ଦିନକ ପରେ ସାରା ରାଜ୍ୟରେ ଲାଗୁହେବ ୧୪ ଦିନିଆ ଲକଡାଉନ୍। ଲକଡାଉନ ପୂର୍ବରୁ ସଉଦାପତ୍ର କିଣିବାକୁ ବଜାରରେ ଲାଗିଛି ପ୍ରବଳ ଭିଡ। ରାସନ ଦୋକାନ, ପରିବା ଦୋକାନ ଆଗରେ ଜମିଛି ଲୋକଙ୍କ ଗହଳି।
ଆସନ୍ତା ବୁଧବାର ଠାରୁ ସାରା ରାଜ୍ୟରେ ଲକଡାଉନ୍ ଲାଗୁ ହେଉଥିବାରୁ ଏଥିପାଇଁ ଲୋକମାନେ ସଉଦାପତ୍ର କିଣିବାକୁ ଭିଡ ଜମାଇଛନ୍ତି। ଲକଡାଉନ ଲାଗୁ ହେବା ପରେ ସଉଦା ପତ୍ରର ଅଭାବ ହୋଇପାରେ, ଦରଦାମ ମଧ୍ୟ ବଢିଯାଇପାରେ, ଏଭଳି ଆଶଙ୍କା କରି ଲୋକେ ଅଧିକ କିଣାକିଣି କରୁଛନ୍ତି । ଆଉ ବଜାରରେ ବହୁ ଲୋକଙ୍କ ଗହଳି ସଂକ୍ରମଣ ଆଶଙ୍କାକୁ ଆହୁରି ବଢାଇ ଦେଇଛି।
