କରୋନାର ବୈଜ୍ଞାନିକ ବିଶ୍ଳେଷଣ

ସଂଜୟ କୁମାର ସାମନ୍ତରାୟ

ସେଦିନ ଥିଲା ୨୦୧୯ ଡିସେମ୍ବର ୩୧ ତାରିଖ। ଚାଇନାର ଉହାନ୍‌ ସହରରୁ ଆରମ୍ଭ ହୋଇଥିବା କୋଭିଡ୍‌-୧୯ ପ୍ରଥମ ଅବସ୍ଥାରେ ଭୂତାଣୁଜନିତ ନିମୋନିଆରୁ ଆରମ୍ଭ ହୋଇଥିଲା। ଏହା ଗୋଟିଏ ନୂଆ କରୋନା ଭୂତାଣୁ (ସାରସ୍‌-କୋଭ୍‌-୨)ରୁ ସୃଷ୍ଟି। କରୋନା ଭୂତାଣୁର ଜିନୀୟକ୍ରମ ପ୍ରଥମେ ୨୦୨୦ ଜାନୁୟାରୀ ୧୦ରେ ପ୍ରକାଶିତ ହୋଇଥିଲା। କ୍ଷୀପ୍ର ବେଗରେ ଏହି ଭୂତାଣୁ ବ୍ୟାପୁଥିବାରୁ ବିଶ୍ୱ ସ୍ବାସ୍ଥ୍ୟ ସଂଗଠନ ୨୦୨୦ ମାର୍ଚ୍ଚ ୧୧ରେ ଏହି ନୂଆ ରୋଗକୁ ବିଶ୍ୱସ୍ତରୀୟ ମହାମାରୀ ରୂପେ ଘୋଷଣା କରିଥିଲା। ଭୂତାଣୁ ଅଧିକରୁ ଅଧିକ ଲୋକଙ୍କୁ ସଂକ୍ରମିତ କରୁଥିବାରୁ ଏହା ମାନବ ଶରୀରରେ ନୂତନ ମାଇକ୍ରୋ ପରିବେଶର ସମ୍ମୁଖୀନ ହୁଏ ଏବଂ ଛୋଟ ଛୋଟ ପରିବର୍ତ୍ତନ ଯୋଗ କରେ। ସମୟ ସହିତ ଭୂତାଣୁ ଜିନୋମରେ ଏହି ପରିବର୍ତ୍ତନର ସଂଖ୍ୟା ମଧ୍ୟ ବୃଦ୍ଧିପାଏ। ନୋଭେଲ କରୋନା ଭାଇରସ୍‌ ସାରସ୍‌-କୋଭ-୨ର ବିବର୍ତ୍ତନ ହେତୁ କୋଭିଡ୍‌-୧୯ ମହାମାରୀ ସଂକଟର ମୁକାବିଲା ପାଇଁ ଏକ ବିଜ୍ଞାନଭିତ୍ତିକ ବିଶ୍ଳେଷଣର ଆବଶ୍ୟକତା ବୈଜ୍ଞାନିକମାନଙ୍କ ପାଇଁ ଆଜିର ଆହ୍ବାନ।
ଏପିଡେମୋଲୋଜିକାଲ ତଥ୍ୟ ଏବଂ ଜେନେଟିକ କ୍ରମ ବିଶ୍ଳେଷଣ ଦର୍ଶାଏ ଯେ କରୋନା ଭାଇରସ୍‌ ଷ୍ଟ୍ରେନ୍‌ ପ୍ରାଚୀନ କାଳରୁ ଅନେକ ପଶୁ ହୋଷ୍ଟରେ ବିଶେଷତଃ ବାଦୁଡ଼ି ମଧ୍ୟରୁ ଉପତ୍ନ୍ନ ହୋଇଥିଲେ। ଏହି ଜୀବାଣୁ ମାନବକୁ ସ୍ଥାନାନ୍ତରିତ ହେବା ପୂର୍ବରୁ ଅନେକ ଥର ପରିବର୍ତ୍ତନ ଏବଂ ହୋଷ୍ଟ ଆଦାନ ପ୍ରଦାନ କରିଥିଲେ। ଜଳବାୟୁ ପରିବର୍ତ୍ତନର ପ୍ରଭାବ, ପରିବେଶ ପ୍ରଦୂଷଣ, ସାମ୍ପ୍ରତିକ ଆଧୁନିକୀକରଣ ଓ ଅନ୍ୟାନ୍ୟ କେତେକ କାରଣରୁ ଏହି ଭୂତାଣୁର ଗୁରୁତ୍ୱପୂର୍ଣ୍ଣ ପରିବର୍ତ୍ତନ ହେଉଛି। କୌଣସି ବ୍ୟକ୍ତିଙ୍କଠାରେ କୋଭିଡ୍‌ ଲକ୍ଷଣ ଆସିବା ପରେ ଏହା ନିଶ୍ଚିତ ହେବା ପାଇଁ ଓ ରୋଗ ନିରୂପଣ ପାଇଁ କୋଭିଡ୍‌ ପରୀକ୍ଷା କରାଯାଇଥାଏ। ଏହି ପରୀକ୍ଷା ମୁଖ୍ୟତଃ ଦୁଇ ପ୍ରକାର। ପ୍ରଥମଟି ହେଲା ଆରଟି ପିସିଆର ଓ ଦ୍ୱିତୀୟଟି ହେଲା ଆଣ୍ଟିଜେନ୍‌ ପରୀକ୍ଷା।
କରୋନା ରୋଗୀଠାରୁ ସୁସ୍ଥ ବ୍ୟକ୍ତି ପାଖକୁ ରୋଗୀର କାଶ, ଛିଙ୍କିବାବେଳେ ବାହାରୁଥିବା କ୍ଷୁଦ୍ର କଣିକା ଦ୍ୱାରା ଖୁବ୍‌ ଶୀଘ୍ର ବ୍ୟାପିଥାଏ। ଏହି ରୋଗର ଭୂତାଣୁ ପବନ ଦ୍ୱାରା ଜଣେ ବ୍ୟକ୍ତିଙ୍କ ପାଖରୁ ଅନ୍ୟ ଜଣେ ବ୍ୟକ୍ତିଙ୍କ ପାଖକୁ ପହଞ୍ଚତ୍ଥାଏ। ଏକ ଗବେଷଣାରୁ ଜଣାପଡ଼ିଛି ଯେ, ଅତି କମ୍‌ରେ ଏକ ହଜାରଟି କରୋନା ଭୂତାଣୁ ଜଣେ ବ୍ୟକ୍ତିର ନାକରେ ପଶିଲେ ଉକ୍ତ ବ୍ୟକ୍ତିଟି କରୋନାରେ ସଂକ୍ରମିତ ହୋଇଥାଏ। ପୁନଶ୍ଚ ଅଧ ଘଣ୍ଟା ମଧ୍ୟରେ ଯେ କୌଣସି ସୁସ୍ଥ ଲୋକଙ୍କୁ କରୋନା ଭୂତାଣୁ ଆକ୍ରାନ୍ତ କରିପାରେ। ବିଶ୍ୱ ସ୍ବାସ୍ଥ୍ୟ ସଂଗଠନ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ ଯେଉଁ ବ୍ୟକ୍ତି ଏହି ଭୂତାଣୁ ଦ୍ୱାରା ଆକ୍ରାନ୍ତ ଥାଆନ୍ତି ଓ କୌଣସି ଲକ୍ଷଣ ଦେଖାଇ ନଥାନ୍ତି ସେମାନେ ୫୮% ଲୋକଙ୍କୁ ଏହି ରୋଗର ଭୂତାଣୁ ଦେଇପାରନ୍ତି। ଭୂତାଣୁ ସଂସ୍ପର୍ଶରେ ଥିବା ରୋଗୀର ଜିନିଷପତ୍ର, ଜାଗାର ସଂସ୍ପର୍ଶରେ ଆସିଲେ ମଧ୍ୟ ଏହା ବ୍ୟାପିଥାଏ। ଏହି ଭୂତାଣୁ ରୋଗୀର ମଳ, ମୂତ୍ର ଓ ରକ୍ତରେ ମଧ୍ୟ ଦେଖାଯାଏ। ସେହିପରି ଅନ୍ୟ ଦୁଇଟି ଭୂତାଣୁ ଯଥା- ଏସ୍‌ଏଆର୍‌ଏସ୍‌ ମୁଖ୍ୟତଃ ଜଣକ ପାଖରୁ ଅନ୍ୟ ଜଣକୁ ବ୍ୟାପୁଥିବା ବେଳେ ଏମ୍‌ଇଆର୍‌ଏସ୍‌ ମୁଖ୍ୟତଃ ହସ୍‌ପିଟାଲରୁ ମନୁଷ୍ୟକୁ ସଂକ୍ରମିତ ହୋଇଥାଏ।
ଏସ୍‌ଏଆର୍‌ଏସ୍‌-କୋଭ-୨ ମାନବ ଶରୀରରେ ପ୍ରବେଶ କରିବା ପରେ କୋଭିଡ୍‌-୧୯ ଜନିତ ଲକ୍ଷଣ ଆରମ୍ଭ ହେବା ପାଇଁ ପ୍ରାୟ ୫ ରୁ ୬ ଦିନ ସମୟ ଲାଗିଥାଏ। ସେହିପରି ଏସ୍‌ଏଆର୍‌ଏସ୍‌ ଭୂତାଣୁ ପାଇଁ ଏହି ସମୟ ୪ ଦିନ ଓ ଏମଇଆର୍‌ଏସ୍‌ ଭୂତାଣୁ ପାଇଁ ଏହି ସମୟ ୫ ଦିନ। ଏସ୍‌ଏଆର୍‌ଏସ୍‌, ଏମ୍‌ଇଆର୍‌ଏସ୍‌ ଏବଂ ଏସ୍‌ଏଆର୍‌୍‌ଏସ-ସିଓଭି-୨ ଦ୍ୱାରା ସମସ୍ତ ବୟସର ଲୋକ ଆକ୍ରାନ୍ତ ହେବାର ସମ୍ଭାବନା ଥିବାବେଳେ ପିଲାମାନଙ୍କଠାରେ ଏ ରୋଗର ଲକ୍ଷଣ ପ୍ରାୟତଃ ଦେଖାଯାଇ ନ ଥାଏ। ଏସ୍‌ଏଆର୍‌ଏସ୍‌-ସିଓଭି-୨ ଦ୍ୱାରା ଆକ୍ରାନ୍ତ ମନୁଷ୍ୟଙ୍କ ମଧ୍ୟରୁ ହାରାହାରି ୨.୩% ମୃତ୍ୟୁବରଣ କରୁଥିବାବେଳେ (ସିଏଫ୍‌ଆର) ଅନ୍ୟ ରୋଗଗ୍ରସ୍ତ ମନୁଷ୍ୟଙ୍କ କ୍ଷେତ୍ରରେ ଏହି ହାର ଅଧିକ । କିନ୍ତୁ ଏମ୍‌ଇଆର୍‌ଏସ୍‌ ଦ୍ୱାରା ହେଉଥିବା ହାରାହାରି ମୃତ୍ୟୁହାର (ସିଏଫ୍‌ଆର୍‌) ୩୫.୫%। କୋଭିଡ୍‌-୧୯ ଆକ୍ରାନ୍ତଙ୍କ ମଧ୍ୟରୁ ପ୍ରାୟ ୬୮% ପୁରୁଷ ହୋଇଥିବା ବେଳେ ୩୨% ମହିଳା।
ବୈଜ୍ଞାନିକମାନଙ୍କ ମତରେ ମହିଳାମାନେ କମ୍‌ ଆକ୍ରାନ୍ତ ହେବାର କାରଣ ସେମାନଙ୍କ ଶରୀରରେ ଥିବା ଏକ୍ସ କ୍ରୋମୋଜୋମ୍‌ ଏବଂ ସେକ୍ସ ହରମୋନ ସେମାନଙ୍କଠାରୁ ଏହି ଭୂତାଣୁ ସୁରକ୍ଷା ପ୍ରଦାନ କରିଥାଏ। ଅନ୍ୟପକ୍ଷରେ ଏସ୍‌ଏଆର୍‌ଏସ୍‌ ଭୂତାଣୁ ପୁରୁଷଙ୍କ ତୁଳନାରେ ମହିଳାଙ୍କୁ ପ୍ରାୟ ୧.୨୫ଗୁଣ ଅଧିକ ମାତ୍ରାରେ ଆକ୍ରାନ୍ତ କରିଥାଏ।
ଏବେ ନୋଭେଲ କରୋନା ଭାଇରସ୍‌ର ଦ୍ୱିତୀୟ ଲହର ଭାରତକୁ ଆଣିଛି ମହାମାରୀର ମହାସଙ୍କଟ। ଟ୍ରିପଲ ମ୍ୟୁଟାଣ୍ଟକୁ ନେଇ ଭୟ ଓ ଆଶଙ୍କା ଦେଖାଦେଲାଣି। ବୈଜ୍ଞାନିକଙ୍କ କହିବାନୁସାରେ, କରୋନା ଭୂତାଣୁର ଟ୍ରିପଲ ମ୍ୟୁଟାଣ୍ଟ ଭାରିଆଣ୍ଟ ପଶ୍ଚିମବଙ୍ଗ ଓ ବିଦେଶରେ ଅଧିକ ନଜରକୁ ଆସିଛି। ପୂର୍ବରୁ ଠାବ ହୋଇଥିବା ଡବଲ ମ୍ୟୁଟାଣ୍ଟ ଷ୍ଟ୍ରେନରେ ୨ଟି ରୂପାନ୍ତରର ଗୁଣ ପ୍ରକାଶ ପାଉଥିଲା। ପୁଣି ସେଥିରେ ଆଉ ଏକ ମ୍ୟୁଟେଶନ ହୋଇ ମୋଟ ୩ଟି ଷ୍ଟ୍ରେନ୍‌ର ଗୁଣ ପ୍ରକାଶ ପାଇଛି। ଏହି ଷ୍ଟ୍ରେନ୍‌ ଦ୍ରୁତ ସଂକ୍ରମଣ ସହ ଶରୀରର ରୋଗ ପ୍ରତିରୋଧକ ଶକ୍ତିକୁ ହଠାତ୍‌ ହ୍ରାସ କରି ଦେଉଛି। ଏପରିକି ଟିକା ନେଇଥିବା ବ୍ୟକ୍ତିଙ୍କୁ ବି ପୁନଃ ଆକ୍ରାନ୍ତ ହେବାର ଅନେକ ଆଶଙ୍କା ଅଛି ବୋଲି ବିଶେଷଜ୍ଞଙ୍କ ମତ। ଏହି ରୋଗକୁ ପ୍ରତିରୋଧ କରିବା ପାଇଁ ଟିକାକରଣ ଏକାନ୍ତ ଆବଶ୍ୟକ। ଡାକ୍ତରଙ୍କ ଚିକିତ୍ସ ସହ ଔଷଧ ସେବନ ଅପରିହାର୍ଯ୍ୟ। ପୁନଶ୍ଚ ଏହି ରୋଗର ନିଦାନ ସହ ମାସ୍କ ବ୍ୟବହାର କରିବା, ସାମାଜିକ ଦୂରତ୍ୱ, (୬ ଫୁଟ୍‌ ଦୂରତାରେ ରହିବା), ବାରମ୍ବାର ସାବୁନରେ ଓ ସାନିଟାଇଜରରେ ହାତ ସଫା କରିବା, ନାକ ପାଟି ଓ ଆଖିରେ ହାତ ନ ମାରିବା, ସବୁବେଳେ ଘରେ ରହିବା, ଅତି ଆବଶ୍ୟକ ପଡ଼ିଲେ ଘରୁ ବାହାରିବା, ନିର୍ଦ୍ଦିଷ୍ଟ ସମୟରେ ଖାଇବା ଓ ଦିନକୁ ୮ ରୁ ୧୦ ଘଣ୍ଟା ସୁଖ ନିଦ୍ରାରେ ଶୋଇବା ନିତ୍ୟାନ୍ତ ଆବଶ୍ୟକ। ଶରୀରରେ ରୋଗ ପ୍ରତିରୋଧକ ଶକ୍ତି ବଢ଼ାଇବା ପାଇଁ ଗରମ ଓ ସୁଷମ ଖାଦ୍ୟ ପ୍ରତିଦିନ ଖାଆନ୍ତୁ। ତାହା ସହ ଆବଶ୍ୟକ ମୁତାବକ ସତେଜ ଫଳ ଓ ପନିପରିବା ଖାଆନ୍ତୁ। ଆବଶ୍ୟକ ମୁତାବକ ଯୋଗ, ପ୍ରାଣାୟାମ ଓ ବ୍ୟାୟାମ କରନ୍ତୁ। ପ୍ରତିଦିନ ୪୫ ମିନିଟ୍‌ ପ୍ରାତଃ ଭ୍ରମଣ କରନ୍ତୁ। ସୂର୍ଯ୍ୟ କିରଣରେ ୧ ଘଣ୍ଟା ବସନ୍ତୁ।
କୋଭିଡ୍‌-୧୯ ଭାଇରସ୍‌ ଦ୍ୱାରା ପୃଥିବୀର୨୨୦ ରାଷ୍ଟ୍ର କ୍ଷତିଗ୍ରସ୍ତ ହୋଇଛନ୍ତି। ଏହାର ଅନେକ କାରଣ ଅଛି। କିନ୍ତୁ ବର୍ତ୍ତମାନର ପରିବର୍ତ୍ତିତ ଜଳବାୟୁରେ ଶିକ୍ଷା, ସ୍ବାସ୍ଥ୍ୟ, ବିଜ୍ଞାନ, ବୈଷୟିକ ଜ୍ଞାନ ଓ ଅନୁସନ୍ଧାନରେ ଅଗ୍ରଗତି କରିଥିବା ମାନବ ଜାତି ପାଇଁ ନିଶ୍ଚୟ ଏହା ଏକ ଗୁରୁତ୍ୱପୂର୍ଣ୍ଣ ଶିକ୍ଷଣୀୟ ବିଷୟ। ଭବିଷ୍ୟତରେ ମଧ୍ୟ ଏହିପରି ମହାମାରୀ ଭିନ୍ନ ରୂପରେ ଦେଖାଦେବାର ଆଶଙ୍କା ରହିଛି। ଏଣୁ କୋଭଡ୍‌-୧୯ ମହାମାରୀରୁ ଶିକ୍ଷାନେଇ ପ୍ରକୃତି ଉପରେ ମାନବୀୟ ନକାରାମତ୍କ ପ୍ରଭାବକୁ ହ୍ରାସ କରି, ପ୍ରାକୃତିକ ନିୟମର ବଶବର୍ତ୍ତୀ ହୋଇ ଓ ତଦନୁଯାୟୀ ପ୍ରସ୍ତୁତ ହୋଇ ରହିଲେ ଆମେ ଭବିଷ୍ୟତରେ ଏହିପରି ମହାମାରୀଠାରୁ ମାନବଜାତିକୁ ଅଧିକ ସୁରକ୍ଷିତ ରଖିପାରିବା, ଏଥିରେ ସନ୍ଦେହ ନାହିଁ – ଏହା ହିଁ ଆଜିର ବୈଜ୍ଞାନିକଙ୍କର ଅନୁଚିନ୍ତା।
ପ୍ରାଧ୍ୟାପକ,ପ୍ରତିଷ୍ଠାତା ସଭାପତି, ଭାରତୀୟ ଜଳବାୟୁ କଂଗ୍ରେସ
ଓ ପ୍ରାକ୍ତନ ଅଧ୍ୟକ୍ଷ ଓୟୁଏଟି, ଭୁବନେଶ୍ୱର,
ମୋ -୯୪୩୮୧୨୬୯୯୪


Enter your email to get our daily news in your inbox.

All Right Reserved By Dharitri.Com

କାର୍ଯ୍ୟ ସମ୍ପାଦନ ଯାଞ୍ଚ ହେଉନାହିଁ କାହିଁକି

ସହଦେବ ସାହୁ   ପାଠ କହେ ଯେ ଲୋକଙ୍କ ଉପରେ ଟିକସ ବସାଇ ସେହି ପଇସାରେ ସରକାର ଦେଶରେ ଶାନ୍ତିଶୃଙ୍ଖଳା ରକ୍ଷା ସହିତ ଉନ୍ନତିମୂଳକ କାମ...

ଏଇ ଭାରତରେ

ଚାକିରି ଛାଡ଼ି ଜମ୍ମୁ-କଶ୍ମୀରରେ ପ୍ରଥମ ଅନ୍‌ଲାଇନ ଗ୍ରସେରି ଷ୍ଟୋର କରିବାର ଶ୍ରେୟ ନେଇଛନ୍ତି ମଲିକ ଆଦିଲ୍‌। ଜମ୍ମୁ-କଶ୍ମୀରର ବନ୍ଦିପୁର ଅଞ୍ଚଳର ମଲିକ ଦିନକୁ ୪୦୦ ଅର୍ଡର...

ଚୋର ଅପେକ୍ଷା…

କରୋନା ଭୂତାଣୁ ସଂକ୍ରମଣ ଯୋଗୁ ଅଦ୍ୟାବଧି ବିଶ୍ୱରେ ୧ ଲକ୍ଷ ୨୦ ହଜାର ଲୋକଙ୍କ ମୃତ୍ୟୁ ଘଟିଥିବା ବେଳେ ୧୯ ଲକ୍ଷରୁ ଅଧିକ ସଂକ୍ରମିତ ହୋଇଛନ୍ତି।...

କ୍ଷମତା ଚୌକିରେ ଗ୍ରୀନ୍‌ହର୍ନ

ବ୍ୟକ୍ତିତ୍ୱ/ଜିତେନ୍ଦ୍ର କୁମାର ନାୟକ ମହାରାଷ୍ଟ୍ରରେ ‘ମରାଠୀ ମାନୁଷ୍‌’ କଥା ଉଠିଲେ ସମସ୍ତଙ୍କ ନଜର ପଡ଼େ ‘ମାତୋଶ୍ରୀ’ ଉପରେ। ମାତୋଶ୍ରୀ ଠାକ୍‌ରେ ପରିବାରର ଆଦ୍ୟପୀଠ, ଯେଉଁଠାରେ ଶିବସେନାର...

ନାରୀ ସ୍ବାଧୀନତା ଓ ସୁରକ୍ଷା

ପ୍ରଦୀପ୍ତ ନାୟକ ସଦ୍ୟ ପ୍ରକାଶିତ ଏନ୍‌ସିଆର୍‌ବି ରିପୋର୍ଟ ଅନୁଯାୟୀ ମହିଳାମାନଙ୍କ ଉପରେ ହେଉଥିବା ହିଂସାକୁ ତର୍ଜମା କଲେ ନାରୀ ସୁରକ୍ଷା ତଥା ସ୍ବାଧୀନତା ଆମ ଦେଶ...

ଏଇ ଭାରତରେ

ନଡ଼ିଆ ଖାଇ ଶଢ଼େଇ ବାହାରେ ଫିଙ୍ଗି ଦେବାରେ ସଭଏଁ ଅଭ୍ୟସ୍ତ, କିନ୍ତୁ କେରଳର ମାରିଆ କୁରିକୋସ୍‌ ତାହାକୁ ସଂଗ୍ରହ କରି ସେଥିରୁ ପ୍ରସ୍ତୁତ କରୁଛନ୍ତି ଆକର୍ଷଣୀୟ...

ଅବାସ୍ତବ ଚାଷୀଙ୍କ ଆୟବୃଦ୍ଧି ଲକ୍ଷ୍ୟ

ତତ୍ତ୍ୱ ଓ ତର୍କ/ ବିମଳ ପାଣ୍ଡିଆ ଚାଷୀଙ୍କ ଆୟ ୬ ବର୍ଷରେ ଦୁଇଗୁଣା ବଢ଼ିବ କି ନାହିଁ ତାହାକୁ ନେଇ ଚିନ୍ତା କରିବା ପ୍ରାୟ ସମସ୍ତେ...

ରକ୍ତ, ବୀର୍ଯ୍ୟର ଦାଗ ଓ ଫରେନ୍ସିକ୍‌ ସାଇନ୍ସ

ସହଦେବ ସାହୁ   ଦେୱାନୀ ମକଦ୍ଦମାର ଆରମ୍ଭ ହୁଏ ବ୍ୟକ୍ତି ବ୍ୟକ୍ତି ମଧ୍ୟରେ ଜମିବାଡି ବା ସମ୍ପତ୍ତି ଉପରେ କଳିରୁ, ତେଣୁ ସରକାର ମକଦ୍ଦମା-ପରିଚାଳନା ଦାୟିତ୍ୱ...

Advertisement


Archives

Model This Week

Why Dharitri