କ୍ଷେତକୁ ନିଅଣ୍ଟ ସାର

ଅନୁଗୋଳ ଅଫିସ, ୨୪।୮: ପ୍ରଥମେ ନିଅଣ୍ଟିଆ ବର୍ଷା, ଆଉ ଏବେ ସାର ଅଭାବକୁ ନେଇ ଚିନ୍ତାରେ ପଡ଼ିଛନ୍ତି ଅନୁଗୋଳ ଜିଲାର ଚାଷୀ। ପଛେଇ ଯାଇଥିବା ଚାଷକୁ ଆଗେଇ ନେବା ପାଇଁ ସେମାନଙ୍କ ନିକଟରେ ସାର ହିଁ ଏକମାତ୍ର ବିକଳ୍ପ ରହିଛି। କିନ୍ତୁ ଠିକଣା ସମୟରେ ତାହା ଯୋଗାଇବାରେ କୃଷି ବିଭାଗ ବିଫଳ ହୋଇଛି। ଚଳିତବର୍ଷ ଜିଲାର କୃଷି କ୍ଷେତକୁ ମୋଟ୍‌ ୫ ହଜାର ଟନ୍‌ ୟୁରିଆ ଦରକାର। ହେଲେ ବର୍ତ୍ତମାନ ସୁଦ୍ଧା ୩ ହଜାର ୭ ଶହ ଟନ୍‌ ଗଚ୍ଛିତ ଥିବାବେଳେ ୧୩ ଶହ ଟନ୍‌ ୟୁରିଆ ଅଭାବ ରହିଛି। ତେବେ ଆଠମଲ୍ଲିକ ଓ କିଶୋରନଗର ବ୍ଲକରେ ଦୁଇ ଦିନ ଭିତରେ ୪ ଶହ ଟନ୍‌ ସାର ପହଞ୍ଚତ୍ବା ସେଠାକାର ଚାଷୀଙ୍କ ପାଇଁ ଆଶ୍ୱାସନ ହୋଇଥିବା କୁହାଯାଉଛି। ଆଗାମୀ ଦିନରେ ୫ ଶହ ଟନ୍‌ ୟୁରିଆ ଆସି ପହଞ୍ଚତ୍ବ ବୋଲି ଜିଲା କୃଷି ଉପନିର୍ଦ୍ଦେଶକ କାର୍ଯ୍ୟାଳୟରୁ ସୂଚନା ମିଳିଛି।
କୃଷି ବିଭାଗ ତଥ୍ୟ ମୁତାବକ, ଅନୁଗୋଳ ଜିଲାରେ ଚଳିତ ଖରିଫ ଋତୁରେ ମୋଟ୍‌ ୮୭ ହଜାର ୫୦ ହେକ୍ଟର ଜମିରେ ଚାଷ ହୋଇଛି। ସେଥିରୁ ୮୩ ହଜାର ୮୪୮ ହେକ୍ଟରରେ ଧାନ ଓ ଅବଶିଷ୍ଟ ଜମିରେ ଅଣଧାନ ଚାଷ କରାଯାଉଛି। ଜିଲା ପ୍ରଶାସନ ପକ୍ଷରୁ ବାରମ୍ବାର ଚିଠି ସତ୍ତ୍ବେ ଆବଶ୍ୟକ ସାର ପହଞ୍ଚତ୍ବାରେ ବିଳମ୍ବ ହେଉଛି। ଜିଲାର ମୋଟ୍‌ ୮ଟି ବ୍ଲକ ମଧ୍ୟରୁ ୬ଟି ବ୍ଲକରେ କିଛି କିଛି ସାର ମହଜୁଦ୍‌ ରହିଛି। ଆଠମଲ୍ଲିକ ଓ କିଶୋରନଗର ବ୍ଲକରେ ପ୍ରାୟତଃ ସମସ୍ୟା ଦୂର ହୋଇଛି। ତଥାପି ନିଅଣ୍ଟିଆ ସାର ପାଇଁ ଚାଷୀଙ୍କ ମଧ୍ୟରେ ଅସନ୍ତୋଷ ବଢ଼ିବାରେ ଲାଗିଛି। ବର୍ତ୍ତମାନ ଅନୁଗୋଳ ଗୋଦାମ ଓ ଛେଣ୍ଡିପଦା ଗୋଦାମରେ ପ୍ରାୟ ଦେଢ଼ ଶହ ଟନ୍‌ ୟୁରିଆ ରହିଛି। ସରକାର ସେବା ସମବାୟ ସମିତି (ପ୍ୟାକ୍ସ) ଜରିଆରେ ଚାଷୀଙ୍କୁ ସାର ଯୋଗାଇ ଦେଉଥିବାରୁ ଅନୁଗୋଳ ଗୋଦାମ ଉପରେ ଅନୁଗୋଳ ବ୍ଲକର ୧୮ଟି ପ୍ୟାକ୍ସ, ତାଳଚେରର ୬ଟି ଓ ବଅଁରପାଳ ବ୍ଲକର ୧୩ଟି ପ୍ୟାକ୍ସ ନିର୍ଭରଶୀଳ। ସେହିପରି ଛେଣ୍ଡିପଦା ଗୋଦାମ ଛେଣ୍ଡିପଦା ବ୍ଲକର ୧୯ଟି ପ୍ୟାକ୍ସ ସହ କଣିହାଁର ୧୦ଟି ପ୍ୟାକ୍ସକୁ ସାର ଯୋଗାଉଛି। ଅଧିକାଂଶ ପ୍ୟାକ୍ସରେ ଆଦୌ ସାର ନ ଥିବାବେଳେ କିଛି ସ୍ଥାନରେ ମାତ୍ର ୨ରୁ ୩ ଟନ୍‌ ଲେଖାଏ ସାର ରହିଛି। ବର୍ତ୍ତମାନ ସ୍ଥିତିରେ ଜିଲା ପାଇଁ ଆଉ ଏକ ହଜାର ଟନ୍‌ ସାର ଆବଶ୍ୟକ ରହିଛି। ଅପରପକ୍ଷରେ ସରକାରୀସ୍ତରରେ ଏହି ନିଅଣ୍ଟିଆ ସ୍ଥିତିର ଫାଇଦା ଉଠାଇବାରେ ଲାଗିଛନ୍ତି କେତେଜଣ ବ୍ୟବସାୟୀ। ସରକାରୀ ସ୍ତରରେ ଯେଉଁ ସାର ୨୬୭ ଟଙ୍କାରେ ମିଳିବା କଥା ତାହା ଏବେ ଦୁଇଗୁଣ ଦରରେ ବିକ୍ର କରାଯାଉଛି। ଫଳରେ ସାର ଅଭାବର ଶିକାର ହୋଇଥିବା ଚାଷୀ ଏହାକୁ ଖୋଲା ବଜାରରୁ ଚଢ଼ା ଦରରେ କିଣି ଶୋଷଣର ଶିକାର ହେଉଛନ୍ତି। ଏ ସମ୍ପର୍କରେ ଜିଲା କୃଷି ଉପନିର୍ଦ୍ଦେଶକ ଭୋଳାଶଙ୍କର ବେହେରା କହିଛନ୍ତି, ଅନୁଗୋଳରେ ସାର ର଼୍ୟାକ୍‌ ନ ଥିବାରୁ ସମସ୍ୟା ଉପୁଜୁଛି। ଏ ନେଇ ସମ୍ବଲପୁର ରେଳବାଇ ଡିଭିଜନାଲ୍‌ଙ୍କୁ ଚିଠି କରାଯାଇଛି। ର଼୍ୟାକ୍‌ ହୋଇଗଲା ପରେ ଅନୁଗୋଳ ଜିଲା ସମ୍ବଲପୁର ଓ କଟକ ର଼୍ୟାକ୍‌ ଉପରେ ନିର୍ଭର କରିବ ନାହିଁ। ଚଳିତ ବର୍ଷ କରୋନା ପାଇଁ ର଼୍ୟାକ୍‌ ନିର୍ମାଣରେ ବିଳମ୍ବ ହୋଇଛି। ଆସନ୍ତା ବର୍ଷକୁ ସମ୍ପୂର୍ଣ୍ଣ ଭାବେ ପ୍ରସ୍ତୁତ ହୋଇଯିବ। କିଶୋରନଗର ଓ ଆଠମଲ୍ଲିକରେ ଥିବା ସାର ସମସ୍ୟା ଏବେ ଦୂର ହୋଇଛି। ଆଉ ୫ ଶହ ଟନ୍‌ ୟୁରିଆ ଦୁଇରୁ ତିନି ଦିନ ମଧ୍ୟରେ ସମ୍ବଲପୁର ର଼୍ୟାକ୍‌ରୁ ଆସି ଅନୁଗୋଳରେ ପହଞ୍ଚତ୍ବ। ଫଳରେ ସାର ସମସ୍ୟା ରହିବ ନାହିଁ ବୋଲି କୃଷି ଉପନିର୍ଦ୍ଦେଶକ ବେହେରା ପ୍ରକାଶ କରିଛନ୍ତି।

ର଼୍ୟାକ୍‌ ହେବ ବୋଲି ଶୁଣିଆସୁଛୁ
ଅନୁଗୋଳରେ ସାର ର଼୍ୟାକ୍‌ ହେବ ବୋଲି ବହୁ ବର୍ଷ ହେଲା ଶୁଣିଆସୁଛୁ। କିନ୍ତୁ କେବେ ଏହା ହେବ ଓ ଚାଷୀଙ୍କ ନିକଟରେ ଠିକଣା ସମୟରେ ସରକାର ସାର ପହଞ୍ଚାଇବେ ତାହା ପ୍ରଶ୍ନବାଚୀରେ ରହିଯାଉଛି। ସରକାର ତ୍ୱରିତ ପଦକ୍ଷେପ ନେବା ଦରକାର।
– ତଅଁଳୁ ସାହୁ, ଚାଷୀ

ତୁରନ୍ତ ସାର ଯୋଗାଯାଉ
ବର୍ଷା ଅଭାବ କାରଣରୁ ଚଳିତବର୍ଷ ବିଳମ୍ବରେ ଚାଷ କାର୍ଯ୍ୟ ଆରମ୍ଭ ହେଲା। ବାରମ୍ବାର ଲଘୁଚାପ ଚାଷ ପାଇଁ ସମସ୍ୟା ସୃଷ୍ଟି କରୁଥିବା ବେଳେ ଏବେ ସାର ନ ମିଳିବା ଚାଷୀକୁଳଙ୍କୁ ଚିନ୍ତାରେ ପକାଉଛି। ତୁରନ୍ତ ଏହାର ସମାଧାନ କରାଯାଉ।
– ବିଜୟ ସାହୁ, ଚାଷୀ

ଚଢ଼ା ଦରରେ କିଣିବାକୁ ପଡ଼ୁଛି
ଚାଷୀଙ୍କୁ ସାର ଯୋଗାଣରେ ସରକାର ବିଫଳ ହେଉଥିବାରୁ ଦୁଇଗୁଣା ଦର ଦେଇ ଖୋଲା ବଜାରରୁ କିଣିବାକୁ ପଡ଼ୁଛି। ଠିକଣା ସମୟରେ କ୍ଷେତରେ ସାର ନ ପଡ଼ିଲେ ଧାନ ଗଛ ବଢ଼ିବ ନାହିଁ। ଏଥିପ୍ରତି ଜିଲା କୃଷି ବିଭାଗ ଧ୍ୟାନ ଦେବାକୁ ଦାବି ହେଉଛି।
– ମନୋଜ ପ୍ରଧାନ, ଚାଷୀ


Enter your email to get our daily news in your inbox.

All Right Reserved By Dharitri.Com

ଭୋଟ ପୂର୍ବରୁ ଚାଲିଲାଣି ବାକ୍‌ଯୁଦ୍ଧ

ଭୁବନେଶ୍ୱର,୩୦ା୯(ବ୍ୟୁରୋ) : ବିଜେପୁର ଉପନିର୍ବାଚନ ନେଇ ୩ ପ୍ରମୁଖ ଦଳର ପ୍ରାର୍ଥୀ ଚୂଡ଼ାନ୍ତ ହୋଇଛି। ଶନିବାର ବିଜେଡି ପକ୍ଷରୁ ପୂର୍ବତନ ବିଧାୟିକା ରୀତା ସାହୁଙ୍କୁ ପ୍ରାର୍ଥୀ...

ବାଇକ୍‌କୁ ପଛରୁ ପିଟିଲା କାର୍‌

ସିମୁଳିଆ,୧୪।୧(ଡି.ଏନ୍‌.ଏ.)- ବାଲେଶ୍ୱର ଜିଲା ସିମୁଳିଆ ଥାନାଠାରୁ ୫କି.ମି. ଦୂର ଜାତୀୟ ରାଜପଥର ଜାମୁଝାଡି ଡାଇଭର୍ସନ ନିକଟରେ ମଙ୍ଗଳବାର ମଧ୍ୟାହ୍ନରେ ଏକ ଦୁର୍ଘଟଣା ଘଟିଛି। ବାଲେଶ୍ବର ଅଭିମୁଖେ...

ବିଶ୍ୱ ପର୍ଯ୍ୟଟନ ଦିବସ : ଅବ୍ୟବସ୍ଥା ଘେରରେ ପର୍ଯ୍ୟଟନ କ୍ଷେତ୍ର

ନୟାଗଡ଼ ଅଫିସ,୨୭।୯ : ଆଜି ବିଶ୍ୱ ପର୍ଯ୍ୟଟନ ଦିବସ। ପ୍ରତିବର୍ଷ ଭଳି ନୟାଗଡ଼ ଜିଲାରେ ଶୋଭାଯାତ୍ରାରେ ସୀମିତ ରହିବ ଦିବସ ପାଳନ କାର୍ଯ୍ୟକ୍ରମ। ଏଥିନେଇ କୌଣସି...

ଭତ୍ତା ଦେଇ ରାଶନ କାଟିଦେଲେ

କଣିହଁ। ,୧୫ା୭(ଡି.ଏନ.ଏ.) ଜନ୍ମରୁ ଦୃଷ୍ଟିହୀନ। ତେଣୁ ଆଧାରକାର୍ଡ ନାହିଁ। ଏହା ଜାଣି ବି ଜଣେ ଦିବ୍ୟାଙ୍ଗଙ୍କ ସହ ଅନ୍ୟାୟ କରାଯାଇଛି। ମାତ୍ର କେଇମାସ ତଳେ ଭତ୍ତା...

ଉଠିିଲା ସମ୍ବଲପୁରର ପ୍ରସିଦ୍ଧ ଶୀତଳଷଷ୍ଠୀ ଯାତ୍ରାର ଥାଳ

ସମ୍ବଲପୁର,୧୫ା୫(ବ୍ୟୁରୋ): ସମ୍ବଲପୁରର ପ୍ରସିଦ୍ଧ ଶୀତଳଷଷ୍ଠୀ ଯାତ୍ରା ପାଇଁ ଶନିବାର ଥାଳ ଉଠିଛି। କରୋନା କଟକଣାରେ ପରମ୍ପରା ଅନୁସାରେ କାର୍ଯ୍ୟ ସମ୍ପନ୍ନ ହୋଇଛି। ପ୍ରମୁଖ ଶୈବପୀଠ ବାଲିବନ୍ଧା...

ଫେବୃୟାରୀ ୫ରେ ପଶ୍ଚିମ ଓଡ଼ିଶା ବନ୍ଦ

ବଲାଙ୍ଗୀର ଅଫିସ, ୨୪ା୧: ପଶ୍ଚିମ ଓଡ଼ିଶାରେ ବିଭିନ୍ନ ଓକିଲ ସଂଘ ପକ୍ଷରୁ ଦୀର୍ଘବର୍ଷ ଧରି ଚାଲିଥିବା ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଆନ୍ଦୋଳନ ଏବେ ଏକ...

ଉତ୍ତରପ୍ରଦେଶ ଫେରନ୍ତା ଦୁଇ ଯୁବକଙ୍କୁ କ୍ୱାରାଣ୍ଟାଇନ୍‌ରେ ରଖିଲା ପ୍ରଶାସନ

ବିଜେପୁର,୨୬ା୪(ଡି.ଏନ୍‌.ଏ.) : କରୋନା ମହାମାରୀରୁ ରକ୍ଷା ପାଇବା ପାଇଁ ସାରା ଦେଶରେ ଦ୍ବିତୀୟ ପର୍ଯ୍ୟାୟ ଲକ୍‌ଡାଉନ୍‌ ଅବ୍ୟାହତ ରହିଛି। ଯାନବାହନ ଚଳାଚଳ ସମ୍ପୂର୍ଣ୍ଣ ବନ୍ଦ ରହିଛି।...

କୁଣ୍ଢେଇଗୋଳା-ବୁଢାପାଳ ଯୋଗାଯୋଗ ବିଚ୍ଛିନ୍ନ

ଦେବଗଡ,୨୮ା୮(ଡ଼ି.ଏନ୍‌.ଏ.) ଲଗାଣ ବର୍ଷା ଯୋଗୁ ଦେବଗଡ ରିଆମାଳ ବ୍ଲକ ଅନ୍ତର୍ଗତ କୁଣ୍ଢେଇଗୋଳା ଗ୍ରାମ ନିକଟରେ ଟିକିରା ନଦୀର ଜଳସ୍ତର ବୃଦ୍ଧି ପାଇବାରେ ଲାଗିଛି ା ଫଳରେ...

Advertisement
Archives

Model This Week