ଲଖନପୁର,୧୬ା୧(ଡି.ଏନ୍.ଏ.): ପାରିବାରିକ ସ୍ବୀକୃତି ନ ମିଳିବାରୁ ଶେଷରେ ଆମତ୍ହତ୍ୟା ଭଳି ଚରମ ନିଷ୍ପତ୍ତି ନେଇ ବିଷପାନ କରିଥିଲେ ପ୍ରେମୀଯୁଗଳ। ହେଲେ ଏଥିରେ ପ୍ରେମିକଙ୍କ ମୃତ୍ୟୁ ଘଟିଥିବା ବେଳେ ପ୍ରେମିକା ଗୁରୁତର ହୋଇ ଚିକିତ୍ସିତ ହେଉଛନ୍ତି। ଏଭଳି ଏକ ଅଭାବନୀୟ ଘଟଣା ଘଟିଛି ଝାରସୁଗୁଡା ଜିଲା ସଦର ଥାନା ଅଧୀନ ମରାକୁଟା ଅଞ୍ଚଳରେ। ପୋଲିସ ପ୍ରେମିକଙ୍କ ମୃତଦେହ ଜବତ କରିଛି। ସେ ହେଲେ ଲଖନପୁର ଥାନା ଉବୁଡା ଗ୍ରାମର ଗୋବର୍ଦ୍ଧନ ଓରାମ(୩୦)। ପ୍ରେମୀଯୁଗଳ ପରସ୍ପରକୁ ଭଲପାଇ ଆସୁଥିଲେ। ଏପରିସ୍ଥଳେ ଗତ ମଙ୍ଗଳବାର ରାତିରେ ସେମାନେ ଘରୁ ବାହାରି ଗ୍ରାମର ଅନତି ଦୂରରେ ବିଷପାନ କରିଥିଲେ। ଏଥିରେ ଉଭୟ ଗୁରୁତର ହୋଇ ପଡିଥିଲେ। ଏଭଳି ଅବସ୍ଥାରେ ପ୍ରେମିକା ଘରକୁ ଫୋନ କରି ଘଟଣା ସମ୍ପର୍କରେ ପରିବାରକୁ ଜଣାଇଥିଲେ। ଖବରପାଇ ପରିବାର ଲୋକେ ପହଞ୍ଚତ୍ ଗୁରୁତର ଅବସ୍ଥାରେ ଝିଅକୁ ଉଦ୍ଧାର କରି ଝାରସୁଗୁଡା ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ସ୍ବାସ୍ଥ୍ୟାବସ୍ଥା ସଙ୍କଟାପନ୍ନ ଥିବାରୁ ସେଠାରୁ ବୁର୍ଲା ଭିଏସ୍ଏସ୍କୁ ସ୍ଥାନ୍ତାନ୍ତର କରାଯାଇଛି। ମୃତ ଗୋବର୍ଦ୍ଧନଙ୍କ ବଡ଼ଭାଇ ସନ୍ତୋଷଙ୍କ ଅଭିଯୋଗକୁ ଭିତ୍ତିକରି ପୋଲିସ ଝାରସୁଗୁଡା ସଦର ଥାନାରେ ଏକ ଅପମୃତ୍ୟୁ ମାମଲା (ନଂ.୨/୨୧) ରୁଜୁକରି ତଦନ୍ତ ଚଳାଇଛି। ପ୍ରେମୀଯୁଗଳ ଭିନ୍ନ ଜାତିର ହୋଇଥିବା ବେଳେ ଉଭୟ ପରିବାର ଏହାକୁ ସ୍ବୀକୃତି ଦେଇ ନ ଥିଲେ। ଫଳରେ ଉଭୟ ଆମତ୍ହତ୍ୟା ନିଷ୍ପତ୍ତି ନେଇଥିବା ପୋଲିସ ତଦନ୍ତରୁ ଜାଣିବାକୁ ପାଇଛି।
