ଛତ୍ରପୁର,୨୪ା୮(ଡି.ଏନ୍.ଏ.): ଗଞ୍ଜାମ ଜିଲାରେ କରୋନା କଟକଣା ସାମାନ୍ୟ କୋହଳ ହୋଇଛି। ଜିଲାପାଳ ବିଜୟ ଅମୃତା କୁଲାଙ୍ଗେ ଟୁଇଟ୍ କରି ସୂଚନା ଦେଇଛନ୍ତି ଯେ, ସୋମବାରଠାରୁ ଶୁକ୍ରବାର ଯାଏ ଦୋକାନ ବଜାର ସକାଳ ୫ଟାରୁ ରାତି ୮ଟା ଯାଏ ଖୋଲାରହିବ । ପୂର୍ବରୁ ବ୍ରହ୍ମପୁର ସହରରେ ଏହି ନୂଆ ସମୟ ଘୋଷଣା ହୋଇଥିଲା। ଜିଲାରେ ପୂର୍ବରୁ ଅପରାହ୍ନ ୪ଟା ଯାଏ ଦୋକାନବଜାର ଖୋଲା ରହୁଥିଲା। ତେବେ ପୂର୍ବଭଳି ଜିଲାରେ ଶନିବାର ଓ ରବିବାର ସପ୍ତାହନ୍ତ ଶଟ୍ଡାଉନ୍ ଜାରି ରହିବ। ଏଥିସହିତ ବ୍ରହ୍ମପୁର ସହର ଭିତରେ ପ୍ରବେଶ ଓ ବାହାରକୁ ଯିବା ଉପରେ ଥିବା କଟକଣା ମଧ୍ୟ ଉଠିଛି। ଅପରପକ୍ଷରେ ସମସ୍ତ ଦୋକାନ ସାମାଜିକ ଦୂରତା ଓ ପଞ୍ଚସୂତ୍ର ନିୟମ ମାନିବାକୁ ପଡ଼ିବ ମାସ୍କ ପିନ୍ଧିବା, ଅନ୍ୟଠାରୁ ୨ ମିଟର ଦୂରତା ଅବଲମ୍ବନ କରିବାକୁ ଜିଲାପାଳ ଅନୁରୋଧ କରିଛନ୍ତି।
