ନୂଆଦିଲ୍ଲୀ,୨୯ ।୧: ରାଜଧାନୀ ଦିଲ୍ଲୀରେ ୨୬ ଜାନୁୟାରୀରେ ହୋଇଥିବା ହିଂସା ମାମଲାକୁ ନେଇ ଦିଲ୍ଲୀ ପୋଲିସ କ୍ରାଇମବ୍ରାଞ୍ଚ ପ୍ରାୟ ୧୨ ଜଣ କୃଷକ ନେତାଙ୍କୁ ନୋଟିସ ଜାରି କରି ଶୁକ୍ରବାର କ୍ରାଇମ ବ୍ରାଞ୍ଚ କାର୍ଯ୍ୟାଳୟ ଡାକିଥିବା ଜଣାପଡିଛି । ତେବେ ଦିଲ୍ଲୀ ପୋଲିସର ନୋଟିସକୁ ନେଇ କୃଷକ ନେତାଙ୍କର କୌଣସି ପ୍ରତିକ୍ରିୟା ଏପର୍ଯ୍ୟନ୍ତ ମିଳି ପାରି ନାହିଁ । ମିଳିଥିବା ସୂନଚାରୁ ଜଣାପଡିଛି କି ୨୬ ଜାନୁୟାରୀରେ ଦିଲ୍ଲୀରେ ଯେଉଁ ହିଂସାର ବାତାବରଣ ସୃଷ୍ଟି ହୋଇଥିଲା ସେ ସମ୍ପର୍କରେ କୃଷକ ନେତାଙ୍କୁ ପଚରା ଉଚରା କରିବ । କୃଷକ ନେତା ରାକେଶ ଟିକୈତ, ବୁଟା ସିଂ ବୁର୍ଜଗିଲ, ଦର୍ଶନ ପାଲ ସିଂ, ସମସେର ପନ୍ଧେର ଓ ସତନାମ ପନ୍ନୁଙ୍କ ସମେତ ୧୨ ଜଣ ନେତାଙ୍କୁ ଯାଞ୍ଚରେ ସାମିଲ କରିବାକୁ ନୋଟିସ ଜାରି କରିଛି ।
