କରୋନା ଶିଖାଇଲା ପରିଶ୍ରମ

ବୈପାରୀଗୁଡା,୧୮ା୭ (ଡି.ଏନ୍‌.ଏ.): ପରିସ୍ଥିତି ମଣିଷକୁ ବଦଳାଇଦିଏ। ତା’ର ସ୍ବଭାବ ଓ ଆଚରଣରେ ପରିବର୍ତ୍ତନ କରେ। ବର୍ତ୍ତମାନ ମହାମାରୀ ସମୟରେ ଏପରି କିଛି ପରିବର୍ତ୍ତନ ଦେଖାଦେଇଛି କୋରାପୁଟ ଜିଲା ବୈପାରିଗୁଡା ବ୍ଲକର କେତେଜଣ ଭିକ୍ଷାବୃତ୍ତି କରି ଚଳୁଥିବା ବ୍ୟକ୍ତିଙ୍କ କ୍ଷେତ୍ରରେ। ସେମାନେ ନିଜ ବୃତ୍ତି ବଦଳାଇ କାମ କରି ପେଟ ପୋଷିବାକୁ ବାଧ୍ୟ ହୋଇଛନ୍ତି।
ମହାରାଷ୍ଟ୍ର ରାଜ୍ୟ ନାଗପୁର ଜିଲା ଉଦାସ ଅଞ୍ଚଳର ୧୫ ପରିବାରର ୧୨୦ ସଦସ୍ୟ ଦୀର୍ଘ ବର୍ଷ ହେବ କୋରାପୁଟ ଜିଲାର ବିଭିନ୍ନ ସ୍ଥାନରେ ଯାଯାବର ଜୀବନ ଅତିବାହିତ କରୁଥିଲେ। ପୁରୁଷମାନେ ଜ୍ୟୋତିଷ ସାଜି ଗ୍ରାମକୁ ଗ୍ରାମ ବୁଲି ଗ୍ରହଶାନ୍ତି ପାଇଁ ରତ୍ନପଥର କହି କିଛି ରଙ୍ଗବେରଙ୍ଗ ପଥର ଲୋକଙ୍କୁ ବିକ୍ରି କରୁଥିଲେ। ମହିଳା ଓ ଛୋଟ ପିଲାମାନେ ଘର ଘର ବୁଲି ଭିକ୍ଷା ମାଗୁଥିଲେ। ଲକ୍‌ଡାଉନ୍‌ ଯୋଗୁ ଏହି ୧୫ ପରିବାର ଫଶି ଯାଇଥିଲେ। ଘରୁ ବାହାରି ନ ପାରିବା ଯୋଗୁ ସେମାନେ ଏକପ୍ରକାର ଅନାହାର ପରିସ୍ଥିତିରେ ପହଞ୍ଚତ୍ ଯାଇଥିଲେ। ସେମାନଙ୍କ ଏପରି ଦୁର୍ଦ୍ଦଶା ସମ୍ପର୍କରେ ‘କରୋନା ଛଡାଇ ନେଇଛି ବୃତ୍ତି’ ଶୀର୍ଷକ ଏକ ଖବର ମାର୍ଚ୍ଚ ୨୮ରେ ‘ଧରିତ୍ରୀ’ରେ ପ୍ରକାଶ ପରେ ସହାୟତା କରିବାକୁ ଜିଲାପାଳ ବ୍ଲକ ପ୍ରଶାସନକୁ ନିର୍ଦ୍ଦେଶ ଦେଇଥିଲେ। ଫଳରେ ଏହି ପରିବାରର ୧୨୦ ସଦସ୍ୟଙ୍କୁ ମାର୍ଚ୍ଚ ୨୯ରୁ ମାସେ ପର୍ଯ୍ୟନ୍ତ ରନ୍ଧା ଖାଦ୍ୟ ଯୋଗାଇ ଦିଆଯାଇଥିଲା। ଲକ୍‌ଡାଉନ୍‌ ଉଠିବା ପରେ ପ୍ରଶାସନ ସେମାନଙ୍କୁ ଦେଉଥିବା ରନ୍ଧାଖାଦ୍ୟ ବନ୍ଦ କରିଦେଇଥିଲା। ଫଳରେ ପ୍ରତିକୂଳ ପରିସ୍ଥିତି ଯୋଗୁ ସେମାନେ ପୂର୍ବପରି ବୃତ୍ତି ଜାରି ରଖିପାରିଲେ ନାହିଁ। ଏବେ ସେମାନେ ବାଧ୍ୟ ହୋଇ ସରକାରୀ ଅଥବା ବେସରକାରୀ ନିର୍ମାଣ କାମରେ ମଜୁରିଆ ଭାବେ କାମ କରୁଛନ୍ତି। ମହିଳାମାନେ ଦୈନିକ ୧ ଶହ ୫୦ ଟଙ୍କା ଓ ପୁରୁଷମାନେ ୨ ଶହ ଟଙ୍କା ରୋଜଗାର କରୁଛନ୍ତି। ପ୍ରତି ପରିବାର ଦୈନିକ ୫ ଶହରୁ ୬ ଶହ ଟଙ୍କା ରୋଜଗାର କରୁଛନ୍ତି। ଏବେ ଚାଷ ସମୟରେ ମଜୁରିଆ ମିଳୁ ନ ଥିବା ବେଳେ ସେମାନଙ୍କ ଚାହିଦା ବଢିଛି। ଭିକ୍ଷା ବୃତ୍ତିରୁ ଲକ୍‌ଡାଉନ ସେମାନଙ୍କୁ ଦୂରେଇ ଦେଇଛି। ପରିଶ୍ରମ କରି ଉଚିତ୍‌ ମାର୍ଗରେ ଅର୍ଥ ରୋଜଗାରର ବାଟ ସମୟ ସେମାନଙ୍କୁ ଶିଖାଇ ଦେଇଛି ବୋଲି ଏହି ଯାଯାବର ଜୀବନ ଜୀଉଥିବା ପରିବାରର କେତେକ ସଦସ୍ୟ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ବାଇକ୍‌ ଡିକି ଭାଙ୍ଗି ଲକ୍ଷାଧିକ ଟଙ୍କା ଲୁଟିନେଲେ ଦୁର୍ବୃତ୍ତ

ବାସୁଦେବପୁର,୨୦।୧(ଡି.ଏନ୍‌.ଏ.): ଭଦ୍ରକ ଜିଲା ବାସୁଦେବୁର ନୀଳମଣି ମାର୍କେଟ କମ୍ପ୍ଲେକ୍ସ ସମ୍ମୁଖରୁ ଏକ ବାଇକ୍‌ ଡିକି ଭାଙ୍ଗି ଦୁର୍ବୃତ୍ତ ୧ଲକ୍ଷ ୯୯ ହଜାର ଟଙ୍କା ଲୁଟି ନେଇଥିବା...

ଦଇତାପତିଙ୍କର ହେବ କରୋନା ଟେଷ୍ଟ: ୨୭, ୨୮ରେ ଶ୍ରୀମନ୍ଦିର କାର୍ଯ୍ୟାଳୟରେ ସ୍ବାବ୍‌ ସଂଗ୍ରହ

ପୁରୀ ଅଫିସ,୨୬ା୫: ଦଇତାପତିମାନେ ସର୍ବଦା ମହାପ୍ରଭୁଙ୍କୁ ମିଳିତ ଭାବେ ସେବା ଯୋଗାଇ ଦେଇଥାନ୍ତି। ତେଣୁ ସେମାନଙ୍କର ସେବା ହେଉଛି ଗୋଷ୍ଠୀଗତ ସେବା। ଶ୍ରୀମନ୍ଦିର ପ୍ରଶାସନ ନିର୍ଦ୍ଦେଶ...

ଜିଲାପରିଷଦ ଉପନିର୍ବାଚନ : ବିଜେଡିରୁ ୨, ଭାଜପାରୁ ୪ ପ୍ରାର୍ଥୀଙ୍କ ନାମାଙ୍କନପତ୍ର ଦାଖଲ

କୋରାପୁଟ,୨।୧୧(ସ୍ବ.ପ୍ର.) : ଚଳିତମାସ ୨୭ ତାରିଖରେ ହେବାକୁ ଥିବା କୋରାପୁଟ ଜିଲା ଦଶମନ୍ତପୁରର ୧ନଂ. ଜୋନ୍‌ ଏବଂ ପଟ୍ଟାଙ୍ଗି ବ୍ଲକର ୧ନଂ. ଜୋନ୍‌ରେ ହେବାକୁ ଥିବା...

ଘରେ ଥିବା କୋଭିଡ-୧୯ ରୋଗୀଙ୍କୁ ଏହି ମେଡିସିନ ଖାଇବାକୁ ପରାମର୍ଶ

ଭୁବନେଶ୍ୱର,୫ା୧୦(ବ୍ୟୁରୋ)-ରାଜ୍ୟରେ କୋଭିଡ-୧୯ ମହାମାରୀ ସଂକ୍ରାମକ ରୂପ ଧାରଣ କରିଛି। ୮୦ ପ୍ରତିଶତ ଆଂଶିକ ଲକ୍ଷଣ ଥିବା କୋଭିଡ ସଂକ୍ରମିତଙ୍କୁ ନିଜ ଘରେ ସଙ୍ଗରୋଧରେ ରହିବାକୁ ପସନ୍ଦ...

ଘର ଭିତରୁ ଯୁବକଙ୍କ ମୃତଦେହ ଉଦ୍ଧାର: ଆତ୍ମହତ୍ୟା ସନ୍ଦେହ

ପାଟଣା,୨।୪(ସ୍ବ.ପ୍ର.): କେନ୍ଦୁଝର ଜିଲା ତୁରୁମୁଙ୍ଗା ଥାନା ଡେଣୁଆଁ ଗାଁର ମହାନ୍ତ ସାହିରୁ ଶୁକ୍ରବାର ସାକଳେ ଘର ଭିତରୁ ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି...

ପ୍ରୋତ୍ସାହନ ମିଳୁନି, ସଙ୍କଟରେ ଖପର କାରିଗର

ଜାମଟିକ୍ରା, ୧ା୭(ଡି.ଏନ.ଏ) ପଶ୍ଚିମ ଓଡିଶାରେ ଖପର ଘର ସଂଖ୍ୟା ଅଧିକ। ଏଥିପାଇଁ ଲୋକମାନେ ବର୍ଷା ଋତୁ ଆସିବା ପୂର୍ବରୁ ଖପର କିଣି ଛାତ ସଜାଡନ୍ତି। ଏହାକୁ...

ରାଜଧାନୀରେ କୁକୁର ବନ୍ଧ୍ୟାକରଣ ଆରମ୍ଭ

ଭୁବନେଶ୍ୱର, ୧୯।୯(ବ୍ୟୁରୋ): ଭୁବନେଶ୍ୱରରେ ବୁଲା କୁକୁରଙ୍କ ଉତ୍ପାତ ବଢ଼ି ଚାଲିଛି। ଏଥିଯୋଗୁ ଦୁର୍ଘଟଣା ଘଟୁଥିବାବେଳେ ବହୁ ଲୋକ କୁକୁର କାମୁଡ଼ାର ଶିକାର ହେଉଛନ୍ତି। ସେମାନଙ୍କ ବଂଶବୃଦ୍ଧି...

କରୋନା ମୃତ୍ୟୁ ସଂଖ୍ୟା ଛୁଇଁଲା ୨ ଲକ୍ଷ ୫୮ ହଜାର

ଓ୍ବାଶିଂଟନ/ନୂଆଦିଲ୍ଲୀ,୬।୫: ପୃଥିବୀର ବିଭିନ୍ନ ଦେଶରେ କରୋନା ସଂକ୍ରମିତ ଏବଂ ମୃତକଙ୍କ ସଂଖ୍ୟା ପ୍ରତିଦିନ ବଢ଼ିବାରେ ଲାଗିଛି। ଇତିମଧ୍ୟରେ ପୃଥିବୀରେ ମୃତକଙ୍କ ସଂଖ୍ୟା ୨ ଲକ୍ଷ ୫୮...

Advertisement

BGU

Archives

Model This Week

Why Dharitri