ଉଜୁଡ଼ିଲାଣି କୋବି ଫସଲ, ଚିନ୍ତାରେ ଚାଷୀ

ରସୁଲପୁର,୧।୧୨(ଡି.ଏନ.ଏ.): ଏଥର ପରିବା ଫସଲ ପାଇଁ ପାଗ ଅନୁକୂଳ ରହିଛି। ମାତ୍ର ପରିବେଶର ତାପମାତ୍ରାରେ ଅସମ୍ଭବ ଧରଣର ପରିବର୍ତ୍ତନ ପରିବା ଫସଲରେ ନୂଆ ରୋଗପୋକ ସୃଷ୍ଟି କରୁଛି, ଯାହାକୁ ଚିହ୍ନଟ କରିବା ଚାଷୀଙ୍କ କ୍ଷେତ୍ରରେ ଅସମ୍ଭବ ହୋଇପଡୁଛି। ଯେତେ ପ୍ରକାର ଉପଚାର କଲେ ବି ପୋକଙ୍କ ପ୍ରଭାବ କମୁନି। ଫଳରେ ଯାଜପୁର ଜିଲା ରସୁଲପୁର ବ୍ଲକର ସିଂହାପୁର, ଓଡିଶୋ, କଲଣ, ନଠୁଆବର, ଯାବରା, ଶ୍ରୀବନ୍ତପୁର, ବଡକଇଁଚି, ରାହାମ୍ବା, ବାରବାଟୀ ଆଦି ଅଞ୍ଚଳରେ ଚାଷ ହୋଇଥିବା ଏକାଧିକ ଏକର କୋବି ଫସଲ ଉଜୁଡିବାକୁ ବସିଛି। ଅଜଣା ରୋଗପୋକ ପ୍ରଭାବରେ କୋବି ଗଛର ପତ୍ର କଣା ହୋଇଯାଉଛି। ଗଛଗୁଡିକ ଭଲ ଭାବରେ ବଢିପାରୁ ନାହିଁ। ଏଥିନେଇ ଚାଷୀକୁଳ ଚିନ୍ତାରେ ଅଛନ୍ତି।
ପ୍ରାପ୍ତ ସୂଚନା ଅନୁଯାୟୀ, ଗୋଟିଏ ଏକର କୋବି କିଆରିରେ ୨୫୦୦ରୁ ୩୦୦୦ କୋବି ଚାରା ଲାଗୁଛି। ଗୋଟିଏ କୋବି ଚାରା ତଳି ପକାଇ ଲଗାଇବାକ୍ଷମ କଲାବେଳକୁ ଗଛ ପିଛା ୧ଟଙ୍କା ଖର୍ଚ୍ଚ ହେଉଛି। ଏହାଛଡା ସାର, ଔଷଧ, କୋଡାଖୁସା, ପାଣି ମଡାଇବା ଆଦି ବାବଦକୁ ୨ରୁ ୩ଟଙ୍କା ଖର୍ଚ୍ଚ ହେଉଛି। ଏହାପରେ ଚାଷୀର ପାରିଶ୍ରମିକ ରହୁଛି। ଦେଖିବାକୁ ଗଲେ ଗୋଟିଏ କୋବି ଉପତ୍ାଦନକ୍ଷମ ହେବା ବେଳକୁ ସେଥିରେ ୫ରୁ ୬ଟଙ୍କା ଖର୍ଚ୍ଚ ହୋଇଯାଉଛି। ଚାଷୀ ଗୋଟିଏ କୋବିକୁ ଅନୂ୍ୟନ ୧୦ଟଙ୍କାରେ ବିକ୍ରି ନ କଲେ ଲାଭବାନ୍‌ ହୋଇପାରିବ ନାହିଁ। ତେବେ ଗଛ ଉତୁରିବା ବେଳକୁ ପୋକ ପ୍ରଭାବରେ ନଷ୍ଟ ହୋଇଯାଉଛି। ଏହା ଗୁଣ୍ଡିପୋକ ଭଳି ଦେଖାଯାଉଛନ୍ତି। ଏହି ପୋକ ମାରିବା ପାଇଁ ଚାଷୀ ଚିରାଚରିତ ଢଙ୍ଗରେ ଔଷଧ ସିଞ୍ଚନ କରୁଛନ୍ତି। ମାତ୍ର ତାହା ପ୍ରଭାବଶାଳୀ ହୋଇପାରୁ ନାହିଁ। ଔଷଧ ସିଞ୍ଚନ ସମୟରେ ପୋକଗୁଡିକ ଉଡିଯାଉଛନ୍ତି। ଔଷଧ ଗନ୍ଧ ଚାଲିଯିବା ପରେ ପୁଣି କୋବି ଗଛଗୁଡିକୁ ଝୁଣି ଖାଇଯାଉଛନ୍ତି। ଏହି ପ୍ରଜାତିର ପୋକକୁ ଚିହ୍ନଟ କରି ଦୂର କରିବା ପାଇଁ କୃଷି ବୈଜ୍ଞାନିକଙ୍କ ପକ୍ଷରୁ କ୍ଷେତ ପରିଦର୍ଶନ ଲାଗି ଚାଷୀ ଧର୍ମେନ୍ଦ୍ର ସ୍ବାଇଁ, ବୈଧର ନାୟକ, ଜ୍ୟୋତି ପ୍ରକାଶ ନାୟକ ପ୍ରମୁଖ ଦାବି କରିଛନ୍ତି। ଚାଷୀମାନେ ଏହାକୁ ଏକ ଭିନ୍ନ ପ୍ରକାର ଉଡ଼ା ପୋକ ବୋଲି ଭାବୁଛନ୍ତି। ଶୀତ ଅଧିକ ପଡିଲେ ଏହି ପୋକଗୁଡିକ ଉଭାନ୍‌ ହୋଇଯାଇ ପାରନ୍ତି ବୋଲି ସେମାନେ ଆଶା ପ୍ରକଟ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଇଣ୍ଡିପେଣ୍ଡେଣ୍ଟ କପ୍‌ ଫୁଟବଲ ଟୁର୍ନାମେଣ୍ଟ : କୋମନା, ନୂଆପଡା ମଧ୍ୟରେ ଫାଇନାଲ ମ୍ୟାଚ୍‌

କୋମନା,୨୫।୮(ଡି.ଏନ.ଏ.) ନୂଆପଡା ଜିଲା କୋମନା ବ୍ଲକ ତରବୋଡସ୍ଥିତ ରାଜିବ ଗାନ୍ଧୀ ମିନି ଷ୍ଟାଡିୟମରେ ଚାଲିଥିବା ଦ୍ୱାଦଶ ଇଣ୍ଡିପେଣ୍ଡେଣ୍ଟ କପ ଫୁଟବଲ ଟୁର୍ନାମେଣ୍ଟର ଦୁଇଟି ସେମି ଫାଇନାଲ...

ଡ୍ରେନେଜ, ପାନୀୟଜଳ ସମସ୍ୟା ସମାଧାନ ଉପରେ ଗୁରୁତ୍ୱ

ଧାମନଗର, ୧୮।୫ (ସ୍ବ.ପ୍ର./ଡି.ଏନ.ଏ.) – ଭଦ୍ରକ ଜିଲା ଧାମନଗର ଏନ୍‌ଏସିର ପ୍ରଥମ ସାଧାରଣ ବୈଠକ ମଙ୍ଗଳବାର ଅଧ୍ୟକ୍ଷା ନିବେଦିତା ଜେନାଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି। ଏମ୍‌ପି...

ପୋଖରୀରେ ବୁଡ଼ି ନିଶାସକ୍ତ ଯୁବକଙ୍କ ମୃତ୍ୟୁ: ମଦ ବିକ୍ରି ବନ୍ଦ ପାଇଁ ମହିଳାଙ୍କ ବିକ୍ଷୋଭ

ଧରାକୋଟ,୬ା୧୧(ଡି.ଏନ.ଏ.)-ଧରାକୋଟ ବ୍ଲକର ଜାହାଡ଼ା ଗ୍ରାମରେ ସୋମବାର ରାତିରେ ପୋଖରୀରେ ବୁଡ଼ି ଜଣେ ନିଶାସକ୍ତ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ବିଶ୍ୱନାଥ ନାୟକ (୨୭)। ଅଗ୍ନିଶମ...

କାଠ ସଂଗ୍ରହ ବେଳେ ଜଙ୍ଗଲରେ ମହିଳାଙ୍କୁ ବଳାତ୍କାର

ଅମରପାଲି,୧୨ା୧୧(ଡି.ଏନ.ଏ.): ସୁବର୍ଣ୍ଣପୁର ଜିଲା ବୀରମହାରାଜପୁର ଥାନା ଅଞ୍ଚଳରେ ଜଣେ ବିବାହିତା ମହିଳାଙ୍କୁ ବଳାତ୍କାର କରାଯାଇଥିବା ଥାନାରେ ଅଭିଯୋଗ ହୋଇଛି। ଏହି ଘଟଣାରେ କୁମରକେଲି ଅଞ୍ଚଳର ଜଣେ...

ବରଗଡ଼ରେ ପୁଣି ଜଣେ କରୋନା ପଜିଟିଭ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୬୮ରେ ପହଞ୍ଚିଲା

ବରଗଡ଼ ଅଫିସ,୧୦।୭: ବରଗଡ଼ ଜିଲାରେ ଶୁକ୍ରବାର ପୁଣି ଜଣେ କରୋନା ପଜିଟିଭ ଚିହ୍ନଟ ହୋଇଛନ୍ତି। ଆକ୍ରାନ୍ତ ଜଣଙ୍କ ବରଗଡ଼ ପୌର ପରିଷଦ ଅନ୍ତର୍ଗତ ୱାର୍ଡ ନଂ....

ଚୈତ୍ର ମଙ୍ଗଳବାର: କରୋନାରୁ ରକ୍ଷା ଲାଗି ମା’ତାରାତାରିଣୀଙ୍କ ପୀଠରେ ହେଲା ସ୍ବତନ୍ତ୍ର ପୂଜା

ପୁରୁଷୋତ୍ତମପୁର, ୩୧।୩(ଡି.ଏନ୍‌.ଏ.): ଗଞ୍ଜାମ ଜିଲାର ପ୍ରସିଦ୍ଧ ଶକ୍ତି ପୀଠ ଇଷ୍ଟଦେବୀ ମା’ ତାରାତାରିଣୀଙ୍କ ମନ୍ଦିରରେ ଚୈତ୍ର ମଙ୍ଗଳବାର ଚତୁର୍ଥ ପାଳି ଯାତ୍ରା ଅବସରରେ ଜନଶୂନ୍ୟ ହୋଇପଡିଛି।...

୨ ବାଇକ୍‌ ମୁହାଁମୁହିଁ, ଚାଲିଗଲା ଜଣଙ୍କ ଜୀବନ

ବାରିପଦା ଅଫିସ,୧୯ା୧୧: ମୟୂରଭଞ୍ଜ ଜିଲା ବୈଶିଙ୍ଗା ଥାନା ଅଧୀନ ବୈଶିଙ୍ଗା-ଉଦଳା ରାସ୍ତାର ଉତ୍ତରପାଳ ଛକ ନିକଟରେ ବୁଧବାର ଦୁଇ ବାଇକ୍‌ ମୁହାଁମୁହିଁ ଧକ୍କା ହେବାରୁ ଜଣଙ୍କର...

ଭିତରକନିକାରେ ଶୁଭିଲାଣି ଦେଶୀୟ ପକ୍ଷୀଙ୍କ କାକଳି

ରାଜନଗର, ୧୫ା୬(ଡି.ଏନ.ଏ.): ବିଶ୍ୱପ୍ରସିଦ୍ଧ ଭିତରକନିକାରେ ଦେଶୀୟ ପକ୍ଷୀଙ୍କ ଭିଡ ବଢିବାରେ ଲାଗିଛି। ଭିତରକନିକାର ମଠଆଡିଆ, ଭିତରକନିକାପାଟିଆ ଓ ଲକ୍ଷ୍ମୀପ୍ରସାଦଡିଆରେ ଦେଶୀୟ ପକ୍ଷୀ ଭିଡ ଜମାଇଲେଣି। ଦେଶୀୟ...

Advertisement
Archives

Model This Week