ଅପରାଧପ୍ରବଣ ରାଉରକେଲା ରେଳଷ୍ଟେଶନ

ରାଉରକେଲା,୨୮ା୪(ସଙ୍ଗୀତା ଜେନା)ଦକ୍ଷିଣ ପୂର୍ବ ରେଳପଥ ଅଧୀନରେ ଥିବା ରାଉରକେଲା ରେଳ ଷ୍ଟେଶନର ପ୍ରମୁଖତା ରହିଆସିଛି। ଦୂରଦୂରାନ୍ତକୁ ଯାତ୍ରା କରିବା ପାଇଁ ପ୍ରତିଦିନ ଏହି ଷ୍ଟେଶନକୁ ହଜାର ହଜାର ଯାତ୍ରୀ ଆସିଥାନ୍ତି। ହେଲେ ପ୍ଲାଟ୍‌ଫର୍ମରେ ସୁରକ୍ଷା ଅବହେଳା ଯୋଗୁ ଏହା ଦିନକୁ ଦିନ ଅପରାଧପ୍ରବଣ ହେଉଥିବା ଅଭିଯୋଗ ହୋଇଛି। ଏଠାରେ ନିଶାସକ୍ତ ଅବସ୍ଥାରେ ନାବାଳକମାନେ ଯାତ୍ରୀଙ୍କୁ ଛୁରାମାଡ଼କରି ଲୁଟପାଟ କରୁଛନ୍ତି। ଏହି ନାବାଳକଙ୍କ ଟାର୍ଗେଟରେ ଦୂରଗାମୀ ଟ୍ରେନ୍‌ଯାତ୍ରୀମାନେ ରହିଛନ୍ତି। ସନ୍ଧ୍ୟା କିମ୍ବା ରାତି ସମୟରେ ଟ୍ରେନ୍‌ଗୁଡିକ ପ୍ଲାଟ୍‌ଫର୍ମ ୪ ଓ ୫ରେ ରହିଲେ ଯାତ୍ରୀମାନେ ଚଳପ୍ରଚଳ ପାଇଁ ଓହ୍ଲାଇଥାନ୍ତି। ଏହାର ସୁଯୋଗ ନେଇ ସେମାନ ଯାତ୍ରୀଙ୍କୁ ଆକ୍ରମଣକରି ମୋବାଇଲ, ଟଙ୍କା, ସୁନାଗହଣା ଲୁଟ୍‌ କରୁଥିବା ରାଉରକେଲା ରେଳବାଇ ସୁରକ୍ଷା ବଳ ଓ ଜିଆର୍‌ପି ଥାନାରେ ଅଭିଯୋଗ ହୋଇଛି। ମାର୍ଚ୍ଚ ୨୩ରେ ଉତ୍ତରପ୍ରେଦଶର ୪ ଜଣ ଯୁବକ ବିହାର ଯାତ୍ରା କରୁଥିଲେ। ରାଉରକେଲା ଷ୍ଟେଶନରେ ଟ୍ରେନ୍‌ ରହିବା ପରେ ଜଣେ ଯୁବକ ପରିସ୍ରା କରିବା ପାଇଁ ପ୍ଲାଟ୍‌ଫର୍ମର ଅନ୍ଧାରୁଆ ସ୍ଥାନକୁ ଯାଇଥିଲେ। ସେଠାରେ ଉକ୍ତ ଯାତ୍ରୀଙ୍କୁ ସଂଘବଦ୍ଧ ଭାବେ କେତେଜଣ ନାବାଳକ ଛୁରାମାଡ଼ କରିଥିଲେ। ଏନେଇ ସେ ଜିଆର୍‌ପିରେ ଅଭିଯୋଗ କରିଥିଲେ। ସେହିପରି ୨ ଦିନ ପୂର୍ବେ ସମାନ ପ୍ଲାଟ୍‌ଫର୍ମରେ ଝାଡ଼ଖଣ୍ଡର ଜଣେ ଯାତ୍ରୀଙ୍କୁ ଛୁରିରେ ଆକ୍ରମଣକରି ତାଙ୍କଠାରୁ ଦାମୀ ମୋବାଇଲ ଓ ଟଙ୍କା ଲୁଟ୍‌କରି ନେଇଛନ୍ତି। ଏହାର ଅଭିଯୋଗ ପରେ ପୋଲିସ ୨ ଜଣ ନାବାଳକଙ୍କ ସମେତ ୨ ଯୁବକଙ୍କୁ ଗିରଫ କରିଥିଲା। ଅଧିକ ସଂଖ୍ୟାରେ ମୋବାଇଲ ଛିନ୍‌ତାଇ କରାଯାଉଥିବା ଅଭିଯୋଗ ମଧ୍ୟ ହୋଇଛି। ରାଉରକେଲା ରେଳବାଇ ସୁରକ୍ଷା ବଳର ସୂଚନା ଅନୁଯାୟୀ, ଚଳିତ ବର୍ଷ ଆରମ୍ଭରୁ ଆଜି ପର୍ଯ୍ୟନ୍ତ ୧୬ରୁ ଊର୍ଦ୍ଧ୍ୱ ମୋବାଇଲ ଓ ଦାମୀ ସାମଗ୍ରୀ ଛିନ୍‌ତାଇ ହୋଇଛି। ଏହାର ଅଦ୍ୟାବଧି ତଦନ୍ତ ଜାରି ରହିଛି। ପ୍ଲାଟ୍‌ଫର୍ମରେ ଥିବା ବ୍ୟବସାୟୀଙ୍କ ମତରେ ପ୍ଲାଟ୍‌ଫର୍ମ ୧,୨ ଓ ୩ ରେ କମ୍‌ ଅପରାଧ ହେଉଥିବା ବେଳେ ଅଧିକ ଆପରାଧିକ ମାମଲା ୪ ଓ ୫ ପ୍ଲାଟ୍‌ଫର୍ମରେ ହେଉଛି। ଏ ସମ୍ପର୍କରେ ଷ୍ଟେଶନର ସୁରକ୍ଷା ବଳ (ଆର୍‌ପିଏଫ୍‌) ଅଧିକାରୀ ଗୌତମ ପ୍ରସାଦ ଗାନ୍ଧୀଙ୍କୁ ପଚାରିବାରୁ, ପ୍ଲାଟ୍‌ଫର୍ମ ୪ ଓ ୫ ବନ୍ଧମୁଣ୍ଡା ଓ ଚକ୍ରଧରପୁର ଡାଉନ୍‌ଲାଇନରେ ରହିଛି। ଉକ୍ତ ପ୍ଲାଟ୍‌ଫର୍ମର ୪୦-୫୦ ମିଟର ପରେ ବିସ୍ତୀର୍ଣ୍ଣ ପଡ଼ିଆ। ରେଳବାଇ ସେଡ୍‌ ଓ ସିଆଇଏସ୍‌ଏଫ୍‌ର ଅବ୍ୟବହୃତ ଗୋଦାମ ରହିଛି। ଏହା ଶୂନ୍‌ଶାନ ଅଞ୍ଚଳ। ଏଠାରେ ରେଳ ବିଭାଗର ପାଚେରି ଥିଲେ ମଧ୍ୟ ତାହାକୁ ସ୍ଥାନୀୟ ଲୋକେ ଭାଙ୍ଗି ସେହି ରାସ୍ତାରେ ଯା’ଆସ କରୁଛନ୍ତି। ଅପରପକ୍ଷରେ, ଡେନ୍‌ଡ୍ରାଇଟ୍‌ ଓ ଡ୍ରଗ୍ସ ସେବନ କରୁଥିବା ନାବାଳକମାନେ ଏହି ପ୍ରକାର ଅପରାଧ ଘଟାଉଛନ୍ତି। ନିୟମିତ ପାଟ୍ରୋଲିଂ ହେଉଛି। ଷ୍ଟେଶନ ପରିସର ଓ ଟ୍ରେନ୍‌ଗୁଡ଼ିକରେ ସୁରକ୍ଷା ଦିଆଯାଉଛି। କର୍ମଚାରୀ ଅଭାବ ଯୋଗୁ ପ୍ଲାଟ୍‌ଫର୍ମରେ କର୍ମଚାରୀ ଅଧିକ ସମୟ ପାଟ୍ରୋଲିଂ କରୁପାରୁନାହାନ୍ତି। ପ୍ଲାଟ୍‌ଫର୍ମ ସଂଲଗ୍ନ ଜନବସତିରେ ମାଷ୍ଟରମାଇଣ୍ଡ ଅପରାଧୀମାନେ ନାବାଳକଙ୍କୁ ବିିଭିନ୍ନ ଅପରାଧ କାର୍ଯ୍ୟରେ ନିୟୋଜିତ କରୁଛନ୍ତି। ଅନେକ ସମୟରେ ଜିଆର୍‌ପି ଓ ଆର୍‌ପିଏଫ୍‌ ପକ୍ଷରୁ ମିଳିତ ଅଭିଯାନ କରାଯାଉଛି। ତେବେ ନାବାଳକ ଅପରାଧୀଙ୍କ ସଂଖ୍ୟା ଅଧିକ ରହିଛି। ସେମାନଙ୍କ ନାମରେ ଏକାଧିକ ମାମଲା ରହିଛି ବୋଲି ଆର୍‌ପିଏଫ୍‌ ଅଧିକାରୀ ଗାନ୍ଧୀ କହିଥିଲେ।


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ଛୁଇଁବ ବାତ୍ୟାର ବାହ୍ୟ ବଳୟ: ୧୪ ମିଟର ଉଚ୍ଚକୁ ଉଠିବ ସମୁଦ୍ର ଢେଉ, ୭୦ କି.ମି. ବେଗରେ…

ଭୁବନେଶ୍ୱର, ୧୭ା୧୧ (ବନ୍ଦନା ସେଠୀ) – ବଙ୍ଗୋପସାଗରରେ ଅତି ମନ୍ଥର ଗତିରେ ଘଣ୍ଟା ପ୍ରତି ୩ କି.ମି. ବେଗରେ ଆଗକୁ ବଢ଼ୁଛି ବାତ୍ୟା ‘ଅକ୍ୱାନ’। ବୁଧବାର ଏହା…

ଢାବା ପଛପଟେ ଚାଲିଥିଲା ଜୁଆ କାରବାର: ଅତାବିରା ପୋଲିସର ଅଚାନକ ଚଢ଼ାଉରେ ୨୮ ହଜାରରୁ ଅଧିକ ଟଙ୍କା ଜବତ

ଅତାବିରା/ଗୋଡଭଗା,୧୭।୧୧(ଯୁଧିଷ୍ଠିର ମହାପାତ୍ର/ସୁରେଶ ଦାଶ))- ବରଗଡ଼ ଜିଲା ଅତାବିରା ଥାନା ଅନ୍ତର୍ଗତ ଗୋଡ଼ଭଗା ନିକଟ ଏକ ଢାବା ପଛପଟେ ରୁଟିନ୍ ବାହାରେ ଚାଲିଥିବା ଏକ ଜୁଆ ଆଡ୍ଡା ଉପରେ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ପୂରଣ ହେଲା ଦୀର୍ଘ ବର୍ଷର ସ୍ୱପ୍ନ: ଗୁଡ଼ାରି ତହସିଲ ଝିଗିଡ଼ିବାଟା ଗ୍ରାମର ୨୦ ପରିବାରକୁ ମିଳିଲା…

ଗୁଡ଼ାରି, ୧୭।୧୧(ପ୍ରମୋଦ କୁମାର ପତି): ରାୟଗଡ଼ା ଜିଲା ଗୁଡ଼ାରି ତହସିଲ ଅନ୍ତର୍ଗତ ଢେପାଗୁଡ଼ା ରାଜସ୍ୱ ଅଞ୍ଚଳର ଝିଗିଡ଼ିବାଟା ଗ୍ରାମର ୨୦ଟି ପରିବାରକୁ ସ୍ଥାୟୀ ଘରବାରି ପଟ୍ଟା ପ୍ରଦାନ…

ଭାତ ଗାଳୁଥିଲେ ମା’, ଗରମ ପେଜରେ ପଡ଼ି ୨ ବର୍ଷୀୟା ଶିଶୁକନ୍ୟା ଗୁରୁତର; ଶରୀରର…

ପାଟଣା, ୧୭।୧୧(ବୀର କିଶୋର ଦାଶ): ଗରମ ପେଜରେ ପଡ଼ି ଜଣେ ଦୁଇ ବର୍ଷର ଶିଶୁକନ୍ୟା ଗୁରୁତର ଭାବେ ପୋଡ଼ିଯାଇ ଆହତ ହୋଇଛନ୍ତି। ଏହି ଅଘଟଣରେ ଶିଶୁକନ୍ୟାଙ୍କ ଶରୀରର…

ସ୍କୁଲ ଯାଇ ନିଖୋଜ ଥିଲେ ୧୦ମ ଶ୍ରେଣୀ ଛାତ୍ରୀ, ଯାତ୍ରୀବାହୀ ବସ୍‌ରୁ ଉଦ୍ଧାର; ୨ ଅଭିଯୁକ୍ତ ଜେଲ…

ଦିଗପହଣ୍ଡି, ୧୭।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଅଧୀନ ଏକ ଗ୍ରାମର ୧୦ମ ଶ୍ରେଣୀ ଛାତ୍ରୀଙ୍କୁ ଅପହରଣ ଓ ବଳାତ୍କାର ଅଭିଯୋଗରେ ଗିରଫ ହୋଇଥିବା…

ଚୋରା ମଦ ମାଫିଆଙ୍କ ଉପରେ ବଡ଼ କାର୍ଯ୍ୟାନୁଷ୍ଠାନ: ଦିଗପହଣ୍ଡି ସୀମାନ୍ତ ଜଙ୍ଗଲରୁ ୫୨୦ ଲିଟର ଦେଶୀ ମଦ ଜବତ, ୨ ମାମଲା ରୁଜୁ

ଦିଗପହଣ୍ଡି,୧୭।୧୧(ଅଶେଷ ନାଥ ମିଶ୍ର): ଗଞ୍ଜାମ ଓ ଗଜପତି ଜିଲା ସୀମାନ୍ତବର୍ତ୍ତୀ ଦୁର୍ଗମ ଜଙ୍ଗଲ ଅଞ୍ଚଳରେ ବେଆଇନ ଦେଶୀ ମଦ କାରବାର ବିରୋଧରେ ଅବକାରୀ ବିଭାଗ ଓ ପୋଲିସ…

ସମାଜରୁ କୁଷ୍ଠ ରୋଗ ସମ୍ପର୍କିତ ବାଛବିଚାର ଦୂର କରିବା ଲକ୍ଷ୍ୟ: ଉଦଯାପିତ ହେଲା ‘କୁଷ୍ଠମୁକ୍ତ ଦାରିଙ୍ଗବାଡ଼ି ଅଭିଯାନ’, କୃତୀ ଛାତ୍ରଛାତ୍ରୀ…

ଦାରିଙ୍ଗବାଡ଼ି, ୧୭।୧୧ (ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ଦାରିଙ୍ଗବାଡ଼ି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ଆୟୋଜିତ ‘କୁଷ୍ଠମୁକ୍ତ ଦାରିଙ୍ଗବାଡ଼ି ଅଭିଯାନ’ ମଙ୍ଗଳବାର ଉଦଯାପିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?