ନୂଆଦିଲ୍ଲୀ, ୧୫।୧୨: ଗୁରୁବାର ଜାତୀୟ ରାଜଧାନୀ ଦିଲ୍ଲୀର ପାରଦ ରେକର୍ଡ ୫ ବର୍ଷରେ ସର୍ବନିମ୍ନ ସ୍ତରକୁ ଖସି ଚଳିତ ବର୍ଷର ସର୍ବନିମ୍ନ ତାପମାତ୍ରା ରେକର୍ଡ ହୋଇଛି। ଭାରତୀୟ ପାଣିପାଗ ବିଜ୍ଞାନ କେନ୍ଦ୍ର ସୂଚନା ଅନୁଯାୟୀ ଦିଲ୍ଲୀ-ସଫଦରଜଙ୍ଗ ଅଞ୍ଚଳରେ ତାପମାତ୍ରା ୪.୯ ଡିଗ୍ରୀ ସେଲ୍ସିୟସ ରେକର୍ଡ ହୋଇଛି।
ଫଳରେ ଦିଲ୍ଲୀ ଶିମିଲାଠାରୁ ଅଧିକ ଥଣ୍ଡା ଅନୁଭବ କରିଛି। ଶିମିଲାରେ ଗୁରୁବାର ତାପମାତ୍ରା ୬.୮ ରେକର୍ଡ କରାଯାଇଛି। ତେବେ ଗୁରୁବାର ଦିଲ୍ଲୀର ସର୍ବାଧିକ ତାପମାତ୍ରା ୨୪.୨ ଡିଗ୍ରୀ ରହିଥିଲାନ ଏବଂ ପାଣିପାଗ ବିଜ୍ଞାନ କେନ୍ଦ୍ରର ପୂର୍ବାନୁମାନ ଅନୁଯାୟୀ ଶୁକ୍ରବାର ମଧ୍ୟ ଏହା ୨୪ ଆଖପାଖରେ ରହିବ। ଅନ୍ୟପରେ ଶିମିଲାରେ ଦିନର ସର୍ବାଧିକ ତାପମାତ୍ରା ୧୫ ଡିଗ୍ରୀ ରହିବାର ସମ୍ଭାବନା ରହିଛି।
ଗତକାଲି ଦିଲ୍ଲୀ ସର୍ବନିମ୍ନ ତାପମାତ୍ରା ୬.୨ ଡିଗ୍ରୀ ରିପୋର୍ଟ ହୋଇଥିଲା ଏବଂ ଚଳିତ ବର୍ଷର ଏହା ସର୍ବନିମ୍ନ ଥିଲା। ଜାତୀୟ ରାଜଧାନୀ ଦୁଇ ଦିନ ଧରି ସ୍ୱାଭାବିକ ତାପମାତ୍ରାର ରହିଆସିଛି। ବୁଧବାର ସର୍ବନିମ୍ନ ତାପମାତ୍ରା ୭.୪ ଡିଗ୍ରୀ ସେଲସିୟସ, ମଙ୍ଗଳବାର ୬.୮ ଡିଗ୍ରୀ ସେଲସିୟସ ଏବଂ ସୋମବାର ୬.୫ ଡିଗ୍ରୀ ସେଲସିୟସ ରେକର୍ଡ କରାଯାଇଛି।
