୍ଟି (ଏନସିପି) ନେତା ଅଜିତ ପାୱାର ଏବଂ ଦୁଇ ଉପମୁଖ୍ୟମନ୍ତ୍ରୀ ମଧ୍ୟ ଶପଥ ଗ୍ରହଣ କରିବେ।
ଶପଥ ଗ୍ରହଣ ସମାରୋହ ପାଇଁ ସମ୍ପୂର୍ଣ୍ଣ ପ୍ରସ୍ତୁତି କରାଯାଇଛି। ସେଠାରେ ଦୃଢ ସୁରକ୍ଷା ବ୍ୟବସ୍ଥା ଅଛି। ଏଥି ସହିତ ଅତିଥି ତାଲିକା ମଧ୍ୟ ପ୍ରସ୍ତୁତ କରାଯାଇଛି। ତାଙ୍କ ଶପଥ ଗ୍ରହଣ ସମାରୋହରେ ପ୍ରଧାନମନ୍ତ୍ରୀ ମୋଦିଙ୍କ ବ୍ୟତୀତ ‘ଲାଡକି ବହନ’ ଯୋଜନାର ୧୦୦୦ ହିତାଧିକାରୀଙ୍କୁ ମଧ୍ୟ ନିମନ୍ତ୍ରଣ କରାଯାଇଛି।
ଶପଥ ଗ୍ରହଣ ସମାରୋହରେ ପ୍ରାୟ ୪୨,୦୦୦ ଲୋକ ଯୋଗଦେବେ ବୋଲି ଭାଜପା ନେତା ପ୍ରସାଦ ଲାଡ କହିଛନ୍ତି। ସେ କହିଛନ୍ତି, ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦି, ନଅରୁ ଦଶ କେନ୍ଦ୍ର ମନ୍ତ୍ରୀ ଏବଂ ୧୯ ଜଣ ମୁଖ୍ୟମନ୍ତ୍ରୀ ଏବଂ ଉପମୁଖ୍ୟମନ୍ତ୍ରୀ ଯୋଗଦେବେ। ସେ କହିଛନ୍ତି ୪୦,୦୦୦ ଭାଜପା ସମର୍ଥକଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଇଛି ଏବଂ ବିଭିନ୍ନ ଧର୍ମର ନେତାଙ୍କ ସମେତ ୨,୦୦୦ ଭିଆଇପିଙ୍କ ପାଇଁ ଅଲଗା ଆସନ ବ୍ୟବସ୍ଥା କରାଯାଇଛି।
ଏହି ଅତିଥିମାନେ ସମାରୋହରେ ଯୋଗଦେବେ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା
ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା
ଏନଡିଏର ମୁଖ୍ୟମନ୍ତ୍ରୀ / ଉପ-ମୁଖ୍ୟମନ୍ତ୍ରୀମାନେ
କେନ୍ଦ୍ର ମନ୍ତ୍ରୀ
ସାଧୁ ଓ ସନ୍ଥମାନେ
‘ଲାଡଲି ବେହନା’ ଯୋଜନାର ୧,୦୦୦ ହିତାଧିକାରୀ ମହିଳା
କୃଷକ ହିତାଧିକାରୀ
ଶିଳ୍ପ, ମନୋରଞ୍ଜନ, ଶିକ୍ଷା ଏବଂ ସାହିତ୍ୟ ଜଗତରୁ ଜଣାଶୁଣା ବ୍ୟକ୍ତିତ୍ୱ
ମହାୟୁତି- ଭଜେପା, ଶିବସେନା ଏବଂ ଏନସିପିର ସମସ୍ତ ଗଠିତ ଦଳର କର୍ମୀ।
ଜଣେ ଅଧିକାରୀ କହିଛନ୍ତି ଯେ ଶପଥ ଗ୍ରହଣ ସମାରୋହରେ ସୁରକ୍ଷା ପାଇଁ ୪,୦୦୦ରୁ ଅଧିକ ପୋଲିସ ନିୟୋଜିତ ହୋଇଛନ୍ତି। ଅଧିକାରୀ କହିଛନ୍ତି ଯେ ସୁରକ୍ଷା ବ୍ୟବସ୍ଥା ପାଇଁ ଅତି କମରେ ୩,୫୦୦ ପୋଲିସ କର୍ମଚାରୀ ଏବଂ ୫୨୦ଅଧିକାରୀ ନିୟୋଜିତ ହୋଇଛନ୍ତି।
