ସୋସିଆଲ ମିଡିଆରେ ପଶୁପକ୍ଷୀଙ୍କ ସୁନ୍ଦର ସୁନ୍ଦର ଭିଡିଓ ଭାଇରାଲ ହୋଇଥାଏ। ଏଥିରୁ କିଛି ଭିଡିଓ ଲୋକଙ୍କ ହୃଦୟ ଜିତିଯାଏ। ପୂର୍ବରୁ ଆପଣ ନିଶ୍ଚିତ ଭାବରେ କୁକୁର, ବିଲେଇ, ମାଙ୍କଡ଼ଙ୍କର ଅନେକ ଆଶ୍ଚର୍ଯ୍ୟଜନକ ଏବଂ ମଜାଳିଆ ଭିଡିଓ ଦେଖିଥିବେ। କିନ୍ତୁ ଏବେ ସୋସିଆଲ ମିଡିଆରେ କାଉର ଫ୍ୟାଶନ ଶୋ’ ଦେଖିଲେ ହସିହସି ଗଡ଼ିବେ।
@Gabriele_Corno ନାମକ ଏକ ଟୁଇଟର ପେଜ୍ରେ ଶେୟାର ହୋଇଥିବା ଭିଡିଓରେ କାଉର ଫ୍ୟାଶନ ଦେଖି ଲୋକେ ହସିହସି ଗଡ଼ିଛନ୍ତି। ସତେ କି କାଉ ନିଜକୁ ଏକ ମଡେଲ ଭଳି ଭାବି ର଼୍ୟାମ୍ପ୍ ଶୋ’ରେ ଚାଲୁଛି।
Fashion show pic.twitter.com/v7ywJJ2dha
— Gabriele Corno (@Gabriele_Corno) August 23, 2022
ଭିଡିଓରେ କାଉଟି ଏକ ପାଚେରି କାନ୍ଥରେ ଚାଲୁଛି। ଏମିତି ଢଳି ଢଳି ଚାଲି ଆସୁଛି ସତେ କି ଏକ ମଡେଲ ଚାଲୁଛି। କାଉର ଷ୍ଟାଇଲ୍, ମନୋଭାବ ସବୁକିଛି ଆଖି ଦୃଶିଆ।
ଭିଡିଓଟି ସୋସିଆଲ ମିଡିଆରେ ଶେୟାର ହେବା ମାତ୍ରେ ଲୋକମାନେ କାଉର ଏପରି ଭାବଭଙ୍ଗୀକୁ ଖୁବ୍ ପସନ୍ଦ କରିଛନ୍ତି। ଭିଡିଓ ଶେୟାର ହେବାର ୨୪ ଘଣ୍ଟା ମଧ୍ୟରେ ଏହାକୁ ୫ ଲକ୍ଷରୁ ଅଧିକ ଲୋକ ଦେଖିସାରିଲେଣି। ସେହିପରି ୩୦ ହଜାରରୁ ଅଧିକ ଲୋକ ଏହାକୁ ପସନ୍ଦ କରିଛନ୍ତି। କିଛି ୟୁଜର ଭିଡିଓକୁ ନିଜ ନିଜ ଆକାଉଣ୍ଟରେ ଶେୟାର ବି କରିଛନ୍ତି।
