କେନ୍ଦୁଝର,୩ା୧୧(ସ୍ବ.ପ୍ର.)-ଖଣି ଓ ଶିଳ୍ପ ସମୃଦ୍ଧ କେନ୍ଦୁଝର ଜିଲାର ବିକାଶ ପାଇଁ ବହୁ ଯୋଜନା କାର୍ଯ୍ୟକାରୀ ହେଉଥିଲେ ହେଁ ମରାମତି ଅଭାବରୁ ବହୁ ରାସ୍ତାଘାଟ ତଥା ପୋଲ ଅସୁରକ୍ଷିତ ହୋଇ ରହିଛି ା ଏହି ସବୁ ରାସ୍ତା ଓ ପୋଲର ମରାମତି ନେଇ ପ୍ରଶାସନ କିମ୍ବା କମ୍ପାନୀଗୁଡ଼ିକ ପକ୍ଷରୁ ପଦକ୍ଷେପ ଗ୍ରହଣ କରାଯାଉ ନ ଥିବାରୁ ଅସନ୍ତୋଷ ବଢୁଛି। ୨୦ ନମ୍ବର ଜାତୀୟରାଜପଥକୁ ସଂଯୋଗ କରୁଥିବା ଗୋହାଲଡିହି ସାଇଡିଂ -ରତନପୁର ରାସ୍ତା ସାଇଡିଂକୁ ଲୁହାପଥର ବୋଝେଇ ଟ୍ରକ ଚଳାଚଳ କରୁଥିବାରୁ ରାସ୍ତାଟି ଭାଙ୍ଗି ବଡ ବଡ ଖାଲ ହୋଇ ବିପଦପୂର୍ଣ୍ଣ ଅବସ୍ଥାରେ ରହିଛି ା ସେହିପରି ମାଛକାନ୍ଦଣା ନଦୀ ଉପରେ ଥିବା ପୋଲ ଭାରିଯାନ ଚଳାଚଳ ଯୋଗୁ ବିପଦଶଙ୍କୁଳ ଅବସ୍ଥାରେ ରହିଛି। କେତେବେଳେ ଏହା ଭୁଶୁଡ଼ିପଡ଼ିବ ବୋଲି ଅଞ୍ଚଳବାସୀ କହିଛନ୍ତି। ବର୍ଷା ଦିନରେ ପୋଲ ଉପରେ ପାଣି ଚଳାଚଳ କରିଥାଏ ା ଫଳରେ ଯାତାୟତ ବନ୍ଦ ରହିଥାଏ। ଧୂଳିଧୂଆଁ ଯୋଗୁଁ ଲୋକଙ୍କ ଚାଷ ଜମି କ୍ଷତିଗ୍ରସ୍ତ ହେଉଥିବାବେଳେ ଜଳାଶୟ ପ୍ରଦୂଷିତ ହେଉଛି। ରାସ୍ତାରେ ଲୁହାପଥର ପଡି ରହିଥିବାରୁ ସାଇକେଲ, ବାଇକ କିମ୍ବା ପାଦରେ ଚାଲି ଯାତାୟାତ କରୁଥିବା ଲୋକ ଦୁର୍ଘଟଣାର ସମ୍ମୁଖୀନ ହେଉଛନ୍ତି। ଏଣୁ ଏନେଇ ତୁରନ୍ତ ପ୍ରତିକାର କରା ନ ଗଲେ ବାଧ୍ୟ ହୋଇ କ୍ଷତିଗ୍ରସ୍ତ ଲୋକ ମାନେ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି।
