ପୁରାତନ ଛାତ୍ରସଂଘ ବୈଠକରେ ନିଷ୍ପତ୍ତି:ସରକାରୀ କଲେଜ ଜମିରେ ପାଚେରୀ ନିର୍ମାଣ ସ୍ଥଗିତ ରଖାଯାଉ

ସୁନ୍ଦରଗଡ଼, ୮।୧୨ (ଡି.ଏନ୍‌.ଏ)-ସୁନ୍ଦରଗଡ ସରକାରୀ କଲେଜର ମୂଲ୍ୟବାନ ଜମିକୁ ଜବରଦଖଲକାରୀଙ୍କ କବ୍‌ଜାରୁ ମୁକ୍ତ କରିବା ପାଇଁ ଜିଲା ପ୍ରଶାସନ ପକ୍ଷରୁ ଉଦ୍ୟମ ଆରମ୍ଭ ହୋଇଛି। ପୁରାତନ ଛାତ୍ର ସଂଘ ପକ୍ଷରୁ କଲେଜରେ ଥିବା ୧୫୪. ୦୨୬ ଏକର ପରିମିତ ଜମିକୁ ଚିହ୍ନଟ କରାଯାଇ ପାଚେରୀ ନିର୍ମାଣ ପାଇଁ ଦାବି ହେବା ପରେ ପ୍ରଶାସନ ପକ୍ଷରୁ ଜିଲା ଖଣିଜ ପ୍ରତିଷ୍ଠାନ ପାଣ୍ଠିରୁ ୪କୋଟି ୫୦ଲକ୍ଷ ଟଙ୍କା ବ୍ୟୟ ଅଟକଳରେ ପ୍ରଥମ ପର୍ଯ୍ୟାୟ ପାଚେରୀ ନିର୍ମାଣ କାର୍ଯ୍ୟ ଆରମ୍ଭ ହୋଇଛି। ଏହି ପାଚେରୀ ନିର୍ମାଣ କାର୍ଯ୍ୟ ଭୁବନେଶ୍ୱରର ଏକ ଠିକାସଂସ୍ଥା କରୁଥିବା ବେଳେ କଲେଜ ପରିସରରେ ବନବିଭାଗ ପକ୍ଷରୁ ଲଗାଯାଇଥିବା ପ୍ଲାଣ୍ଟେସନ୍‌ ମଧ୍ୟରୁ ବେନିୟମ ଭାବେ ଅନୁମତି ନ ଥାଇ ଗଛ କାଟି ନଷ୍ଟ କରିବା ପରେ ଠିକାସଂସ୍ଥାର ଜଣେ କର୍ମଚାରୀଙ୍କୁ ବନବିଭାଗ ଗିରଫ କରି କୋର୍ଟଚାଲାଣ କରିଥିଲା। ଏବେ ପାଚେରୀ ନିର୍ମାଣ ବେଳେ ନିର୍ଦ୍ଧାରିତ କଲେଜ ଜମି ସୀମାକୁ ଛାଡି ପାଚେରୀ ନିର୍ମାଣକୁ ନେଇ ଅସନ୍ତୋଷ ପ୍ରକାଶ ପାଇଛି। ପୁରାତନ ଛାତ୍ର ସଂଘର ସଭ୍ୟ ତଥା ସାମାଜିକ କର୍ମୀ ସୁରୁ ମିଶ୍ର ଏସମ୍ପର୍କରେ ମହାବିଦ୍ୟାଳୟର ଅଧ୍ୟକ୍ଷ ଡ. କିଶୋର କୁମାର ଦାଶଙ୍କୁ ଲିଖିତ ଭାବେ ଅଭିଯୋଗ କରି ମହାବିଦ୍ୟାଳୟର ନିର୍ଦ୍ଧାରିତ ଜମିକୁ ଚିହ୍ନଟ କରାଯାଇ ପାଚେରୀ ନିର୍ମାଣ କରାଯିବାକୁ ଦାବି କରିଛନ୍ତି। ଏନେଇ ସେ ପୂର୍ତ୍ତ ବିଭାଗ ନିର୍ବାହୀ ଯନ୍ତ୍ରୀ, ସଦର ଉପଜିଲାପାଳ ଓ ସଦର ତହସିଲଦାରଙ୍କ ଦୃଷ୍ଟି ଆକର୍ଷଣ କରିଛନ୍ତି। ସେ ତାଙ୍କ ଏତଲା ପତ୍ରରେ ଦର୍ଶାଇଛନ୍ତି, ଯେ ମହାବିଦ୍ୟାଳୟର ଛାତ୍ରାବାସ ନିକଟରେ ଅନୁମତି ନ ଥାଇ ମାର୍କେଟ କମ୍ପ୍ଲେକ୍ସ ନିର୍ମାଣ କିଭଳି ପ୍ରସ୍ତାବ ରହିଛି ସେହିପରି କଲେଜ ଜମିରେ ନିର୍ମିତ ବାଇପାସ ରାସ୍ତା କୋଇଲା ଟ୍ରକ ଚଳାଚଳ ପାଇଁ ବ୍ୟବହୃତ ହେଉଛି। ପୁଣି ବର୍ତ୍ତମାନ ବାଇପାସ ରାସ୍ତାର ସମ୍ପ୍ରସାରଣ କରାଯାଉଥିବା ଯୋଗୁ କଲେଜ ଜମି ସଙ୍କୁଚିତ ହୋଇପଡୁଛି। ରାସ୍ତା ନିର୍ମାଣ, ସମ୍ପ୍ରସାରଣ ପାଇଁ ଅନୁମତି ଓ ଜମି ଅଧିଗ୍ରହଣ କରାଯାଇଛି କି ନାହିଁ ସେ ସମ୍ପର୍କରେ ସ୍ପଷ୍ଟ କରାଯିବା ସହ ଯଦି ଅଧିଗ୍ରହଣ କରାଯାଇଛି ସେହି ପରିମାଣ ଜମିର ମୂଲ୍ୟ କିମ୍ବା ଜମି ସରକାରୀ କଲେଜକୁ ପ୍ରଦାନ ପାଇଁ ଦାବି କରିଛନ୍ତି। ଜିଲାର ଏହି ପୁରାତନ ଶିକ୍ଷାନୁଷ୍ଠାନ ଉଚ୍ଚଶିକ୍ଷା ପାଇଁ ସୁନାମ ରହିଛି। ଆଗାମୀ ଦିନରେ ଏହାକୁ ଏକ ବିଶ୍ୱବିଦ୍ୟାଳୟରେ ପରିଣତ କରିବା ପାଇଁ ଦାବି ହୋଇଆସୁଛି। ଭବିଷ୍ୟତରେ ଏଥିପାଇଁ ଆବଶ୍ୟକୀୟ ଜମିକୁ ସୁରକ୍ଷିତ ରଖିବା ଜରୁରୀ ହୋଇପଡିଛି। ହେଲେ ବର୍ତ୍ତମାନ ପାଚେରୀ ନିର୍ମାଣ ବେଳେ ମହାବିଦ୍ୟାଳୟର ଜମି ଉପରେ ମାର୍କେଟ କମ୍ପ୍ଲେକ୍ସ ନିର୍ମାଣ ଯୋଜନା କେତେଦୂର ଯୁକ୍ତିଯୁକ୍ତ ବୋଲି ସେ ପ୍ରଶ୍ନ ଉଠାଇଛନ୍ତି। ଶୁକ୍ରବାର ପୁରାତନ ଛାତ୍ରସଂଘର ଜରୁରୀ ବୈଠକ ଅନୁଷ୍ଠିତ ହୋଇଥିଲା। ଏଥିରେ କଲେଜ ଜମିର ସୁରକ୍ଷା ଓ ପାଚେରୀ ନିର୍ମାଣ ପାଇଁ ଉପୁଜିଥିବା ସମସ୍ୟା ସମ୍ପର୍କରେ ଆଲୋଚନା ହୋଇଥିଲା। ପୁନଃ ଜମି ଚିହ୍ନଟ ସକାଶେ ତହସିଲଦାରଙ୍କୁ ଅନୁରୋଧ କରାଯିବା ପାଇଁ ପ୍ରସ୍ତାବ ଗୃହୀତ ହେବା ସହ ପୁନଃ ଜମିଚିହ୍ନଟ ହେବା ପର୍ଯ୍ୟନ୍ତ ପାଚେରୀ ନିର୍ମାଣ କାର୍ଯ୍ୟ ସ୍ଥଗିତ କରାଯିବାକୁ ନିଷ୍ପତ୍ତି ହୋଇଛି। ଅପରପକ୍ଷେ ପୂର୍ତ୍ତବିଭାଗ ନିର୍ବାହୀ ଯନ୍ତ୍ରୀ ସରୋଜ କୁମାର ମିଶ୍ରଙ୍କୁ ପଚାରିବାରେ ରାଜସ୍ବ ବିଭାଗ ପକ୍ଷରୁ ଚିହ୍ନଟ ହୋଇଥିବା ଜମି ଉପରେ ପାଚେରୀ ନିର୍ମାଣ କରାଯାଉଛି। ଏଭଳି ଅଭିଯୋଗ ଆସିବା ପରେ ରାଜସ୍ବ ବିଭାଗ ପକ୍ଷରୁ ଉକ୍ତ ସ୍ଥାନରେ ପୁନଶ୍ଚ ଚିହ୍ନଟ ପରେ ପାଚେରୀ ନିର୍ମାଣ କାର୍ଯ୍ୟ କରାଯିବ ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଅସ୍ତଗାମୀ ସୂର୍ଯ୍ୟଙ୍କୁ ଅର୍ଘ୍ୟ ଅର୍ପଣ କଲେ ବ୍ରତଧାରୀ

ବାଲିଶଙ୍କରା,୧୫ା୧୧(ହୃଦାନନ୍ଦ ବାରିକ): ସୁନ୍ଦରଗଡ଼ ଜିଲା ବାଲିଶଙ୍କରା ବ୍ଲକର ବିଭିନ୍ନ ସ୍ଥାନରେ ଶ୍ରଦ୍ଧା ଓ ଭକ୍ତିର ସହ ଛଟ ପୂଜା ପାଳିତ ହୋଇଯାଇଛି। ଏହି ଅବସରରେ ବାଲିଶଙ୍କରା ଡୁଡୁଙ୍ଗନାଳା…

ରାଜ୍ୟସ୍ତରୀୟ ଶିଶୁ ମହୋତ୍ସବରେ ଜିଜ୍ଞାସାଙ୍କ ସଫଳତା: ବକ୍ତୃତା ପ୍ରତିଯୋଗିତାରେ ତୃତୀୟ ସ୍ଥାନ

ବଡ଼ଗାଁ, ୧୪।୧୧ (ଅଶୋକ ଷଡ଼ଙ୍ଗୀ): ରାଜ୍ୟସ୍ତରୀୟ ଶିଶୁ ମହୋତ୍ସବ ‘ସୁରଭି’ର ବକ୍ତୃତା ପ୍ରତିଯୋଗିତାରେ ତୃତୀୟ ସ୍ଥାନ ହାସଲ କରି ସୁନ୍ଦରଗଡ଼ ଜିଲାର ବଡ଼ଗାଁ ଅଞ୍ଚଳ ପାଇଁ ଗୌରବ…

ରାସ୍ତା ଦୁର୍ଘଟଣାରେ ଶହୀଦ ହେଲେ ଅଜୟ, ଜନ୍ମମାଟିରେ ଜଳିଲା ଜୁଇ, ଲୁହରେ ଭିଜିଲା ପୂରା ଗାଁ

ସବଡେଗା,୧୪ା୧୧(ଅନନ୍ତ ପଟେଲ): ସୁନ୍ଦରଗଡ ଜିଲା ସବଡେଗା ବ୍ଲକ କଇଁସରା ଗ୍ରାମର ଅଜୟ ବାଆ ତିନିବର୍ଷ ହେବ ଓଡ଼ିଶା ପୋଲିସରେ ଯୋଗ ଦେଇଥିଲେ। କାର୍ଯ୍ୟରତ ସମୟରେ ଅଜୟ କଲ…

ରାଜପୁରରେ ଚାଞ୍ଚଲ୍ୟ: ହତ୍ୟାକରି ଧାନବିଲରେ ଦୋକାନୀଙ୍କ ମୃତଦେହ ଫିଙ୍ଗିଦେଲେ ଦୁର୍ବୃତ୍ତ

ସୁନ୍ଦରଗଡ଼ର,୧୪ା୧୧(ଜୟନାରାୟଣ ମେଣ୍ଡୁଳି): ସୁନ୍ଦରଗଡ଼ ସଦର ଥାନା ଅଞ୍ଚଳରେ ନିରୀହ ବ୍ୟକ୍ତିଙ୍କୁ ନିର୍ମମ ଭାବେ ହତ୍ୟା କରାଯାଇଛି। ହତ୍ୟା ପରେ ମୃତଦେହକୁ ଧାନ ବିଲରେ ଫିଙ୍ଗି ଫେରାର ହୋଇଯାଇଛନ୍ତି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?