ମୁମ୍ବାଇ: ବଲିଉଡ ଷ୍ଟାର୍ ଦୀପିକା ପାଦୁକୋନ ଏବଂ ରଣବୀର ସିଂହ ଦ୍ୱିତୀୟ ଥର ମା-ବାପା ହେବାକୁ ଯାଉଛନ୍ତି। ଉଭୟ କପଲ ଏନେଇ ସୋସିଆଲ ମିଡିଆରେ ଘୋଷଣା କରିଛନ୍ତି।
ସେମାନଙ୍କ ଝିଅ ଦୁଆ ସେପ୍ଟେମ୍ବର ୨୦୨୪ରେ ଜନ୍ମ ଗ୍ରହଣ କରିଥିଲେ। ତେବେ ଏହି କପଲ ସୋସିଆଲ ମିଡିଆରେ ମିଳିତ ଭାବେ ଏକ ପୋଷ୍ଟ ଶେୟାର କରି ଏହି ଖୁସିଖବର ଦେଇଛନ୍ତି। ଯେଉଁଥିରେ ଦୁଆ ଏକ ପଜିଟିଭ୍ ପ୍ରେଗ୍ନାନ୍ସି କିଟ୍ ଧରିଛନ୍ତି। ଏହା ଦେଖିବା ପରେ ବଲିଉଡ୍ ଇଣ୍ଡଷ୍ଟ୍ରିର କଳାକାର ଏବଂ ଫ୍ୟାନ୍ମାନଙ୍କ ପକ୍ଷରୁ ଉଭୟଙ୍କୁ ଅଭିନନ୍ଦନର ସୁଅ ଛୁଟିଛି।
ନଭେମ୍ବର ୨୦୧୮ରୁ ଇଟାଲୀର ଲେକ୍ କୋମୋରେ ବିବାହିତ, ଏହି କପଲ ଏବେ ବି ଫିଲ୍ମ ଇଣ୍ଡଷ୍ଟ୍ରିରେ ଆକ୍ଟିଭ୍ ଅଛନ୍ତି। ଦୀପିକା ଅଲ୍ଲୁ ଅର୍ଜୁନଙ୍କ ସହିତ ‘ରାକା’ ଭଳି ବଡ଼ ପ୍ରୋଜେକ୍ଟରେ କାମ କରୁଛନ୍ତି ଏବଂ ଶାହାରୁଖ ଖାନ୍ଙ୍କ ଆଗାମୀ ଫିଲ୍ମ ‘କିଙ୍ଗ୍’ରେ ନଜର ଆସିବେ।
