ନୂଆଦିଲ୍ଲୀ,୨୦।୧୨ : ସଂସଦର ଶୀତକାଳୀନ ଅଧିବେଶନରେ ୧୪୧ ଏମପିଙ୍କୁ ନିଲମ୍ବନ ପ୍ରସଙ୍ଗ ଦେଶରେ ଚର୍ଚ୍ଚାର ବିଷୟ ପାଲଟିଛି। ସଂସଦର ସୁରକ୍ଷା ତ୍ରୁଟି ମାମଲା ସମ୍ପର୍କରେ ପରବର୍ତ୍ତୀ ରଣନୀତି ସ୍ଥିର କରିବାକୁ କଂଗ୍ରେସ ବୁଧବାର ଏକ ସଂସଦୀୟ ଦଳ ବୈଠକ ଡାକିଥିଲା। ଏହି ବୈଠକରେ ସୋନିଆ ଗାନ୍ଧୀ କହିଛନ୍ତି ଏତେ ସଂଖ୍ୟକ ସାଂସଦଙ୍କୁ କେବେ ନିଲମ୍ବିତ କରାଯାଇ ନ ଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ଗଣତନ୍ତ୍ରକୁ ଅଡୁଆରେ ପକାଉଛନ୍ତି।
ଡିସେମ୍ବର ୧୩ରେ ଯାହା ଘଟିଲା ତାହା ଗ୍ରହଣୀୟ ନୁହେଁ। ଏହି ଘଟଣାର ୪ ଦିନ ପରେ ପ୍ରଧାନମନ୍ତ୍ରୀଙ୍କ ବିବୃତ୍ତି ଆସିଛି। ଏହାପୂର୍ବରୁ ବିରୋଧୀ ଇଣ୍ଡିଆର ଚତୁର୍ଥ ବୈଠକରେ ଏମପିଙ୍କ ନିଲମ୍ବନ ପ୍ରସଙ୍ଗ ମଧ୍ୟ ଉଠିଥିଲା। ସମସ୍ତ ବିରୋଧୀ ଦଳ ଏହାକୁ ନିନ୍ଦା କରିଥିଲେ।
କଂଗ୍ରେସର ମହା ସଚିବ ଜୟରାମ ରମେଶ ଟୁଇଟରରେ ଏକ ପୋଷ୍ଟ ଶେୟାର କରି କହିଛନ୍ତି ଲୋକସଭାରେ ସୁରକ୍ଷାର ଅଭାବ ସମଗ୍ର ଦେଶକୁ ଚକିତ କରିଛି। ଘଟଣାକୁ ଏକ ସପ୍ତାହ ବିତି ଗଲାଣି । ତଦନ୍ତ ଆରମ୍ଭ ହୋଇଛି ବୋଲି ପ୍ରଧାନମନ୍ତ୍ରୀ, ସ୍ବରାଷ୍ଟ୍ରମନ୍ତ୍ରୀ ଏବଂ ଲୋକସଭା ବାଚସ୍ପତି କହିଛନ୍ତି। ଅନୁସନ୍ଧାନ ଆରମ୍ଭ ହେବାର ୭ ଦିନ ପରେ ମଧ୍ୟ ଭାଜପା ଏମପି ପ୍ରତାପ ସିମହାଙ୍କୁ କାହିଁକି ତଦନ୍ତ କମିଟି ପଚରାଉଚରା କରୁନାହିଁ? ତାଙ୍କଠାରୁ ନେଇଥିବା ପାସରେ ଦୁଇଜଣ ଯୁବକ ଲୋକସଭାରେ ପ୍ରବେଶ କରିଥିଲେ।
ଜୟରାମ ରମେଶ କହିଛନ୍ତି ସଂସଦରେ ସୁରକ୍ଷା ଅଭାବ ସମ୍ପର୍କରେ ବିରୋଧୀ ସ୍ବରାଷ୍ଟ୍ରମନ୍ତ୍ରୀଙ୍କ ବିବୃତ୍ତି ଦାବି କରୁଛନ୍ତି। ଏଭଳି ପରିସ୍ଥିତିରେ ୧୪୧ ଏମପିଙ୍କୁ ନିଲମ୍ବନ କରିବା କୌଣସି ପ୍ରକାରେ ଠିକ ନୁହେଁ। ରମେଶ କହିଛନ୍ତି ଅଭିଯୁକ୍ତଙ୍କ ବିରୋଧରେ ୟୁଏପିଏ ଅନ୍ତର୍ଗତ ଅଭିଯୋଗ କରାଯାଇଛି।
The entire Modi ecosystem now being galvanised on the so-called mimicry non-issue, while it remains silent on the real issue of why and how a BJP MP from Mysuru facilitated entry of two intruders into Lok Sabha on December 13th — who are now charged under the anti-terror law…
— Jairam Ramesh (@Jairam_Ramesh) December 20, 2023
