ମୁମ୍ବାଇ: ବଲିଉଡ୍ ନାୟିକା ଦୀପିକା ପାଦୁକୋନ ନିଜ ଭିନ୍ନ ଅନ୍ଦାଜ ପାଇଁ ସବୁେବେଳ ଥାଆନ୍ତି ଚର୍ଚ୍ଚାରେ । ହେଲେ ଏବେ ତାଙ୍କର ଯେଉଁ ଭିଡିଓ ଭାଇରାଲ ହେଉଛି ସେଥିରେ ସେ ମହିଳାଙ୍କୁ ଆତ୍ମବିଶ୍ୱାସୀ ହେବାର ମନ୍ତ୍ର ଦେଇଛନ୍ତି ବୋଲି କୁହାଯାଉଛି । ଉକ୍ତ ଭିଡିଓରେ ଦୀପିକା ସିମ୍ପଲ ଲୁକ୍ରେ ନଜର ଆସିଛନ୍ତି । ପରିବାରର ଷ୍ଟାଇଲ ଆଇକନ କୁହାଯାଉଥିବା ଦୀପିକା ଏକ ଜିନ୍ସ ଓ ଟିସର୍ଟ ପିନ୍ଧିଥିବା ନଜର ଆସିଛନ୍ତି । ହେଲେ ସେ ଯେଉଁ ଅନ୍ଦାଜରେ ଅଛନ୍ତି ତାହା ସମସ୍ତଙ୍କୁ ବେଶ୍ ପସନ୍ଦ ଆସିଛି । ପ୍ରକୃତରେ ଏହା ହେଉଛି ଏକ ବିଜ୍ଞାପନର ଭିଡିଓ । କିନ୍ତୁ ଏଥିରେ ସେ କେମିତି ଚିନ୍ତା ମୁକ୍ତ ହୋଇ ବଞ୍ଚିବାର ଶୈଳୀକୁ ଉପସ୍ଥାପନ କରିଛନ୍ତି ତାହା ଦେଖିବାକୁ ମିଳିଛି । ଏଥିରେ ସେ ତାଙ୍କ ସୌକ ପୂରଣ କରୁଥିବାର ଯେଉଁ ଇଚ୍ଛା ଶକ୍ତି ତାହା ଅନ୍ୟ ମହିଳାଙ୍କୁ ପ୍ରେରଣା ଦେଉଛି ବୋଲି କୁହାଯାଉଛି । ବିଜ୍ଞାପନର ଏହି ଭିଡିଓଟି ବାସ୍ତବ ଜୀବନରେ ମହିଳାଙ୍କୁ ଆତ୍ମବିଶ୍ୱାସୀ ହେବାର ପ୍ରେରଣା ଦେଉଛି ବୋଲି କୁହାଯାଉଛି । କାରଣ ଏଥିରେ ସେ କହୁଛନ୍ତି ପ୍ରତ୍ୟେକ ମହିଳାଙ୍କୁ ଖୋଲାଖୋଲି ଭାବେ ଆତ୍ମବିଶ୍ୱାସର ସହ ବଞ୍ଚିବା ଦରକାର । ଦୀପିକା ବଲିଉଡ୍ ଜଗତର ଜଣେ ସଫଳ ଅଭିନେତ୍ରୀ ହୋଇଥିବା ବେଳେ ଫିଲ୍ମ ‘ଓମ୍ ଶାନ୍ତି ଓମ୍’ ମାଧ୍ୟମର ସେ ପ୍ରଥମେ ବଲିଉଡରେ ଏଣ୍ଟ୍ରି କରିଥିଲେ ।
