ମଥୁରା,୮।୧୦ : ମଥୁରାର ଶାହି ଇଦଗହା ମସଜିଦ ଏବଂ ଶ୍ରୀକୃଷ୍ଣ ଜନ୍ମଭୂମିମସଜିଦାନେଇ ବିବାଦ କ୍ରମାଗତଭାବେ ଚର୍ଚ୍ଚାର ବିଷୟ ପାଲଟିଛି। ଏହି ମାମଲା କୋର୍ଟରେ ବିଚାର କରାଯାଉଛି। ଶାହୀ ଇଦଗାହା ମସଜିଦ ପ୍ରକୃତରେ ଶ୍ରୀକୃଷ୍ଣ ଜନ୍ମଭୂମି ଭାଙ୍ଗି ନିର୍ମିତ ହୋଇଛି କି? ଏହାର ଶୁଣାଣି ଜାରି ରହିଛି। କିନ୍ତୁ ଏଭଳି ପରିସ୍ଥିତିରେ ବର୍ତ୍ତମାନ ଏହି ବିବାଦରେ ଏକ ନୂଆ ମସଜିଦ ପ୍ରବେଶ କରିଛି। ଏହି ମସଜିଦର ନାମ ହେଉଛି ମୀନା ମସଜିଦ। ମୀନା ମସଜିଦ ଶ୍ରୀକୃଷ୍ଣ ଜନଭୂମି ମନ୍ଦିର କମ୍ପ୍ଲେକ୍ସର ଉତ୍ତର ପାର୍ଶ୍ୱରେ ଅବସ୍ଥିତ । ଏହି ମସଜିଦର ବର୍ତ୍ତମାନ ସ୍ଥିତି ଶ୍ରୀକୃଷ୍ଣ ଜନ୍ମଭୂମି ଏବଂ ରେଳ ଲାଇନ ମଧ୍ୟରେ ଅଛି।
ବର୍ତ୍ତମାନ ହିନ୍ଦୁ ମହାସଭା ପକ୍ଷରୁ ମଥୁରା କୋର୍ଟରେ ଏହି ମସଜିଦ ହଟାଇବା ପାଇଁ ଏକ ପିଟିଶନ ଦାଖଲ କରାଯାଇଛି। ଯେଉଁଥିରେ ଦର୍ଶାଯାଇଛି ଯେ ଏହି ମସଜିଦ ବେଆଇନ ଏବଂ ଏହାକୁ ହଟାଯିବା ଉଚିତ। ବାସ୍ତବରେ, ଏହି ମୀନା ମସଜିଦ ଜନ୍ମଭୂମି ପରିସରର ବାହ୍ୟ ପାର୍ଶ୍ୱରେ ଅବସ୍ଥିତ।
ଏହି ମାମଲାରେ ହିନ୍ଦୁ ମହାସଭାର ଜାତୀୟ କୋଷାଧ୍ୟକ୍ଷ ଦୀନେଶ କୌଶିକ ମଥୁରା କୋର୍ଟରେ ଏକ ପିଟିଶନ ଦାଖଲ କରିଛନ୍ତି। ସେ କହିଛନ୍ତି ଯେ ୧୯୬୪ ମସିହାରେ ଜନ୍ମଭୂମି ଏବଂ ଇଦଗାହ ମସଜିଦର ନକସାରେ ମୀନା ମସଜିଦ କୌଣସି ସ୍ଥାନରେ ଦୃଶ୍ୟମାନ ହୁଏ ନାହିଁ। ଜନ୍ମଭୂମି ନ୍ୟାସ ଟ୍ରଷ୍ଟ ମଧ୍ୟ ଏହି ମସଜିଦ ଏବଂ ୧୩.୫ ଏକର ଜମି ପାଇଁ ବିଦ୍ୟୁତ ଏବଂ ଜଳ ବିଲ ପ୍ରଦାନ କରେ।
୧୯୬୪ ପରେ ବେଆଇନ ଭାବେ ଏହି ମସଜିଦ ନିର୍ମାଣ କରାଯାଇଛି। ହିନ୍ଦୁ ମହାସଭାର କାର୍ଯ୍ୟକର୍ତ୍ତାମାନେ କହିଛନ୍ତି ଯେ ଯଦି ଆମେ କୋର୍ଟରୁ ନ୍ୟାୟ ପାଇ ନାହୁଁ, ତେବେ ଆମେ ରାସ୍ତାକୁ ଓହ୍ଲାଇ ଏହି ମସଜିଦକୁ ହଟାଇଦେବୁ।
