କୋଭିଡ୍‌-୧୯ ଟିକା : ବୁଷ୍ଟର ଡୋଜ୍‌

ବିଗତ ପ୍ରାୟ ଦୁଇବର୍ଷ ଧରି ବିଶ୍ୱରେ ମୃତ୍ୟୁର ତାଣ୍ଡବଲୀଳା ରଚି ଚାଲିଥିବା କୋଭିଡ୍‌-୧୯ର ଏକମାତ୍ର ପ୍ରତିକାର ହେଲା ବ୍ୟାପକ ଟିକାକରଣ। ଶରୀରରେ ପ୍ରତିରୋଧ ଶକ୍ତି ଜାତ କରି ଏହାର ସଂକ୍ରମଣର ମୁକାବିଲା କରିବ ବୋଲି ଚିକିତ୍ସା ବିଜ୍ଞାନୀମାନେ ଆଶାବାଦୀ। ଏଥିପାଇଁ ଏବେ ଏକ ବର୍ଷ ପାଖାପାଖି ହେବ ବିଭିନ୍ନ ଔଷଧ କମ୍ପାନୀମାନଙ୍କ ଦ୍ୱାରା ପ୍ରସ୍ତୁତ ହେବାରେ ଲାଗିଛି ନାନା ପ୍ରକାର ଟିକା। ବିଶ୍ୱର ପ୍ରାୟ ସବୁ ଦେଶରେ ଏହାକୁ ବ୍ୟବହାର କରି ଟିକାକରଣ ଚାଲିଛି। ପ୍ରାୟ ୪ ସପ୍ତାହ ଅନ୍ତରାଳରେ ଏହାକୁ ଦୁଇ ଥର ନେବାକୁ ପଡ଼ୁଛି। ଫଳରେ ୭୦ରୁ ୯୦ ଶତାଂଶ ପର୍ଯ୍ୟନ୍ତ ରୋଗ ପ୍ରତିରୋଧକ ଶକ୍ତି ଜାତ ହେଇଛି ବୋଲି ଗଣନା କରାଯାଉଛି।
ଏହି କାର୍ଯ୍ୟକ୍ରମରେ ବିଶ୍ୱରେ ଅଗ୍ରଣୀ ହୋଇଥିବା ଦେଶଗୁଡ଼ିକ ହେଲେ ୟୁନାଇଟେଡ୍‌ ଆରବ ଏମିରେଟ୍ସ, ପର୍ତ୍ତୁଗାଲ୍‌ ଏବଂ ସିଙ୍ଗାପୁର। ଏଠାର ଜନସାଧାରଣଙ୍କ ମଧ୍ୟରୁ ଯଥାକ୍ରମେ ୭୪, ୭୪ ଏବଂ ୭୫ ଶତାଂଶ ଦୁଇ ଥର ଟିକା ନେଇ ସାରିଥିଲା ବେଳେ ଆହୁରି ୧୧, ୧୧ ଏବଂ ୩ ଶତାଂଶ ପ୍ରଥମ ଥର ତାହା ନେଇଛନ୍ତି। ଅନ୍ୟ ଯେଉଁ ଦେଶଗୁଡ଼ିକରେ ଏ କ୍ଷେତ୍ରରେ ବିଶେଷ ଅଗ୍ରଗତି ଘଟିଛି ସେଗୁଡ଼ିକ ମଧ୍ୟରେ ଅଛନ୍ତି ଚାଇନା (୬୨ ଓ ୧୩), ଫ୍ରାନ୍ସ (୫୯ ଓ ୧୩), ଇଂଲଣ୍ଡ (୬୩ ଓ ୮), ଇଟାଲୀ (୬୦ ଓ ୧୦), ଇସ୍ରାଏଲ୍‌ (୬୨ ଓ ୬), ସ୍ବିଡେନ୍‌ (୫୪ ଓ ୧୩) ଏବଂ ଜର୍ମାନୀ (୬୦ ଓ ୫)। ଏଥିରେ ବେଶ୍‌ ପଛରେ ପଡ଼ିଛନ୍ତି ସିରିୟା (୦.୮ ଓ ୦.୪), ଆଫ୍ରିକା (୩ ଓ ୪), ମିଶର (୩ ଓ ୨), ବାଲାଂଦେଶ ( ୪ ଓ ୬), ପାକିସ୍ତାନ ( ୭ ଓ ୧୧), ଇରାନ୍‌ (୯ ଓ ୧୨) ଏବଂ ଭାରତ ( ୧୦ ଓ ୨୫)। ଆମେରିକାରେ ଏହା ଯଥାକ୍ରମେ ୫୨ ଏବଂ ୯ ଏବଂ ରୁଷିଆରେ ୨୫ ଏବଂ ୫ ଶତାଂଶ। ଅତଏବ ବିଶ୍ୱର ବହୁ ଦେଶରେ, ବିଶେଷକରି ଅର୍ଥନୈତିକ ଅନଗ୍ରସର ଦେଶମାନଙ୍କରେ ଟିକାକରଣ ବିଶେଷ ଅଗ୍ରଗତି କରିପାରିନାହିଁ। ଏହାର ମୁଖ୍ୟ କାରଣଗୁଡ଼ିକ ମଧ୍ୟରେ ରହିଛି ଯଥେଷ୍ଟ ଟିକାର ଅଭାବ ଏବଂ ଅର୍ଥ (ବିଶ୍ୱରେ ସମୁଦାୟ ମାତ୍ର ୧.୭ ଶତାଂଶ ଲୋକ ଟିକା ନେଇଛନ୍ତି)।
କୋଭିଡ୍‌-୧୯ ଭୂତାଣୁଗୁଡ଼ିକର ଦ୍ରୁତ ଧ୍ରୁବୀକରଣ ଘଟୁଛି। ଫଳରେ ନୂତନ ନୂତନ ଜିନୀୟ ପରିବର୍ତ୍ତିତ ପ୍ରଜାତିମାନଙ୍କ ଉଦ୍ଭବ ହେଉଛି। ଏ ଟିକାଗୁଡ଼ିକ ଭୂତାଣୁ ବିରୋଧରେ କମ୍‌ ଫଳପ୍ରଦ ହେଉଥିବାର କୁହାଯାଉଛି। ପୁନଶ୍ଚ ଟିକାର ସୁରକ୍ଷା ପ୍ରଦାନକାରୀ ଶକ୍ତି ମଧ୍ୟ ସମୟକ୍ରମେ ହ୍ରାସ ପାଉଛି। ଏପରିସ୍ଥଳେ, ତୃତୀୟ ଡୋଜ୍‌ ରୂପେ ଏକ ‘ସମ୍ବର୍ଦ୍ଧକ ପାନ’ (ବୁଷ୍ଟର ଡୋଜ୍‌) ନେବା ପାଇଁ ପ୍ରକ୍ରିୟା ଆରମ୍ଭ ହେଲାଣି କିଛି ଦେଶରେ। ଏମାନଙ୍କ ମଧ୍ୟରେ ସର୍ବାଗ୍ରେ ରହିଛି ଇସ୍ରାଏଲ୍‌। ସେଠାରେ ଏ କାର୍ଯ୍ୟକ୍ରମ କାର୍ଯ୍ୟକାରୀ ହେଲାଣି। ଆମେରିକା ଏବଂ ୟୁରୋପୀୟ ଦେଶମାନେ ଏହାକୁ ଅନୁସରଣ କରିବାକୁ ସ୍ଥିର କରିସାରିଲେଣି।
ଏବେ ବ୍ୟବହୃତ ହେଉଥିବା କୋଭିଡ୍‌-୧୯ ଟିକା ମୁଖ୍ୟତଃ ଦୁଇ ପ୍ରକାରର। ତହିଁରୁ ପ୍ରଥମଟି ଆଷ୍ଟ୍ରେଜେନିକା ଏବଂ ଜନ୍‌ସନ୍‌ ଏଣ୍ଡ ଜନ୍‌ସନ୍‌ ଭଳି କମ୍ପାନୀମାନଙ୍କ ଦ୍ୱାରା ସାଧାରଣ ଶର୍ଦ୍ଦି ସୃଷ୍ଟି କରୁଥିବା ନିଷ୍କ୍ରିୟ ‘ଆଡେନୋ ଭୂତାଣୁ’ ଏବଂ କୋଭିଡ୍‌-୧୯ ଭୂତାଣୁର କିଛି ଅଂଶ ନେଇ ତିଆରି ହୋଇଛି। ଆମ ପ୍ରତିରୋଧ ବ୍ୟବସ୍ଥାକୁ ଏହା ବିରୋଧରେ ସକ୍ରିୟ କରିବା ଲାଗି ତାହା ଉଦ୍ଦିଷ୍ଟ। ଆମ ଦେଶରେ ବହୁଳ ଭାବେ ବ୍ୟବହୃତ କୋଭିଶିଲ୍ଡରେ ଏପ୍ରକାର ପଦାର୍ଥ ଏବଂ କୋଭାକ୍ସିନ୍‌ରେ କେବଳ ନିଷ୍କ୍ରିୟ କୋଭିଡ୍‌ -୧୯ ଭୂତାଣୁ ବ୍ୟବହାର କରାଯାଉଛି। ଅନ୍ୟପକ୍ଷରେ, ଦ୍ୱିତୀୟ ପ୍ରକାରଟି ପ୍ରସ୍ତୁତ କରିଛନ୍ତି ଫାଇଜ୍‌ର ଏବଂ ମଡର୍ନା ଭଳି କମ୍ପାନୀ। ଏଥିରେ ବ୍ୟବହୃତ ହୋଇଛି ଏମ୍‌-ଆର୍‌-ଏକ୍ସ, ଯାହାକି ଜୀବକୋଷକୁ କୋଭିଡ୍‌-୧୯ ଭୂତାଣୁର କିରୀଟ (ସ୍ପାଇକ୍‌)ରେ ଥିବା ପ୍ରୋଟିନ୍‌ ପ୍ରସ୍ତୁତ କରିବା ଏବଂ ତାହାକୁ ପ୍ରତିରୋଧ କରିବା ବ୍ୟବସ୍ଥାକୁ ଉଦ୍ଦୀପିତ କରି ଆମକୁ ସୁରକ୍ଷା ଦେବାକୁ ଶିକ୍ଷା ଦିଏ। ତେବେ ଏସବୁର ପ୍ରଭାବ କିଛି ମାସ ମଧ୍ୟରେ କମିଯାଉଥିବାର କହୁଛନ୍ତି ୟୁରୋପୀୟ ଚିକିତ୍ସା ବିଜ୍ଞାନୀମାନେ। ଉଦାହରଣ ସ୍ବରୂପ, ଇଂଲଣ୍ଡରେ ହୋଇଥିବା ଏକ ଅଧ୍ୟୟନରୁ ଫାଇଜର୍‌ ଟିକାର ଦ୍ୱିତୀୟ ଡୋଜ୍‌ ନେବାର ୧୪ ଦିନ ପରେ ୯୨% ରୋଗ ପ୍ରତିରୋଧ ଶକ୍ତି ଜାତ ହେବାର ଦେଖାଗଲା। ହେଲେ ୯୦ ଦିନ ପରେ ତାହା ୭୮%କୁ ଖସି ଆସିବାର ଜଣାପଡ଼ିଛି। ସେହିପରି ଆଷ୍ଟ୍ରେଜେନିକା ଟିକା କ୍ଷେତ୍ରରେ ଏହା ଯଥାକ୍ରମେ ୬୯% ଏବଂ ୬୧%। ବିଶେଷ କରି ଡେଲ୍‌ଟା ରୂପାନ୍ତର କ୍ଷେତ୍ରରେ ଏହା ମୂଳ ଭୂତାଣୁଠାରୁ କମ୍‌ ଫଳପ୍ରଦ ହେବାର ଏଥିରେ ଦେଖାଯାଉଛି। ପୁନଶ୍ଚ ଇସ୍ରାଏଲ୍‌ରେ ହୋଇଥିବା ଅନ୍ୟ ଏକ ଅଧ୍ୟୟନରୁ ମଧ୍ୟ ଅନୁରୂପ ଫଳାଫଳ ମିଳିଥିବାର କୁହାଯାଉଛି। ଏପରି ସ୍ଥଳେ ସେମାନଙ୍କ ମତରେ ଦ୍ୱିତୀୟ ଡୋଜ୍‌ ପରେ ଏକ ସମ୍ବର୍ଦ୍ଧକ(ବୁଷ୍ଟର) ତୃତୀୟ ଡୋଜ୍‌ ଏକାନ୍ତ ଆବଶ୍ୟକ।
ଅନ୍ୟପକ୍ଷରେ, ଏହାର ବିରୋଧ ମଧ୍ୟ କରୁଛନ୍ତି କିଛି ଚିକିତ୍ସା ବିଜ୍ଞାନୀ ଏବଂ ସ୍ବେଚ୍ଛାସେବୀ ଅନୁଷ୍ଠାନ। ସେମାନଙ୍କ ମତରେ ଏବର ଅଧ୍ୟୟନଗୁଡ଼ିକ ଯଥାଯଥ ଭାବେ କରାଯାଇ ନାହିଁ। ତେବେ ତୃତୀୟ ଡୋଜ୍‌ ଟିକା ଦିଆଗଲେ ଏଥିରୁ ଲାଭବାନ୍‌ ହେବେ ତାହା ତିଆରି କରୁଥିବା କମ୍ପାନୀମାନେ। ଅନ୍ୟପକ୍ଷରେ, ଦରିଦ୍ର ଦେଶଗୁଡିକରେ ଟିକାର ଅଭାବ ପଡ଼ିବ। ସେଠାରୁ କୋଭିଡ୍‌-୧୯ର ପ୍ରାଦୁର୍ଭାବ ହ୍ରାସ କରିବା ସମ୍ଭବ ହେବ ନାହଁି। ପୁନଶ୍ଚ ଏହା ନୂଆ ନୂଆ ଧ୍ରୁବୀକରଣ ରୂପରେ ଆତ୍ମପ୍ରକାଶ କରିବ। ତେଣୁ ସେମାନେ ପ୍ରଶ୍ନ କରିଛନ୍ତି ଯେ ତୃତୀୟ ଡୋଜ୍‌ ଯଦି ଦୀର୍ଘସ୍ଥାୟୀ ରୋଗ ପ୍ରତିରୋଧକ ଶକ୍ତି ସୃଷ୍ଟି କରିବାକୁ ଅକ୍ଷମ ହୁଏ, ତା’ହେଲେ କ’ଣ ଚତୁର୍ଥ ଡୋଜ୍‌ ନେବାକୁ ହେବ? ନା’ ନିୟମିତ ସମୟ ବ୍ୟବଧାନରେ କିଛି କିଛି ମାସ ପରେ ଏହା ବାରମ୍ବାର ନେବାକୁ ପଡ଼ିବ?
ଏ ପ୍ରଶ୍ନଗୁଡ଼ିକର ଜବାବ ବର୍ତ୍ତମାନ ଦେଇ ହେବ ନାହିଁ। କିନ୍ତୁ ସମ୍ଭବତଃ ଅନେକ ଦେଶ, ବିଶେଷ କରି ଯଥେଷ୍ଟ ଟିକା ଉପଲବ୍ଧ ଥିବା ଧନଶାଳୀ ଦେଶମାନଙ୍କରେ ଖୁବ୍‌ଶୀଘ୍ର ବ୍ୟାପକ ଭାବେ ତୃତୀୟ ସମ୍ବର୍ଦ୍ଧକ ଡୋଜ୍‌ ନେବା ବୋଧହୁଏ ଆରମ୍ଭ ହୋଇଯିବ।

ପ୍ର. ରମେଶ ଚନ୍ଦ୍ର ପରିଡ଼ା

-ଉଷା ନିବାସ, ୧୨୪/୨୪୪୫ ଖଣ୍ଡଗିରି ବିହାର
ଭୁବନେଶ୍ୱର
ମୋ : ୯୯୩୭୯୮୫୭୬୭


Enter your email to get our daily news in your inbox.

All Right Reserved By Dharitri.Com

ଏସବୁ ରୋଗରୁ ବି ଦୂରେଇ ରଖେ ଆମ୍ବ ଟାକୁଆ…

ଆମ୍ବ ଶରୀର ପାଇଁ ଉପକାରୀ। ଏହା ସହିତ ଆମ୍ବ ଟାକୁଆ ମଧ୍ୟ ଶରୀର ପାଇଁ ବେଶ୍‌ ଲାଭପ୍ରଦ। ଟାକୁଆରୁ କୋଇଲି ବାହାର କରି ଏହାକୁ ଶୁଖାଇ...

ହସ୍ତପାଦାସନ ଦୂର କରେ ଅନେକ ରୋଗ

ପ୍ରତିଦିନ ପୌଷ୍ଟିକ ଆହାର ସହିତ ଯୋଗାଭ୍ୟାସ କଲେ ଅନେକ ସମସ୍ୟାରୁ ମୁକ୍ତି ମିଳିଥାଏ। ଯୋଗାସନ କରିବା ଦ୍ୱାରା ମସ୍ତିଷ୍କରେ ରକ୍ତ ସଂଚାଳନ ଠିକ୍‌ ଭାବରେ ହୋଇଥାଏ।...

ବିବାହ ପରେ କାହିଁକି ପାଉଁଜି-ଝୁଣ୍ଟିଆ ପିନ୍ଧିଥାନ୍ତି ମହିଳା? ଜାଣନ୍ତୁ ଏହା ପଛରେ ଥିବା ଧାର୍ମିକ-ବୈଜ୍ଞାନିକ ମାନ୍ୟତା ବିଷୟରେ…

ଭାରତୀୟ ପରମ୍ପରାରେ ପାଉଁଜି ଏବଂ ଝୁଣ୍ଟିଆର ବଡ଼ ମହତ୍ତ୍ୱ ରହିଛି। ହିନ୍ଦୁ ମହିଳାମାନେ ବିବାହ ପରେ ନାନାଦି ଶୃଙ୍ଗାର କରିଥାନ୍ତି। ଏହାପଛରେ ଧାର୍ମିକ ମହତ୍ତ୍ୱ ସହ...

ପୁରୁଷଙ୍କ ଏସବୁ ଜିନିଷ ପ୍ରତି ଆକର୍ଷିତ ହୁଅନ୍ତି ମହିଳା, ଜାଣନ୍ତୁ କ’ଣ…

ମହିଳା ଓ ପୁରୁଷ ଜଣେ ଜଣଙ୍କ ପ୍ରତି ଆକର୍ଷିତ ହୁଅନ୍ତି , ହେଲେ କାହିଁକି ହୁଅନ୍ତି ଏହି ଘଟଣାକୁ ଆଜି ପର୍ଯ୍ୟନ୍ତ ବୈଜ୍ଞାନିକମାନେ ସମ୍ପୂର୍ଣ୍ଣ ବୁଝିପାରି...

ଡେଙ୍ଗା ବ୍ୟକ୍ତିଙ୍କଠାରେ କ୍ୟାନସର୍‌ ଆଶଙ୍କା ଅଧିକ କାହିଁକି

ଉଚ୍ଚତାରେ ଡେଙ୍ଗା ହେବା ପ୍ରତ୍ୟେକ ବ୍ୟକ୍ତିଙ୍କ ଇଚ୍ଛା। କିନ୍ତୁ ଜାଣନ୍ତି, ଡେଙ୍ଗା ବ୍ୟକ୍ତିଙ୍କର ଉଚ୍ଚତା ସହ କ୍ୟାନସର୍‌ର ସମ୍ପର୍କ ଗଭୀର ଥାଏ। ଏକ ନୂତନ ଗବେଷଣାରୁ...

ଏଭଳି ହେଉଛି କି, ଶୀଘ୍ର ପିଲାଙ୍କୁ ନିଅନ୍ତୁ ହସ୍ପିଟାଲ…

ନୂଆଦିଲ୍ଲୀ,୧୭।୪: ଦେଶରେ କରୋନା ସଂକ୍ରମଣ ଯୋଗୁ ଲୋକଙ୍କ ମଧ୍ୟରେ କୋକୁଆ ଭୟ ଦେଖାଦେଇଛି। ନୂଆ ଷ୍ଟ୍ରେନ୍‌ର ନୂଆ ଲକ୍ଷଣ ଏବଂ ୩ ଗୁଣା ଅଧିକ ବେଗରେ...

ଏହି ୪ ଗଛକୁ ଘରେ ଲଗାଇବା ଭାରି ଶୁଭ: ରୋଗ- ଧାରଉଧାରରୁ ମିଳେ ମୁକ୍ତି; ବଢେ ସୁଖ ସମୃଦ୍ଧି

ଆଜିକାଲି ଅଧିକାଂଶ ଲୋକ ଘରେ ଗଛଲତା ରଖିବାକୁ ପସନ୍ଦ କରୁଛନ୍ତି। ଏହାଦ୍ୱାରା ଘରର ବାତାବରଣ ସ୍ବଚ୍ଛ ହେବା ସହ ସକରାତ୍ମକ ଉର୍ଜା ଆସିଥାଏ। ବାସ୍ତୁ ଶାସ୍ତ୍ର...

ଗୋଟିଏ ବିଛଣା ଅଧିକ ଦିନଧରି ବ୍ୟବହାର କରୁଥିଲେ..

ଅନେକ ଲୋକ ଅଛନ୍ତି ସେମାନଙ୍କ ଶରୀରରେ କୌଣସି ରୋଗ ନ ଥିଲେ ବି ବାରମ୍ବାର ଆଲର୍ଜି, ସଂକ୍ରମଣ, କାଶ ଏବଂ ଜ୍ୱରରେ ପୀଡ଼ିତ ହୋଇଥାନ୍ତି। ଯେତେ...

Advertisement


Archives

Model This Week