ପାପଡାହାଣ୍ଡି,୨।୬(ଡି.ଏନ.ଏ): ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ତଣ୍ଡାଗୁଡା ନିକଟରେ ଶୁକ୍ରବାର ଏକ କାର୍ ଓ ବାଇକ୍ ମଧ୍ୟରେ ଧକ୍କା ହୋଇ ଦମ୍ପତିଙ୍କ ମୃତ୍ୟୁ ହୋଇଛି। ଉଭୟଙ୍କ ମୃତ ଦେହ ପାପଡାହାଣ୍ଡି ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ରଖାଯାଇଛି। ପାପଡାହାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚିି ତଦନ୍ତ ଆରମ୍ଭ କରିଛି। ସୂଚନାଯୋଗ୍ୟ,ପ୍ରହ୍ଲାଦ ଖଞ୍ଜା ଓ ତାଙ୍କ ପତ୍ନୀ ଝୁନକି ଖଞ୍ଜା ଏକ ବାଇକ୍ ନମ୍ବର ଓଆର୍୨୪ଏ୪୬୧୩ ଯୋଗେ ପାପଡାହାଣ୍ଡିରୁ ନିଜ ଘର ମୋକିଆ ଯାଉଥିଲେ। ଏହି ସମୟରେ ତଣ୍ଡାଗୁଡା ନିକଟରେ ବିପରୀତ ଦିଗରୁ ଆସୁଥିବା କାର ନମ୍ବର ଓଡି୨୪ଏଫ୍୮୬୪୨ ସହ ମୁହାଁ ମୁହିଁ ଧକ୍କା ହୋଇଥିଲା। ଏଥିରେ କାର ଓଲଟି ପଡିଥିଲା। ଏବଂ ବାଇକ୍ରେ ଥିବା ଦମ୍ପତି ଛିଟକି ଯାଇ ଜମି ଭିତରେ ପଡ଼ିଥିଲେ। ଝୁନକି ଓ ପ୍ରହ୍ଲାଦଙ୍କୁ ସ୍ଥାନୀୟ ଅଞ୍ଚଳର ଓମ ପ୍ରକାଶ ଦାସ ଏକ ଅଟୋ ସାହାଯ୍ୟରେ ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ଯେଉଁଠାରେ ଡାକ୍ତର ଉଭୟ ଦମ୍ପତିଙ୍କୁ ମୃତ ଘୋଷଣା କରିଥିଲେ। ଖବର ପାଇ ପାପଡାହାଣ୍ଡି ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି। କାର୍ଟି କୋଷାଗୁମୁଡା ବ୍ଲକ ହେଡ଼ କ୍ଲର୍କ ବିଦ୍ୟୁତ ପ୍ରସାଦ ପାଣିଗ୍ରାହୀ ଚଳାଉଥିବା ବେଳେ କାର୍ରେ ତାଙ୍କ ପତ୍ନୀ, ପୁଅ ଏବଂ କ୍ୟାଶିଅର ସୂବେନ୍ଦୁ ଦାସ ଥିଲେ।
