ଗଞ୍ଜାମ,୨୪ା୮(ବିଦ୍ୟାଧର ସାହୁ ): ଗଞ୍ଜାମ ବ୍ଲକ କନଫରେନ୍ସ ହଲ ଠାରେ ସୋମବାର ଜିଲାସ୍ତରୀୟ ଯୁଗ୍ମ ଅଭିଯୋଗ ଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଗଞ୍ଜାମ ଜିଲାପାଳ ଭି କୀର୍ତ୍ତି ଭାସନ, ଜିଲା ଆରକ୍ଷୀ ଅଧିକ୍ଷକ ହରିଶ ବିଶି, ଉପଜିଲାପାଳ ଶିବାଶିଷ ବରାଳ, ବିଡ଼ିଓ ଅଚ୍ୟୁତାନନ୍ଦ ଯାନୀ, ତହସିଲଦାର ସୁକାନ୍ତ ଚନ୍ଦ୍ର ମିଶ୍ର, ବ୍ଲକ ଅଧକ୍ଷା ଶର୍ମିଷ୍ଠା ପ୍ରଧାନ ପ୍ରମୁଖ ଉପସ୍ଥିତ ଥିଲେ ।
ଏହି ଅବସରରେ ବହୁ ଲୋକଙ୍କ ଅଭିଯୋଗ ଶୁଣିଥିଲେ ଜିଲାପାଳ । କିଛି ଅଭିଯୋଗ ଶୁଣାଣି ବେଳେ ହିଁ ସମାଧାନ ହୋଇଯାଇଥିବା ବେଳେ ଅନ୍ୟ ଅଭିଯୋଗକୁ ସମାଧାନ ପାଇଁ ବିଭାଗୀୟ ଅଧିକାରୀଙ୍କୁ ସମାଧାନ ନିମନ୍ତେ ଜିଲାପାଳ ନିର୍ଦ୍ଦେଶ ଦେଇଥିଲେ । ସମସ୍ତ ଅଭିଯୋଗ ଠାରୁ ସମୁଦ୍ର ବେଳାଭୂମି ଅବକ୍ଷେୟ ମୁଖ୍ୟ ପ୍ରସଙ୍ଗ ଥିଲା । ଜିଲାପାଳଙ୍କ ଶୁଣାଣି ବେଳେ ସମୁଦ୍ର କୂଳ ଖାଇବା ଏବଂ ବଟେଶ୍ୱର ରାସ୍ତା ନିର୍ମାଣ କାର୍ଯ୍ୟ ବିଳମ୍ୱ ହେଉଥିବା ଅଭିଯୋଗ କରିଥିଲେ କଣ୍ଟିଆଗଡ଼, ନୀଳାଦ୍ରି ପୁର ଏବଂ ଖଟୁଆ କୁଦା ଗ୍ରାମବାସୀ ।
ଏଥିସହ ଜିଲାପାଳଙ୍କୁ ଦାବିପତ୍ର ପ୍ରଦାନ କରାଯାଇଛି । ଗୋଖର କୁଦା ସମୁଦ୍ର ବେଳାଭୂମି ଠାରୁ କଣ୍ଟିଆ ଗଡ଼ ବଟେଶ୍ୱର ବେଳାଭୂମି ପର୍ଯ୍ୟନ୍ତ ସମୁଦ୍ରର ଉଚ୍ଚ ଲହଡି ଯୋଗୁଁ କୂଳ ଖାଇବାରେ ଲାଗିଛି । ଯାହା ଫଳରେ ଉପରୋକ୍ତ ୩ ଗ୍ରାମ ସମେତ ମୟୁର ପଦା, ପୋଡମ ପେଟା ଆଦି ଗ୍ରାମର ଧନଜୀବନ ନଷ୍ଟ ହେବା ଆଶଙ୍କା ରହିଛି ବୋଲି ଦାବି ପତ୍ରରେ ଉଲେଖ ରହିଛି । ଏହାସହ ହୁମା 16 ନଂ ଜାତୀୟ ରାଜପଥ ଠାରୁ ବଟେଶ୍ୱର ମନ୍ଦିର ପର୍ଯ୍ୟନ୍ତ ଏଆରଡ଼ି ରାସ୍ତା ନିର୍ମାଣ କାର୍ଯ୍ୟରେ ଅହେତୁକ ବିଳମ୍ବ ଘଟୁଥିବା ପାଳିବନ୍ଧ ପୂର୍ବତନ ସରପଞ୍ଚ ଦିଲୀପ ଛୋଟରାଏ ଜିଲାପାଳଙ୍କ ଦୃଷ୍ଟି ଆକର୍ଷଣ କରିଥିଲେ ।
ଜିଲା ପରିଷଦ ସଭ୍ୟ ସନାତନ ବେହେରା, ବଟେଶ୍ୱର ମନ୍ଦିର ପରିଚାଳନା କମିଟି ଉପସଭାପତି ଶବର କୁମାର ତରାଇ, ପୂର୍ବତନ ସମିତି ସଭ୍ୟ ଛାୟାକାନ୍ତ ପ୍ରଧାନ, ଯୁବ ନେତା ରଞ୍ଜିତ ପଲାଇ, ଖଟୁଆ କୁଦା ଗ୍ରାମ୍ୟ କମିଟି ପୂର୍ବତନ ସଭାପତି ବୃନ୍ଦାବନ ପ୍ରଧାନ ପ୍ରମୁଖ ଉପସ୍ଥିତ ଥିଲେ । ଅଭିଯୋଗ ଶୁଣିଲା ପରେ ଖୁବ ଶୀଘ୍ର ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି ଜିଲାପାଳ ପ୍ରତିଶୃତି ଦେଇଥିବା ଜଣା ପଡିଛି । ଏହି ଅଭିଯୋଗ ଶୁଣାଣି ବେଳେ ଜିଲା ଓ ବ୍ଲକ ସ୍ତରୀୟ ସମସ୍ତେ ବିଭାଗୀୟ ଅଧିକାରୀ ଉପସ୍ଥିତ ଥିଲେ ।
